Vaibhav: વૈભવ સુર્યવંશીનું બેટ શાંત, ફક્ત 13 રનમાં આઉટ; બિહારને 62 રનની હાર

Vaibhav સૈયદ મુશ્તાક અલી ટ્રોફી 2025માં બિહાર અને મધ્ય પ્રદેશ વચ્ચે થયેલા મુકાબલામાં યુવા બેટ્સમેન વૈભવ સુર્યવંશી આ વખતે પોતાની છાપ છોડવામાં નિષ્ફળ રહ્યા. તેમનો બેટ બિલકુલ ચલ્યો નહીં અને તેઓ ફક્ત 13 રન બનાવી આઉટ થયા. તેમની આ નબળી ઇનિંગ્સનો બિહારની ટીમ પર મોટો પ્રભાવ પડ્યો અને ટીમને 62 રનથી પરાજયનો સામનો કરવો પડ્યો.

મધ્ય પ્રદેશે આપ્યું 175 રનનું લક્ષ્ય

મધ્ય પ્રદેશે પહેલા બેટિંગ કરતા 20 ઓવરમાં 174 રનનો મજબૂત સ્કોર ઉભો કર્યો. તેમની શરૂઆત સારી રહી અને મધ્ય ઓવર્સમાં ઝડપથી રન ઉમેરાયા. બિહારની બોલિંગ સામાન્ય રહી, જેના કારણે વિરોધી ટીમને મોટો સ્કોર બનાવવા સહેલો મોકો મળ્યો.

લક્ષ્યનો પીછો કરતી વખતે બિહારની શરૂઆત અત્યંત ખરાબ રહી. ટીમ સતત વિકેટ ગુમાવતી ગઈ અને ક્યારેય મેચમાં પરત આવી શકી નહીં. આખી ટીમ 19.2 ઓવરમાં 112 રન પર ઓલઆઉટ થઈ ગઈ.

સુર્યવંશીનું ફ્લોપ પ્રદર્શન

બિહારના યુવા સ્ટાર વૈભવ સુર્યવંશી પાસેથી આ મેચમાં ઘણી અપેક્ષાઓ હતી, પરંતુ તેઓ કંઇ ખાસ કરી શક્યા નહીં. તેમણે 9 બોલમાં 13 રન બનાવ્યા, જેમાં એક ચોગ્ગો અને એક છગ્ગો સામેલ હતો. પરંતુ તે બાદ તેઓ ઝડપથી આઉટ થયા અને ટીમનો બેટિંગ લાઇનઅપ વધુ નબળો પડી ગયો.

કપ્તાન શાકિબુલ ગની પણ ફક્ત 12 રન જ બનાવી શક્યા. ટીમ માટે સૌથી વધુ રન વિપિન સોરભએ બનાવ્યા, જેઓએ 24 બોલમાં 32 રનની ઇનિંગ્સ રમી. તેમણે ત્રણ ચોગ્ગા અને બે છગ્ગા ફટકાર્યા, પણ અન્ય કોઇ બેટ્સમેનો તેમને ટેકો આપી શક્યા નહીં.

એશિયા કપ રાઇઝિંગ સ્ટાર્સમાં રનનીઝળહળ્યો હતો સુર્યવંશીનો બેટ

વૈભવ સુર્યવંશી આ મેચ પહેલા ચર્ચામાં હતા કારણ કે તેમણે તાજેતરમાં એશિયા કપ રાઇઝિંગ સ્ટાર્સમાં ઇન્ડિયા-એ માટે શાનદાર પ્રદર્શન કર્યું હતું. આ ટુર્નામેન્ટમાં તેમણે યુએઇ સામે 42 બોલમાં 144  ધમાકેદાર ઇનિંગ્સ રમી હતી. તેમની ઇનિંગ્સમાં 11 ચોગ્ગા અને 15 છગ્ગા સામેલ હતા, જેના કારણે ભારતે 148 રનની મોટી જીત મેળવી હતી.

ઓછી ઉંમરે દેખાડ્યું પોતાનું ટેલેન્ટ

માત્ર 14 વર્ષની ઉંમરમાં વૈભવ સુર્યવંશી દેશના ઘેરલા ક્રિકેટમાં પોતાનું સ્થાન બનાવી ચૂક્યા છે. અત્યાર સુધીમાં તેમણે 8 ફર્સ્ટ-ક્લાસ મેચોમાં 207 રન અને 6 લિસ્ટ-એ મેચોમાં 132 રન બનાવ્યા છે. ઉપરાંત, તેઓ આઇપીએલમાં રાજસ્થાન રોયલ્સ માટે પણ રમે છે, જ્યાં તેમણે પોતાની બેટિંગ ક્ષમતા બતાવી છે.

મધ્ય પ્રદેશ સામેનું આ પ્રદર્શન ભલે નબળી રહ્યું હોય, પરંતુ તેમનો અગાઉનો રેકોર્ડ અને પ્રતિભા દર્શાવે છે કે તેઓ ઝડપથી ફરી ફોર્મમાં પાછા આવી શકે છે. આગળની મેચોમાં તેમની પાસેથી ફરી એક વાર ઝળહળતું પ્રદર્શન જોવા મળે તેવી આશા છે.

Ashes 2025-26: ઓસ્ટ્રેલિયાને મોટો ફટકો કમિન્સ, એબોટ અને હેઝલવુડ બીજી ટેસ્ટમાંથી બહાર

ઓસ્ટ્રેલિયા અને ઈંગ્લેન્ડ વચ્ચે ચાલી રહેલી એશિઝ 2025-26 શ્રેણીમાં યજમાન ઓસ્ટ્રેલિયાને મોટો ફટકો પડ્યો છે. પર્થ ટેસ્ટ જીત્યા બાદ, ટીમ બ્રિસ્બેન ટેસ્ટ પહેલા કેપ્ટન પેટ કમિન્સની વાપસીની આશા રાખી રહી હતી, પરંતુ ઈજામાંથી સ્વસ્થ ન થવાને કારણે તે બીજી ટેસ્ટમાંથી પણ બહાર થઈ ગયો છે. તેની ગેરહાજરીમાં, સ્ટીવ સ્મિથ ફરી એકવાર ટીમનું નેતૃત્વ કરશે.

બ્રિસ્બેન ટેસ્ટ માટે ટીમમાં કોઈ ફેરફાર કરવામાં આવ્યો નથી

ઓસ્ટ્રેલિયાએ બીજી ટેસ્ટ માટે પહેલી ટેસ્ટ જેટલી જ ટીમ જાળવી રાખી છે. પેટ કમિન્સ, ઝડપી બોલર સીન એબોટ અને જોશ હેઝલવુડ પણ ઈજાને કારણે પસંદગી માટે ઉપલબ્ધ નથી. ત્રણેય ખેલાડીઓ હાલમાં સ્વસ્થ થઈ રહ્યા છે, અને કમિન્સ પરિસ્થિતિનું નિરીક્ષણ કરવા માટે ટીમ સાથે બ્રિસ્બેન જશે.

પ્રથમ ટેસ્ટની સ્થિતિ

પર્થમાં રમાયેલી પહેલી ટેસ્ટમાં, યજમાન ઓસ્ટ્રેલિયાએ ઇંગ્લેન્ડને 8 વિકેટથી હરાવીને મજબૂત શરૂઆત કરી. ઈંગ્લેન્ડની ટીમ પહેલી ઇનિંગમાં ૧૭૨ રનમાં ઓલઆઉટ થઈ ગઈ હતી, જ્યારે ઓસ્ટ્રેલિયા ૧૩૨ રનમાં ઓલઆઉટ થઈ ગયું હતું. જોકે, બીજી ઇનિંગમાં ઇંગ્લેન્ડ માત્ર ૧૬૪ રન જ બનાવી શક્યું હતું, જેના કારણે કાંગારૂઓને ૨૦૫ રનનો લક્ષ્યાંક મળ્યો હતો, જે તેમણે માત્ર બે વિકેટ ગુમાવીને પ્રાપ્ત કર્યો હતો. ટ્રેવિસ હેડે સદી ફટકારીને વિજયમાં મહત્વપૂર્ણ ભૂમિકા ભજવી હતી.

બીજી ટેસ્ટ માટે ઓસ્ટ્રેલિયન ટીમ

સ્ટીવ સ્મિથ (કેપ્ટન), સ્કોટ બોલેન્ડ, એલેક્સ કેરી (વિકેટકીપર), બ્રેન્ડન ડોગેટ, કેમેરોન ગ્રીન, ટ્રેવિસ હેડ, જોશ ઇંગ્લિસ, ઉસ્માન ખ્વાજા, માર્નસ લાબુશેન, નાથન લિયોન, માઈકલ નેસર, મિશેલ સ્ટાર્ક, જેક વેધરલ્ડ અને બો વેબસ્ટર

RCB-RR ના વેચાણના સમાચારથી IPL માં ખળભળાટ, નવા રોકાણકારો મેદાનમાં ઉતર્યા

ઇન્ડિયન પ્રીમિયર લીગ કદાચ એક નવા તબક્કામાં પ્રવેશ કરી રહી છે. છેલ્લા કેટલાક મહિનાઓથી, રોયલ ચેલેન્જર્સ બેંગ્લોર (RCB) ના વેચાણની અફવાઓ ફેલાઈ રહી છે, અને હવે, તાજા અહેવાલો સૂચવે છે કે રાજસ્થાન રોયલ્સ (RR) પણ ટૂંક સમયમાં નવા માલિકના હાથમાં આવી શકે છે.

ભારતીય ઉદ્યોગપતિ હર્ષ ગોયનકાએ તાજેતરમાં સોશિયલ મીડિયા પ્લેટફોર્મ X પર પોસ્ટ કરી હતી, જેમાં દાવો કરવામાં આવ્યો હતો કે એક નહીં, પરંતુ બે IPL ટીમો વેચાણ માટે ઉપલબ્ધ છે. તેમણે લખ્યું હતું કે ચારથી પાંચ સંભવિત જૂથો RCB અને RR ને ખરીદવામાં રસ ધરાવી શકે છે, જેમાં પુણે, અમદાવાદ, મુંબઈ, બેંગલુરુ અને યુએસના રોકાણકારોનો સમાવેશ થાય છે.

RCB મેનેજમેન્ટે પહેલાથી જ સ્પષ્ટ કરી દીધું છે કે ટીમ વેચવાની પ્રક્રિયા શરૂ થઈ ગઈ છે. દરમિયાન, રાજસ્થાન રોયલ્સે હજુ સુધી સત્તાવાર રીતે કંઈપણ પુષ્ટિ કરી નથી, જેનાથી અટકળોને વધુ વેગ મળ્યો છે.

રાજસ્થાન રોયલ્સ રોયલ મલ્ટિસ્પોર્ટ પ્રાઇવેટ લિમિટેડની માલિકીની છે, જેમાં મનોજ બડાલે સૌથી મોટો હિસ્સો ધરાવે છે અને યુએસ રોકાણ જૂથ રેડબર્ડ કેપિટલ પાર્ટનર્સ દ્વારા સમર્થિત છે. જોકે, RR મેનેજમેન્ટે ટીમના સંભવિત વેચાણ અંગે કોઈ નિવેદન આપ્યું નથી.

દરમિયાન, રાજસ્થાન ફ્રેન્ચાઇઝીએ IPL 2026 પહેલા ટીમમાં મોટા ફેરફારો કર્યા છે. રાહુલ દ્રવિડ હવે ટીમના કોચ રહેશે નહીં, અને કુમાર સંગાકારા 2026 સીઝન માટે કોચિંગ ફરજો સંભાળશે. એક મોટા વેપારમાં, સંજુ સેમસનને CSK મોકલવામાં આવ્યો હતો, જ્યારે રવિન્દ્ર જાડેજા અને સેમ કુરન તેમના સ્થાને RR ટીમમાં જોડાયા હતા. હરાજી પહેલા રાજસ્થાને કુલ 16 ખેલાડીઓને જાળવી રાખ્યા છે.