PAK vs IND: સુલતાન જોહર કપ 2025: ભારત-પાકિસ્તાન હોકી મેચ ડ્રો રહી, હેન્ડશેક વિવાદ વચ્ચે ખેલાડીઓએ આપી હાઇ-ફાઇવ

PAK vs IND મલેશિયામાં ચાલી રહેલા સુલતાન જોહર હોકી કપ 2025 દરમિયાન ભારત અને પાકિસ્તાન વચ્ચેની રોમાંચક મેચ 3-3ની ટાઈ પર પૂરી થઈ. મેચના રાજકીય અને રમતગમત બંને પાસાંએ ચાહકોમાં ભારે ઉત્સુકતા જોવા મળી. ભારતે બીજી અર્ધમાં શાનદાર વાપસી કરી અને અંતિમ મિનિટોમાં સ્કોર બરાબર કર્યો.

મેચ પહેલા વાતાવરણ થોડું સંવેદનશીલ હતું. પહેલગામ માં થયેલા આતંકી હુમલાના કારણે તણાવ હતો અને હેન્ડશેક વિવાદ ફરી એકવાર ચર્ચામાં આવ્યો. અગાઉ ભારતે એશિયા કપ દરમિયાન પાકિસ્તાન સામે હાથ મિલાવવાનું ટાળ્યું હતું. આ પૃષ્ઠભૂમિમાં, તમામની નજર હતી કે શું આ વખતેય ક્રિકેટ જેવી સ્થિતિ ઉભી થશે.

મેચ શરૂ થવા પહેલાં બંને દેશોના ખેલાડીઓએ એકબીજાને હાઈ-ફાઈવ આપી અને પરંપરાગત હેન્ડશેક ટાળ્યો. સોશ્યલ મીડિયા પર આ ક્ષણની તસવીરો અને વિડિયોઝ ઝડપથી વાયરલ થયા. પાકિસ્તાન હોકી ફેડરેશન (PHF) એ પણ ખેલાડીઓને “નો હેન્ડશેક” નીતિ માટે પૂર્વતયારી રાખવા સૂચના આપી હતી. PHFના અધિકારીએ જણાવ્યું કે જો ભારત હાથ ન મિલાવે, તો ખેલાડીઓએ શાંતિપૂર્ણ વર્તન રાખવું અને રમતમાં ધ્યાન કેન્દ્રિત કરવું.

મેચની વાત કરીએ તો

પાકિસ્તાને શરૂઆતથી દબદબો જમાવ્યો અને પ્રથમ હાફના અંતે 1-0થી આગળ હતું. બીજા હાફમાં પાકિસ્તાને વધુ એક ગોલ કરીને લીડ 2-0 કરી દીધી. જોકે, ત્યારબાદ ભારતીય ટીમે ઘાતક વાપસી કરી. અરાઈ જીત સિંહે ભારત તરફથી પ્રથમ ગોલ કર્યો અને થોડી જ વારમાં સૌરભ આનંદ કુશવાહાએ સ્કોર 2-2 કરી દીધો. ભારતે ત્યારબાદ ત્રીજો ગોલ કરીને મેચ પોતાના તરફ ખેંચવાનો પ્રયાસ કર્યો, પરંતુ અંતિમ મિનિટોમાં પાકિસ્તાનના સુફિયાન ખાને ગોલ કરીને મેચ ટાઈ પર લાવી દીધી.

આ મેચ માત્ર એક સ્પોર્ટ્સ ઇવેન્ટ નહોતું, પણ એ ભારત-પાકિસ્તાન વચ્ચેના સંબંધોની એક નાની ઝલક હતી. હેન્ડશેક વિવાદ છતાં ખેલાડીઓ વચ્ચેનો આદર અને રમતના નિયમો જાળવવામાં આવ્યા, જે સ્પોર્ટ્સમેનશિપનું ઉદાહરણ છે.

એશિયા કપ 2025: ભારતે સુપર-4ની શરૂઆત જીત સાથે કરી, કોરિયાને 4-2 થી પરાજય આપ્યો

ભારતીય મહિલા હોકી ટીમે એશિયા કપ 2025ના સુપર-4 તબક્કાની પોતાની પહેલી મેચમાં જ શાનદાર પ્રદર્શન કર્યું. બુધવારે, 10 સપ્ટેમ્બરના રોજ, ટીમ ઇન્ડિયાએ કોરિયાને 4-2થી પરાજય આપ્યો અને ટુર્નામેન્ટના ફાઇનલ તરફ મજબૂત પગલાં ભરી દીધાં.

મેચમાં ભારત તરફથી સંગીતા કુમારી, વૈષ્ણવી ફાળકે, લાલરેમસિયામી અને રુતુજા પિસાલે એક-એક ગોલ કર્યા. તેમની સંયુક્ત કામગીરીની મદદથી ભારતે શરૂઆતથી અંત સુધી મેચ પર નિયંત્રણ રાખ્યું. સંગીતા કુમારીને “પ્લેયર ઓફ ધ મેચ” જાહેર કરવામાં આવી, જેણે મોટો દબાણ હોય છતાં શાનદાર રમત પ્રદર્શિત કરી.

એશિયા કપમાં ભારતનો અભૂતપૂર્વ પ્રદર્શન

ભારતીય મહિલા ટીમ અત્યાર સુધી એશિયા કપ 2025માં અપરાજિત રહી છે. લીગ તબક્કામાં ટીમે થાઇલેન્ડને 11-0 અને સિંગાપોરને 12-0 થી એકતરફી હરાવ્યું હતું, જ્યારે જાપાન સામેની મેચ 2-2થી ડ્રો રહી હતી. આ પ્રદર્શનથી ભારત પૂલ-Bમાં ટોચ પર રહ્યું અને સુપર-4 માટે સહેલાઈથી ક્વોલિફાય થયું.

સુપર-4માં હવે ભારતે પહેલી જ મેચમાં જીત સાથે પોતાનું દમ પૂરું પાડ્યું છે. હવે આગળની મેચો ચીન અને જાપાન સામે થશે – જ્યાંથી ફાઇનલમાં પ્રવેશ નક્કી થશે.

Snapshots of a hard-fought win! 📸✨

India edged past Korea 4-2 to record their first victory in the Super 4s of the Women’s Asia Cup 2025.#HockeyIndia #IndiaKaGame #WomensAsiaCup2025 pic.twitter.com/o4HFgSQUnG

— Hockey India (@TheHockeyIndia) September 10, 2025

સુપર-4 ફોર્મેટ અને ભારતીય ટીમની શક્યતાઓ

સુપર-4 તબક્કામાં ચીન, જાપાન, કોરિયા અને ભારત – આ ચાર ટોચની ટીમો રાઉન્ડ રોબિન પદ્ધતિથી એકબીજાની સામે રમશે. જે બે ટીમો ટેબલમાં ટોચે રહેશે, તે ફાઇનલ માટે ક્વોલિફાય કરશે.

ભારત હવે 11 સપ્ટેમ્બરના રોજ યજમાન ચીન સામે મેદાનમાં ઉતરશે. આ મુકાબલો ટીમ માટે કફીની પરીક્ષા સાબિત થવાનો છે, કારણ કે ચીન ઘરઆંગણે મજબૂત પ્રતિસ્પર્ધી તરીકે ઊભર્યું છે. જો ભારત ચીન સામે પણ વિજય મેળવશે, તો તેઓનું ફાઇનલમાં સ્થાન લગભગ નિશ્ચિત થઈ જશે.

A performance to remember! 🌟

Sangita Kumari’s brilliance earns her the 𝐏𝐥𝐚𝐲𝐞𝐫 𝐨𝐟 𝐭𝐡𝐞 𝐌𝐚𝐭𝐜𝐡 award in India’s 4-2 win over Korea.#HockeyIndia #IndiaKaGame #WomensAsiaCup2025 pic.twitter.com/iKZZnDn19i

— Hockey India (@TheHockeyIndia) September 10, 2025

ફાઇનલમાં પહોંચવા સાથે વર્લ્ડ કપ ટિકિટ પણ દાવ પર

2026માં યોજાનારા મહિલા હોકી વર્લ્ડ કપ માટે ફાઇનલમાં પહોંચનાર બંને ટીમો સીધી ક્વોલિફિકેશન મેળવે છે. એટલે કે, ફાઇનલ જીતવી કે નહીં, ફાઇનલ સુધી પહોંચવું પોતે જ એક મોટું વિજય છે. હવે નજર છે કે ટીમ ઇન્ડિયા આગામી મુકાબલાઓમાં પણ એવું જ દમદાર પ્રદર્શન ચાલુ રાખી શકે છે કે નહીં.

હોકી એશિયા કપ 2025: ચીન સામે હાર બાદ ભારતની ફાઇનલની આશાઓ હજી જીવંત, પણ શરતો કડક

એશિયા કપ 2025માં ભારતીય મહિલા હોકી ટીમને સુપર-4 તબક્કામાં યજમાન ચીન સામે 1-4થી હાર મળતાં, તેમની ફાઇનલમાં પહોંચવાની શક્યતાઓ પર સપાટો લાગ્યો છે. હવે જાપાન સામે શનિવારની મેચ ભારત માટે ‘કરી લે યા મર’ જેવી બની છે.

ચીન ફાઇનલમાં, હવે બાકીનો એક તિકિટ માટે જંગ

હાંગઝોઉમાં યોજાયેલી મેચમાં મુમતાઝ ખાનનો એકમાત્ર ગોલ ભારત માટે થોડી આશા જગાવતો રહ્યો, પણ ચીનના મજબૂત હુમલાઓ સામે ભારતીય ડિફેન્સ તૂટી પડ્યું. ઝુ મેરોંગે બે, જ્યારે ચેન યાંગ અને તાન જિન્ઝુઆંગે એક-એક ગોલ સાથે ચીનને ફાઇનલમાં સ્થાન અપાવ્યું.

સુપર-4 પોઈન્ટ સ્ટેન્ડિંગ (2 મેચ પછી):

• ચીન – 6 પોઈન્ટ (ફાઇનલમાં સ્થાન નિશ્ચિત)
• ભારત – 3 પોઈન્ટ
• જાપાન – 1 પોઈન્ટ
• કોરિયા – 1 પોઈન્ટ

ભારત માટે ફાઇનલમાં પહોંચવાનો રસ્તો

ભારત માટે હવે બહુ સ્પષ્ટ પરિસ્થિતિ છે – જાપાન સામે જીતવી ફરજિયાત છે. જો ભારત જીતે છે, તો તેની પાસે 6 પોઈન્ટ થશે અને તે ચીન સામે ફાઇનલ રમશે.

પરંતુ જો મેચ ડ્રોમાં ફેરવાય છે, તો ભારતના 4 પોઈન્ટ થશે અને કોરિયા પાસે ચીન સામે જીતવાથી આગળ વધવાની તક રહેશે, એ પણ ત્યારે જ જ્યારે તેઓ ઓછામાં ઓછા 2 ગોલથી જીતે.

અને જો ભારત મેચ હારે છે, તો તેમને ટુર્નામેન્ટમાંથી બહાર થવું પડશે અને ત્યારબાદ જાપાન અને કોરિયા વચ્ચે બીજા ફાઇનલિસ્ટ માટે સ્પર્ધા થશે.

ફક્ત ટ્રોફી નહીં, વર્લ્ડ કપ ટિકિટ પણ દાવ પર

હોકી એશિયા કપના ફાઇનલમાં પહોંચનારી બે ટોચની ટીમો 2026 વર્લ્ડ કપ માટે સીધી ક્વોલિફિકેશન મેળવે છે. એટલેકે ફાઇનલમાં સ્થાન મેળવવું માત્ર ખિતાબ માટે જ નહીં, પણ આંતરરાષ્ટ્રીય પ્રતિષ્ઠા માટે પણ મહત્વપૂર્ણ છે.

પુરુષ હોકી ટીમ પહેલેથી જ વર્લ્ડ કપમાં ક્વોલિફાય થઈ ચૂકી છે. હવે મહિલા હોકી ટીમ પર સૌની નજરો છે કે શું તેઓ પણ ભારતને ડબલ ગૌરવ અપાવી શકશે.

ભારતની અત્યાર સુધીની સફર

ભારતે સુપર-4ની શરૂઆત કોરિયા સામે જીતથી કરી હતી. પરંતુ ચીન સામે હારથી તેઓ પોઈન્ટ ટેબલમાં થોભી ગયા છે. જાપાન સામેની મેચ હવે નક્કી કરશે કે ટીમ પોતાના સપનાને સાકાર કરી શકે છે કે નહીં.