IND vs SA: રાંચીમાં કોણ કરશે પ્રભુત્વ બેટ્સમેન કે બોલર? ટોસ બની શકે છે નિર્ણાયક

IND vs SA ભારત અને દક્ષિણ આફ્રિકા વચ્ચેની ત્રણ મેચોની ODI શ્રેણીનો પહેલો મુકાબલો 30 નવેમ્બરે રાંચીના JSCA ઇન્ટરનેશનલ સ્ટેડિયમમાં રમાવાનો છે. વર્ષ 2025માં ભારતની આ છેલ્લી ODI શ્રેણી છે, તેથી ટીમ માટે આ મુકાબલો ખૂબ મહત્વપૂર્ણ છે. ખાસ કરીને 2027ના ODI વર્લ્ડ કપને ધ્યાનમાં રાખીને ટીમ ઈન્ડિયા આ શ્રેણીને તૈયારીનો મહત્વપૂર્ણ ભાગ માની રહી છે. ફેન્સની નજર સ્વાભાવિક રીતે વિરાટ કોહલી અને રોહિત શર્મા જેવી મુખ્ય બેટિંગ પિલર્સ પર રહેશે.

રાંચીની પીચ પર કોનો રહેશે વધારે ભાર?

આ સ્ટેડિયમમાં અત્યાર સુધી છ ODI રમાઈ ચૂકી છે અને અહીં બેટ અને બોલ બંનેને સમાન સહકાર મળ્યો છે. પિચ સામાન્ય રીતે શરૂઆતમાં થોડી મદદ ફાસ્ટ બોલરોને આપે છે. નવા બોલ સાથે સીમ અને સ્વિંગ જોવા મળે છે, પરંતુ ઇનિંગ્સ આગળ વધે તેમ પિચ થોડી સૂકી બનતી જાય છે. પરિણામે, મધ્ય ઓવરમાં સ્પિનરોની ભૂમિકા ઘણી મોટી બની જાય છે.

આ મેદાન પર પહેલી ઇનિંગ્સનો સરેરાશ સ્કોર 260-265 ની આસપાસ રહ્યો છે, જે આજના ODI ના ધોરણો પ્રમાણે થોડો ઓછો માનવામાં આવે છે. એટલે કે, 300+ સ્કોર એક પડકારજનક અને સ્પર્ધાત્મક ટોટલ સાબિત થઈ શકે છે.

પીછો કરનારી ટીમનો રેકોર્ડ મજબૂત

છમાંથી ત્રણ મેચ પીછો કરનારી ટીમ જીતી છે, જ્યારે બે મેચ પહેલી બેટિંગ કરનારી ટીમે જીતી છે. એક મેચ રદ થઈ હતી. આ આંકડા દર્શાવે છે કે રાંચીની પિચ પર સ્કોર ચેઝ કરવો થોડો સરળ રહે છે, ખાસ કરીને ડ્યૂ ફેક્ટર હોય ત્યારે બોલરો માટે ગ્રિપ કરવી મુશ્કેલ બની જાય છે.

ટોસ કેમ છે સૌથી મોટી કી

મેચ બપોરે 1:30 IST થી શરૂ થવાનું હોવાથી ટોસનું મહત્વ ઘણી વધે છે. રાંચીમાં અત્યાર સુધી ટોસ જીતનાર ટીમ માત્ર બે વખત જ મેચ જીતી છે, જ્યારે ટોસ હારનાર ટીમે ત્રણ વખત જીત હાંસલ કરી છે. ભલે આ આંકડા બધા સમય માટે સાચા ન કહેવાય, પરંતુ રાત્રે પડતી ઝાકળને કારણે મોટાભાગના કેપ્ટન પ્રથમ બોલિંગ કરવાનું પસંદ કરી શકે છે.

ડ્યૂ ફેક્ટરના કારણે બીજી ઇનિંગ્સમાં બેટિંગ કરતી ટીમને થોડો ફાયદો મળી શકે છે, કારણ કે ભીનું બોલ સ્પિન અને સીમ બંનેને અસર કરે છે. તેથી, જો ટોસ જીતનાર ટીમ પહેલા બોલિંગ પસંદ કરે, તો એ સંપૂર્ણ રીતે યોગ્ય વ્યૂહરચના બની શકે છે.

મૅચમાં નજર રહેશે આ મુદ્દાઓ પર:

• રાંચી પિચનો બેાપક્ષીય સ્વભાવ – ફાસ્ટ બોલરોની શરૂઆતમાં અસર અને સ્પિનરોની મધ્ય ઓવરમાં મદદ.
• પ્રથમ ઇનિંગ્સમાં 280-300 નો સ્કોર સુરક્ષિત માનવો.
• ડ્યૂ ફેક્ટર જે ચેઝ કરનાર ટીમને ફાયદો આપી શકે.
• વિરાટ, રોહિત અને દક્ષિણ આફ્રિકાના ટોચના બેટ્સમેનનો પ્રભાવ.

આ બધા પરિબળોને જોતા પહેલી ODI ખૂબ જ રોમાંચક થવાની પૂરી શક્યતા છે.

IND vs SA: ઘરઆંગણે દક્ષિણ આફ્રિકા સામે ટીમ ઈન્ડિયાનો ODI રેકોર્ડ

IND vs SA ભારતીય ક્રિકેટ ટીમ 30 નવેમ્બરથી ઘરઆંગણે દક્ષિણ આફ્રિકા સામે ત્રણ મેચોની વનડે શ્રેણી રમવા જઈ રહી છે. આ શ્રેણી ખૂબ જ મહત્વપૂર્ણ માનવામાં આવી રહી છે, કારણ કે તાજેતરમાં ભારતીય ટીમે દક્ષિણ આફ્રિકા સામે ટેસ્ટ શ્રેણીમાં નિરાશાજનક હારનો સામનો કર્યો હતો. હવે ODI શ્રેણી દ્વારા ભારત પોતાનું પ્રદર્શન વધુ મજબૂત બનાવવા તથા જીત સાથે વાપસી કરવાનો પ્રયાસ કરશે.

ભારતનો ઘરઆંગણે દક્ષિણ આફ્રિકા સામે ODI રેકોર્ડ

ભારતીય ટીમે અત્યાર સુધી દેશમાં દક્ષિણ આફ્રિકા સામે કુલ 32 ODI મેચો રમી છે. આમાં ભારતે 18 મેચો જીતી છે, જ્યારે 14 મેચોમાં હારનો સામનો કર્યો છે. આ આંકડા દર્શાવે છે કે દક્ષિણ આફ્રિકા છેલ્લા ઘણાં વર્ષોથી ભારત માટે હંમેશા પડકારજનક પ્રતિસ્પર્ધી રહી છે.

ODI શ્રેણીનો ઇતિહાસ

ભારત અને દક્ષિણ આફ્રિકા વચ્ચે ભારતની ભૂમિ પર અત્યાર સુધી 9 ODI શ્રેણીઓ રમી છે.

• ભારતે 6 શ્રેણી જીતી છે
• દક્ષિણ આફ્રિકાએ 2 શ્રેણી જીતી છે
• 1 શ્રેણી ડ્રો રહી છે

ભારતની દક્ષિણ આફ્રિકા સામે છેલ્લી ઘરઆંગણે ODI શ્રેણી 2022-23 દરમિયાન રમાઈ હતી, જેમાં ભારતે 2-1થી જીત મેળવી હતી. આ શ્રેણીમાં ભારતીય યુવા ખેલાડીઓએ ઉત્તમ પ્રદર્શન કર્યું હતું.

દક્ષિણ આફ્રિકાનો છેલ્લો ભારત પ્રવાસમાં શ્રેણી વિજય 2015-16માં આવ્યો હતો, જ્યારે તેમણે પાંચ મેચોની શ્રેણી 3-2થી જીતી હતી. આ વિજય દક્ષિણ આફ્રિકા માટે ભારતીય ધરતી પરના સૌથી યાદગાર વિજયોમાં ગણાય છે.

સામાન્ય રીતે દક્ષિણ આફ્રિકાનો ભારતમાં ODI રેકોર્ડ

ફકત ભારત સામે જ નહીં, પરંતુ ભારતમાં અન્ય તમામ ટીમો સામે દક્ષિણ આફ્રિકાનો વનડે રેકોર્ડ પણ નોંધપાત્ર રહ્યો છે. દક્ષિણ આફ્રિકાએ અત્યાર સુધી ભારતમાં 55 ODI મેચો રમી છે, જેમાંથી:

• 31 મેચો જીતી છે
• 23 મેચોમાં હાર્યા છે
• 1 મેચ ડ્રો રહી છે

આ જીત-હારનું પ્રમાણ સ્પષ્ટ કરે છે કે દક્ષિણ આફ્રિકા ભારતીય પરિસ્થિતિઓમાં સારી રીતે એડજસ્ટ કરી શકે છે અને ઘરઆંગણે ભારતનો સૌથી મજબૂત પ્રતિસ્પર્ધી બની રહે છે.

આગામી ODI શ્રેણી કેમ મહત્વની?

ભારત માટે આ શ્રેણી જીતવી અત્યંત જરૂરી છે, કારણ કે તાજેતરમાં ઓસ્ટ્રેલિયા પ્રવાસ દરમ્યાન ભારતને 2-1થી હાર મળી હતી. ટીમ ઈન્ડિયા 2025માં ODI ફોર્મેટમાં સારું પ્રદર્શન કરી રહી છે, પરંતુ ટોચની ટીમો સામે સ્થિરતા જાળવી રાખવી ખૂબ જ આવશ્યક છે.

દક્ષિણ આફ્રિકા હંમેશા ભારત માટે મુશ્કેલ સાબિત થતી આવી છે. તેથી આ શ્રેણી માત્ર જીત માટે જ નહીં, પરંતુ આવનારા મોટી ટુર્નામેન્ટ્સ માટે આત્મવિશ્વાસ વધારવા માટે પણ અત્યંત મહત્વપૂર્ણ છે.

Virat Kohli: વિરાટ કોહલી રાંચી ODIમાં રચે શકે છે સુવર્ણ ઇતિહાસ, વિશ્વનો પ્રથમ ક્રિકેટર બનવાની તક

Virat Kohli ટીમ ઇન્ડિયાના સ્ટાઈલિશ અને દિગ્ગજ બેટ્સમેન વિરાટ કોહલી માટે રાંચીમાં રમાનારી પ્રથમ ODI બહુ વિશેષ બની શકે છે. ટેસ્ટ અને T20 ફોર્મેટને અલવિદા કર્યા પછી કોહલી હવે સંપૂર્ણ ધ્યાન વનડે ક્રિકેટ પર કેન્દ્રિત કરી રહ્યો છે. એવામાં 30 નવેમ્બરે JSCA આંતરરાષ્ટ્રીય ક્રિકેટ સ્ટેડિયમ ખાતે દક્ષિણ આફ્રિકા સામેની પહેલી મેચમાં તેને એક અનોખો અને ઇતિહાસ રચી શકે એવો મોકો મળશે.

દ્વિપક્ષીય ODI માં 10,000 રનની સિદ્ધિથી માત્ર 64 રન દૂર

વિરાટ કોહલી એ અત્યાર સુધી દ્વિપક્ષીય ODI શ્રેણીઓમાં 196 ઇનિંગ્સમાં 9936 રન બનાવ્યા છે. જો તે રાંચીમાં 64 રન બનાવે છે, તો તે દ્વિપક્ષીય વનડેમાં 10,000 રન પહોંચનાર વિશ્વનો પ્રથમ ક્રિકેટર બનશે. આ યાદીમાં હાલ બીજા નંબર પર મહેન્દ્ર સિંહ ધોની છે, જેમણે 201 ઇનિંગ્સમાં 7669 રન બનાવ્યા છે. સ્પષ્ટ છે કે આ વિશેષ સિદ્ધિ તરફ વિરાટ કોહલી જ સૌથી નજીક છે.

દક્ષિણ આફ્રિકા સામેનો રેકોર્ડ આશ્ચર્યજનક

કોહલી દક્ષિણ આફ્રિકા સામે ODI માં હંમેશાં ટોચના ફોર્મમાં રહ્યો છે. તેણે અત્યાર સુધી આ પ્રતિસ્પર્ધી સામે 65.39 ની સરેરાશથી 1504 રન બનાવ્યા છે અને પાંચ સદી ફટકારી છે. આ આંકડા દર્શાવે છે કે પ્રોટિયાઝ બોલર્સ સામે કોહલીનો બેટ ઘણી જ અસરકારક રીતે બોલે છે અને આ વખતે પણ તેને મોટી ઇનિંગ્સની પૂરી શક્યતા છે.

રાંચી ગ્રાઉન્ડ પર રાજ કરે છે વિરાટ

રાંચીનું JSCA ગ્રાઉન્ડ વિરાટ કોહલી માટે લકી સાબિત થયું છે. તેણે અહીં પાંચ મેચમાં ચાર ઇનિંગ્સ રમતાં 192 ની અદભૂત સરેરાશથી 384 રન બનાવ્યા છે. અહીં બે સદી અને એક અડધી સદી તેના નામે છે. 2014 માં શ્રીલંકા સામે 139 રન અને 2019 માં ઓસ્ટ્રેલિયા સામે 123 રનની ઇનિંગ્સ તેના યાદગાર પ્રદર્શન છે. રાંચીમાં તેની કમાન્ડિંગ હાજરીને જોતા ફેન્સને આ વખતે પણ મોટી ઇનિંગ્સની અપેક્ષા છે.

ઓસ્ટ્રેલિયા શ્રેણીમાં ખરાબ શરૂઆત બાદ મજબૂત કમબેક

ઓસ્ટ્રેલિયા સામેની તાજેતરની ODI શ્રેણીમાં કોહલીએ પ્રથમ બે મેચમાં શૂન્ય પર આઉટ થઇને નિરાશા આપી હતી. જોકે, છેલ્લી વનડેમાં તે 74 રન બનાવીને શાનદાર વાપસી કરી હતી. ફેન્સને આશા છે કે તે આ ગતિ રાંચીમાં પણ ચાલુ રાખશે અને શ્રેણીને ધમાકેદાર શરૂઆત આપશે.

ભારતની ODI ટીમ

રોહિત શર્મા, યશસ્વી જયસ્વાલ, વિરાટ કોહલી, તિલક વર્મા, કે.એલ. રાહુલ (કેપ્ટન/વિકેટકીપર), ઋષભ પંત (વિકેટકીપર), વોશિંગ્ટન સુંદર, રવિન્દ્ર જાડેજા, નીતિશ કુમાર રેડ્ડી, હર્ષિત રાણા, રુતુરાજ ગાયકવાડ, પ્રખ્યાત કૃષ્ણા, અર્શદીપ સિંહ, ધ્રુવ જુરેલ, કુલદીપ યાદવ.