અર્શદીપ સિંહ એશિયા કપ 2025થી બહાર: ઈજા કે વ્યૂહાત્મક નિર્ણય.

અર્શદીપ સિંહ, જે T20 ફોર્મેટમાં ભારત માટે 99 વિકેટ લઈ ચૂક્યો છે, એશિયા કપ 2025માં UAE સામેની મેચ માટે પ્લેઈંગ 11નો ભાગ ન હતો. આ નિર્ણયને કારણે ઘણા પ્રશ્નો ઊભા થયા છે. લોકોમાં કૌતૂહલ છે કે શું અર્શદીપ ઈજાગ્રસ્ત છે? કે પછી આ નિર્ણય કોચ ગૌતમ ગંભીરની ‘8 બેટર’ રણનીતિનો ભાગ છે?

અર્શદીપે છેલ્લી T20 આંતરરાષ્ટ્રીય મેચ 31 જાન્યુઆરી 2025ના રોજ રમી હતી. ત્યારબાદ તેણે માત્ર દુલીપ ટ્રોફીમાં નોર્થ ઝોન માટે એક જ મેચ રમી હતી. UAE સામેની મેચ પહેલાં અર્શદીપ ICC એકેડેમીમાં ફિટનેસ કોચ એડ્રિયન લે રોક્સની દેખરેખમાં ફિટનેસ અને બેટિંગ પર કામ કરતો જોવા મળ્યો હતો. તેણે બોલિંગ કરતા વધુ સમય બેટિંગ અને સ્પ્રિન્ટ પર ફોકસ કર્યો. એટલે એ લાગે છે કે તે “રીટર્ન ટુ પ્લે” ડ્રીલ પર કામ કરી રહ્યો હતો.

જો તેને ગંભીર ઈજા હોત, તો ટીમના ફિઝિયો કમલેશ જૈન તેની સાથે રહેતો. જોકે, એવું બન્યું નહીં. એક સૂત્રએ પીટીઆઈને જણાવ્યું કે અર્શદીપ “પાવરહાઉસ” છે અને ફિટનેસ માટે ખૂબ પ્રતિબદ્ધ છે. તેણે એનસીએ ખાતે તાજેતરમાં બ્રોન્કો ટેસ્ટમાં પણ સારું પ્રદર્શન કર્યું હતું.

ટીમ મેનેજમેન્ટ હાલમાં સ્પિનર heavy કોમ્બિનેશન પર ભાર મૂકી રહ્યું છે. ગૌતમ ગંભીરની થિયરી મુજબ, ટીમ 8 નંબર સુધી બેટિંગ લાઇન-અપ મજબૂત કરવા અને धीમી પિચોને ધ્યાનમાં રાખીને ત્રણથી ચાર સ્પિનરો સાથે મેદાનમાં ઉતરવાનું પસંદ કરે છે. UAE સામે વરુણ ચક્રવર્તીને અર્શદીપની જગ્યાએ રમાડવાનો નિર્ણય પણ એ જ વ્યૂહનો ભાગ લાગ્યો.

અક્ષર પટેલ, જાડેજા, કુલદીપ અને વરુણ – એશિયન પિચ પર આ સ્પિનરો ખૂબ અસરકારક સાબિત થયા છે. ખાસ કરીને વરુણ અને કુલદીપની ગૂંચવણ ભરેલી બોલિંગ સામે એશિયન બેટર્સ અચાનક આઉટ થવા લાગ્યા છે. સાથે અક્ષરનો બેટિંગ ફેક્ટર પણ મહત્વનો છે.

અર્શદીપ માટે હજુ પણ તકો થઈ શકે છે, ખાસ કરીને પાકિસ્તાન જેવી મોટી મેચોમાં, જ્યાં ટીમ મેચની ખાસ જરૂરિયાત પ્રમાણે વિકલ્પ પસંદ કરશે. જોકે, જો આ સ્પિનર રણનીતિ જારી રહે, તો T20 વર્લ્ડ કપ 2026માં અર્શદીપનું સ્થાન જોખમમાં પડી શકે છે.

વિરાટ કોહલીની નિવૃત્તિથી તાલિબાન નેતાવર્ગ પણ દુઃખી: “તેને 50 વર્ષ સુધી રમવું જોઈએ”

વિશ્વભરમાં ભારતીય ક્રિકેટર્સ માટે ઊંડી લાગણી છે, પરંતુ અફઘાનિસ્તાન જેવા દેશમાં પણ તેમના માટેનો ક્રેઝ નોંધપાત્ર છે. ખાસ કરીને વિરાટ કોહલી અને રોહિત શર્મા જેવા સ્ટાર ખેલાડીઓની ટેસ્ટ ક્રિકેટમાંથી નિવૃત્તિએ અનેક ચાહકોને દુઃખ પહોંચાડ્યું છે. આમાં માત્ર સામાન્ય ચાહકો જ નહીં, પણ અફઘાનિસ્તાનના શાસક તાલિબાનના નેતાઓ પણ સમાવિષ્ટ છે.

તાલિબાનના જાણીતા નેતા અનસ હક્કાની એ તાજેતરમાં યુટ્યુબ પોડકાસ્ટમાં જણાવ્યું કે તેઓ વિરાટ કોહલીના મોટાં ચાહક છે અને તેઓ ઈચ્છે છે કે કોહલી 50 વર્ષની ઉંમર સુધી રમતો રહે. હક્કાનીનું માનવું છે કે કોહલીએ સમય પહેલાં નિવૃત્તિ લીધી છે અને આવી કક્ષાના ખેલાડી માટે આ યોગ્ય નિર્ણય નથી.

વિરાટ કોહલીની સાથે રોહિત શર્માએ પણ થોડા દિવસ પહેલાં ટેસ્ટ ક્રિકેટમાંથી નિવૃત્તિ લીધી હતી. રોહિતે 7 મેના રોજ અને કોહલીએ 12 મેના રોજ નિવૃત્તિની જાહેરાત કરી હતી. જ્યારે રોહિતની નિવૃત્તિ અંગે પહેલેથી જ અટકળો ચાલી રહી હતી, ત્યારે કોહલીનો નિર્ણય અકસ્માત અને આશ્ચર્યજનક હતો.

અનસ હક્કાનીએ કહ્યું, “વિરાટ કોહલી એ એવા ખેલાડી છે જેમણે ઇતિહાસ રચ્યો છે. તેમને હજુ ઘણું બાકી હતું. હું ઈચ્છું છું કે તે પોતાની ફિટનેસ જાળવે અને ફરીથી મેદાન પર વાપસી કરે.” તેઓએ ઉમેર્યું કે જો રૂટ જેમ સચિન તેંડુલકરનાં રેકોર્ડના નજીક પહોંચી રહ્યો છે, તેમ કોહલી પાસે પણ એવી જ તક હતી.

તેમણે એમ પણ કહ્યું કે કદાચ વિરાટ કોહલી બોર્ડ સાથેના અંતર અથવા મીડિયા પ્રેશરના કારણે આ નિર્ણય લઈ ગયો હશે.પરંતુ હક્કાનીનો મત સ્પષ્ટ હતો — વિરાટનો નિર્ણય વહેલો હતો અને તેણે હજુ ઘણા વર્ષો સુધી ક્રિકેટ રમવી જોઈએ.

આને લઈને હવે ચાહકો પણ ચર્ચા કરી રહ્યાં છે કે કોહલીએ ફરીથી નિવૃત્તિનો નિર્ણય પાછો ખેંચવો જોઈએ કે નહીં.

ENG vs SA: ઇંગ્લેન્ડે 300+ રન બનાવી દક્ષિણ આફ્રિકાને રેકોર્ડ હાર આપી

માન્ચેસ્ટરમાં રમાયેલી બીજી T20I મેચમાં ઇંગ્લેન્ડે દક્ષિણ આફ્રિકા સામે એવો પરફોર્મન્સ આપ્યો કે ક્રિકેટ ઈતિહાસમાં નવો અધ્યાય લખાઈ ગયો. પ્રથમ મેચમાં હારનો સામનો કર્યા પછી યજમાનોએ શાનદાર કમબેક કરતાં 146 રનથી વિજય નોંધાવ્યો. આ સાથે ઇંગ્લેન્ડ પહેલી વાર T20Iમાં 300 રનનો આંકડો પાર કરી શક્યો, જ્યારે દક્ષિણ આફ્રિકાને તેના ઈતિહાસનો સૌથી મોટો પરાજય સહન કરવો પડ્યો.

ઇંગ્લેન્ડની ઐતિહાસિક બેટિંગ

ઇંગ્લેન્ડના ઓપનર્સ ફિલ સોલ્ટ અને જોસ બટલરે શરૂઆતથી જ આક્રમક અંદાજ અપનાવ્યો. બંનેએ દક્ષિણ આફ્રિકાના બોલરોને એક ક્ષણ માટે પણ સંભાળવા દીધા નહોતા. ફિલ સોલ્ટે માત્ર 60 બોલમાં 15 ચોગ્ગા અને 8 છગ્ગાની મદદથી અણનમ 141 રન બનાવ્યા. તેમના સાથી જોસ બટલરે ફક્ત 30 બોલમાં 83 રન ફટકાર્યા, જેમાં 8 ચોગ્ગા અને 7 છગ્ગા સામેલ હતા.

કેપ્ટન હેરી બ્રૂક (41) અને જેકબ બેથેલ (26) એ અંતિમ ઓવરોમાં તાબડતોબ રન ઉમેરીને ટીમનો સ્કોર 20 ઓવરમાં 2 વિકેટે 304 સુધી પહોંચાડ્યો. આ T20I ઇતિહાસમાં ઇંગ્લેન્ડનું સૌથી મોટું સ્કોર છે.

દક્ષિણ આફ્રિકાની નિષ્ફળતા

304 રનના ભારે લક્ષ્ય સામે દક્ષિણ આફ્રિકાએ શરૂઆત સારી કરી હતી. કેપ્ટન એડન માર્કરમે 20 બોલમાં 41 રન ફટકાર્યા, જ્યારે રિક્લેટે 20 રન ઉમેર્યા. પ્રથમ 22 બોલમાં 50 રનની ભાગીદારી થતાં આશા જીવંત લાગી હતી, પરંતુ ત્યાર બાદ વિકેટોનો પતન શરૂ થયો.

બજોર્ન ફોર્ટુઈન (32), ટ્રિસ્ટન સ્ટબ્સ (23) અને ડેવોન ફેરેરા (23) એ થોડી ઝલક આપી, પરંતુ કોઇ પણ લાંબો સમય ટકી શક્યો નહીં. આખી ટીમ 16.1 ઓવરમાં 158 પર ઓલઆઉટ થઈ ગઈ. રનની દ્રષ્ટિએ આ દક્ષિણ આફ્રિકાનો સૌથી મોટો પરાજય રહ્યો.

ઇંગ્લેન્ડના બોલરોની કમાન

ઇંગ્લેન્ડની જીતમાં બેટિંગ ઉપરાંત બોલિંગે પણ મહત્ત્વપૂર્ણ યોગદાન આપ્યું. જોફ્રા આર્ચરે ત્રણ વિકેટ ઝડપી, જ્યારે સેમ કુરન, લિયામ ડોસન અને વિલ જેક્સે બે-બે વિકેટ લીધી. આદિલ રશીદે એક વિકેટ લઈને દક્ષિણ આફ્રિકાની આશાઓને પૂરી રીતે તોડી નાખી.

રેકોર્ડસની જંગ

આ જીત સાથે ઇંગ્લેન્ડે T20I ક્રિકેટમાં પહેલી વાર 300 રનની સિદ્ધિ મેળવી. દક્ષિણ આફ્રિકા માટે આ હાર ઘણા શરમજનક રેકોર્ડ લઈને આવી – સૌથી મોટો પરાજય અને સૌથી વધુ રન ખાવાનો કિસ્સો. બીજી તરફ, ઇંગ્લેન્ડ માટે આ તેની અત્યાર સુધીની સૌથી મોટી T20I જીત સાબિત થઈ.