Video: મેચ વચ્ચે અચાનક મધમાખીઓનો હુમલો! આ રીતે બચાવ્યા તેમના જીવ, વીડિયો

Video: ઈંગ્લેન્ડમાં રમાઈ રહેલી કાઉન્ટી ચેમ્પિયનશિપ દરમિયાન એક એવી ઘટના બની જેણે બધાને સ્તબ્ધ કરી દીધા. લાઈવ મેચ દરમિયાન મધમાખીઓના હુમલાને કારણે મેચ થોડા સમય માટે રોકવી પડી હતી.

Video: કાઉન્ટી ચેમ્પિયનશિપ ડિવિઝન વનની એક મેચ દરમિયાન એવી ઘટના બની કે મેચ થોડા સમય માટે રોકવી પડી. આનું કારણ વરસાદ નહીં પણ કંઈક બીજું હતું. જેના કારણે મેદાન પર હાજર બધા ખેલાડીઓ અને અમ્પાયરો સૂઈ ગયા. આ બધું વોર્સેસ્ટરશાયર અને એસેક્સ વચ્ચે વોર્સેસ્ટરમાં રમાઈ રહેલી મેચ દરમિયાન બન્યું. આ મેચના પહેલા દિવસે, વોર્સેસ્ટરશાયર શરૂઆતના પરાજયમાંથી બહાર આવ્યું અને દિવસના અંત સુધીમાં 9 વિકેટે 349 રન બનાવ્યા, પરંતુ દિવસની સૌથી ભયાનક ક્ષણ એ હતી જ્યારે મધમાખીઓના હુમલાને કારણે બધા ખેલાડીઓ જમીન પર સૂઈ ગયા. જેના કારણે મેચ થોડા સમય માટે રોકવી પડી હતી.

મધમાખીઓ બન્યાં ખલનાયક

કાઉન્ટી ચેમ્પિયનશિપ ડિવિઝન વનના મુકાબલામાં એસેક્સ ટીમે ટોસ જીતીને પહેલા ફીલ્ડિંગ કરવાનો નિર્ણય લીધો હતો. વોર્સેસ્ટરશાયરની ટીમ પ્રથમ બેટિંગ કરવા ઉતરી હતી. મેચ દરમિયાન એક અનોખો બનાવ થયો. લાઈવ મેચ દરમિયાન મધમાખીઓનો એક મોટો ઝુંડ મેદાન પર આવી ગયો. મધમાખીઓથી બચવા માટે બધા ખેલાડીઓ અને અંપાયર્સ મેદાનમાં જમીન પર સૂઈ ગયા. સલામતીના ભાગરૂપે મેચને થોડી ક્ષણ માટે રોકવી પડી. જ્યારે મધમાખીઓનો ઝુંડ મેદાનમાંથી આગળ વધ્યો, ત્યારબાદ ફરીથી રમત શરૂ કરવામાં આવી. આ સમગ્ર ઘટનાનો વિડિયો કાઉન્ટી ચેમ્પિયનશિપે તેમના ઇન્સ્ટાગ્રામ પેજ પર શેર કર્યો છે.

 

View this post on Instagram

 

A post shared by Rothesay County Championship (@countychampionship)

વોર્સેસ્ટરશાયરએ મેચમાં કરી ધમાકેદાર વાપસી

આ મેચ દરમિયાન એસેક્સના બોલરોએ વોર્સેસ્ટરશાયરને શરૂઆતમાં જ આંચકો આપ્યો હતો. વોર્સેસ્ટરશાયરના આરંભિક 5 વિકેટ માત્ર 123 રનના સ્કોર પર પડી ગયા હતા. જોકે, રોબ જોન્સ (54), મેથ્યુ વેટે (73), કાસિફ અલી (46) અને ટોમ ટેલર (43) ની શાનદાર બેટિંગના સહારે વોર્સેસ્ટરશાયરએ દિવસના અંત સુધીમાં 9 વિકેટના નુકસાન પર 354 રન બનાવ્યા.

મેથ્યુ વેટે અને ટોમ ટેલરએ 8મી વિકેટ માટે ઉપયોગી 95 રનની ભાગીદારી નોંધાવી, જેના કારણે ટીમ 350 રનના નજીક પહોંચી શકી.

દિવસના અંતે બેન એલિસન 34 રન અને યાદવિંદર સિંહ 5 રન સાથે ક્રિઝ પર હાજર હતા. એસેક્સ તરફથી બોલરોએ શાનદાર પ્રદર્શન કર્યું. શેન સ્નેટરે સૌથી વધુ ત્રણ વિકેટ ઝડપી. જયારે નોઆ થાઇન અને મેટ ક્રિચલીએ બે-બે અને જેમી પોર્ટર તથા કસુન રંજીતાએ એક-એક વિકેટ લીધા.

Virender Sehwag Big Statement: જ્યાં સચિન-દ્રવિડ-ગાંગુલી પણ શાંત થઈ જાય, એ કપ્તાનનો કિસ્સો કહી રહ્યા છે સહવાગ

Virender Sehwag Big Statement: ક્રિકેટમાંથી નિવૃત્તિ લીધા પછી, વીરેન્દ્ર સેહવાગ કોમેન્ટ્રીની દુનિયામાં પોતાની ઓળખ બનાવી રહ્યા છે. વીરેન્દ્ર સેહવાગે તાજેતરમાં ખુલાસો કર્યો છે કે તેના રમતના દિવસોમાં એક કેપ્ટન હતો જે સચિન તેંડુલકર, રાહુલ દ્રવિડ અને સૌરવ ગાંગુલીને પણ ઠપકો આપતો હતો.

Virender Sehwag Big Statement: ટીમ ઈન્ડિયાના ભૂતપૂર્વ વિસ્ફોટક ઓપનર વીરેન્દ્ર સેહવાગને વિશ્વના શ્રેષ્ઠ બોલરોને હરાવવાની અને તેમની લાઇન અને લેન્થ બગાડવાની આદત હતી. ભારતીય ક્રિકેટના ઇતિહાસમાં ઘણા મહાન બેટ્સમેન આવ્યા અને ગયા, પરંતુ વીરુ જેવો બેટ્સમેન શોધવો મુશ્કેલ છે. ક્રિકેટમાંથી નિવૃત્તિ લીધા પછી, વીરેન્દ્ર સેહવાગ કોમેન્ટ્રીની દુનિયામાં પોતાની ઓળખ બનાવી રહ્યા છે. વીરેન્દ્ર સેહવાગે તાજેતરમાં ખુલાસો કર્યો છે કે તેના રમતના દિવસોમાં એક કેપ્ટન હતો જે સચિન તેંડુલકર, રાહુલ દ્રવિડ અને સૌરવ ગાંગુલીને પણ ઠપકો આપતો હતો.

ભારતના સૌથી દબંગ કપ્તાન

વીરેન્દ્ર સહવાગે એક ઈન્ટરવ્યૂ દરમિયાન ખુલાસો કર્યો કે એવા એક કપ્તાન હતા, જેમની સામે સચિન તેંડુલકર, રાહુલ દ્રવિડ અને સૌરવ ગાંગુલી જેવા દિગ્ગજ ખેલાડીઓ પણ કંઇ બોલી શકતા નથી.

સહવાગે કહ્યું:
“મારા સમયગાળામાં અનિલ કુંબલે એવા કપ્તાન હતા, જેમને મેં રાહુલ દ્રવિડ, સચિન તેંડુલકર અને સૌરવ ગાંગુલી ઉપર ગુસ્સો કરતા જોયા છે. જોકે, કોઈ પણ તેમને પલટીને જવાબ આપતો નહોતો. બધા શાંતિથી માથું નીચે કરી નીચે ઉતરી જતા. ટીમ ઈન્ડિયામાં અનિલ કુંબલેને એટલી વધુ ઇજ્જત હતી.”

આ કપ્તાન ન હોત તો સહવાગનો ટેસ્ટ કરિયર ડૂબી ગયો હોત

વિરેન્દ્ર સહવાગે ખુલાસો કર્યો હતો કે વર્ષ 2008માં અનિલ કુંબલેની કહેલી વાતથી તેમનું ટેસ્ટ કરિયર બચી ગયું. સહવાગે જણાવ્યું હતું કે એક વખત એમને અચાનક ખબર પડી કે તેઓ ભારતીય ટેસ્ટ ટીમમાં નથી રહ્યા. વર્ષ 2007માં એમને જાણ કરાવવામાં આવી કે તેઓને ટેસ્ટ ટીમમાંથી ડ્રોપ કરી દેવામાં આવ્યા છે. સહવાગ માને છે કે જો એક વર્ષ માટે તેમને ટીમમાંથી બહાર ન કાઢવામાં આવ્યા હોત, તો તેઓ 10,000 ટેસ્ટ રન પૂરા કરી લેતાં.

આ માણસે આપ્યો મોકો અને બદલી ગઈ કિસ્મત

વિરેન્દ્ર સહવાગે સ્વીકાર્યું હતું કે 2007માં ટીમ ઈન્ડિયાના કપ્તાન અનિલ કુંબલે એ તેમના ડૂબતા ટેસ્ટ કરિયરને બચાવ્યું. 2007-08ના ઑસ્ટ્રેલિયા પ્રવાસ દરમિયાન ત્રીજું ટેસ્ટ મેચ પર્થમાં રમાનું હતું. એ પહેલાં ટીમ કૅનબેરા ગઈ હતી, જ્યાં એક પ્રેક્ટિસ મેચ થવાની હતી.

પ્રેક્ટિસ મેચમાં જ શતક

સહવાગે કહ્યું હતું કે તે પ્રેક્ટિસ મેચ પહેલા અનિલ કુંબલે એ કહ્યું હતું કે “તમે અડધું શતક બનાવો, તો પર્થ ટેસ્ટ માટે પસંદ કરવામાં આવીશ.” સહવાગે તો લંચ પહેલા જ શતક ઠોકી દીધું! અને પછી તેમને પર્થ ટેસ્ટ માટે ટીમમાં લેવામાં આવ્યા. સહવાગે કહ્યું કે, “એ પ્રવાસ પછી અનિલ ભાઈએ મને વચન આપ્યું હતું કે, જયાં સુધી હું ટેસ્ટ કપ્તાન છું, તું ટીમથી બહાર નહીં જશો.”

પર્થ ટેસ્ટમાં રમ્યા અને બચાવ્યો વિશ્વાસ

સહવાગને પર્થ ટેસ્ટની પ્લેઈંગ ઇલેવનમાં સામેલ કરવામાં આવ્યા હતા. તેમણે તે મેચમાં 63 રનની મહત્ત્વપૂર્ણ ઇનિંગ રમી હતી. સહવાગે કહ્યું, “એ 60 રન મારા જીવનના સૌથી મુશ્કેલ રન હતા. હું અનિલ ભાઈના મને આપેલા વિશ્વાસને સાચું સાબિત કરવા રમી રહ્યો હતો. હું નહી ઈચ્છતો હતો કે લોકો તેમને મારા ઓસ્ટ્રેલિયા પ્રવાસ માટે જવાબદાર ઠેરવે.”

વિરેન્દ્ર સહવાગના અદભૂત રેકોર્ડ્સ

• ટેસ્ટ મેચો: 104

  • રન: 8586

  • સરેરાશ: 49.34

  • શતકો/અડધા શતકો: 23 / 32

  • સર્વોત્તમ સ્કોર: 319

• વનડે મેચો: 251

  • રન: 8273

  • શતકો/અડધા શતકો: 15 / 38

  • સર્વોત્તમ સ્કોર: 219

• T20 મેચો: 19

  • રન: 394

  • બેસ્ટ સ્કોર: 68

IPL 2025: પ્રીતિ ઝિન્ટાની ટીમેમાં થયો બદલાવ?

IPL 2025 વચ્ચે, પંજાબ કિંગ્સની ટીમ સાથે સંબંધિત એક સમાચાર સોશિયલ મીડિયા પર ખૂબ વાયરલ થઈ રહ્યા છે. અહેવાલો અનુસાર, પંજાબ કિંગ્સની ટીમમાં એક એવો ખેલાડી સામેલ થયો છે, જેને RCB ચાહકો ક્યારેય ભૂલી શકતા નથી.

IPL 2025 ફરી શરૂ થવા જઈ રહ્યું છે, અને આ સાથે ખેલાડીઓની ઉપલબ્ધતા અને રિપ્લેસમેન્ટ અંગે ચર્ચાઓ પણ જોરશોરથી ચાલી રહી છે. તાજેતરમાં, ઘણી ટીમોએ તેમની ટીમમાં ફેરફાર કર્યા છે, તેનું સૌથી મોટું કારણ એ છે કે સમયપત્રકમાં ફેરફારને કારણે, કેટલાક વિદેશી ખેલાડીઓ ભારત પાછા નથી આવી રહ્યા. આ દરમિયાન સોશિયલ મીડિયા પર એક સમાચાર વાયરલ થઈ રહ્યા છે. એવા અહેવાલ છે કે પ્રીતિ ઝિન્ટાની ટીમ પંજાબ કિંગ્સના ઓસ્ટ્રેલિયન ઓલરાઉન્ડર માર્કસ સ્ટોઇનિસ બાકીની IPL 2025 સીઝન માટે ઉપલબ્ધ રહેશે નહીં. આવી સ્થિતિમાં, પંજાબને પણ તેનો વિકલ્પ મળી ગયો છે. ચાલો જાણીએ કે આ સમાચારમાં કેટલું સત્ય છે.

પ્રીતી જિન્ટાની ટીમમાં થયો બદલાવ?

વાસ્તવમાં, 15 મે 2025 ના રોજ કેટલાક એક્સ યુઝર્સે પોસ્ટ કરી કે માર્કસ સ્ટોઇનિસ IPL 2025ના બાકીના મેચોમાં ભાગ નહીં લઈ શકે. આ પોસ્ટ્સમાં દાવો કરવામાં આવ્યો કે પંજાબ કિંગ્સ તેમના સાથી દેશના ખેલાડી બેન કટિંગને રિપ્લેસમેન્ટ તરીકે સાઇન કરી શકે છે. જો કે, સ્ટોઇનિસ પંજાબ કિંગ્સ માટે મહત્વપૂર્ણ ખેલાડી છે, જેમણે 11 કરોડ રૂપિયામાં ખરીદવામાં આવ્યા હતા. પરંતુ આ સમાચારમાં બિલકુલ પણ સચ્ચાઈ નથી. પંજાબ કિંગ્સે બેન કટિંગને સાઇન કરેલા નથી અને ના જ માર્કસ સ્ટોઇનિસ સીઝનથી બહાર થયા છે.

🚨 Breaking : Ben Cutting is set to join punjab kings as temporary replacement for remaining matches of IPL 2025 pic.twitter.com/C3M2S78waQ

— 🤍✍ (@imAnthoni_) May 15, 2025

મીડિયા રિપોર્ટ્સ અનુસાર, માર્કસ સ્ટોઇનિસ રવિવારે રાજસ્થાનના વિરૂદ્ધ રમાતા મેચનો ભાગ નહીં બનશે. પરંતુ લિગ સ્ટેજમાં પંજાબના અંતિમ બે મેચોમાં તે ઉપલબ્ધ રહેશે. હકીકત એ છે કે, આ સીઝનમાં સ્ટોઇનિસ માટે કંઈ ખાસ નથી રહ્યું. સ્ટોઇનિસે 9 મેચોમાં માત્ર 82 રન બનાવ્યા છે, જેમાં તેમનો શ્રેષ્ઠ સ્કોર બિનઆઉટ 34 (11 બોલ) સનરાઇઝર્સ હૈદરાબાદ વિરૂદ્ધ રહ્યો. બોલિંગમાં પણ તેમણે કોઈ વિકેટ મેળવી નથી.

🚨 BREAKING NEWS 🚨

PBKS Has Signed Ben Cutting as a Replacement For Marcus Stoinis For Remainder of IPL 2025 !#IPL2025 pic.twitter.com/T38NK6c85m

— Ayush Mhatre  (@ayush_m255) May 16, 2025

કોણ છે ઓસ્ટ્રેલિયી ખેલાડી બેન કટિંગ?

બેન કટિંગને આરસીબીની ટીમ ક્યારેય ભૂલી શકતી નથી. વર્ષ 2016ના IPL ફાઇનલમાં બેન કટિંગે આરસીબીની ટીમથી મેચ છીનવી હતી. જ્યાં સનરાઈઝર્સ હૈદરાબાદે વિરાટ કોહલીની ટીમને માત્ર આઠ રનથી હરાવીને તેનો પહેલો ખિતાબ જીતી લીધો હતો. બેન કટિંગે આ મુકાબલામાં 15 બોલમાં 39 રન બનાવ્યા હતા. એટલું જ નહીં, તેમણે બોલથી કળાએ બતાવતાં 4 ઓવરમાં 35 રન ખર્ચી 2 વિકેટ્સ પણ મેળવી હતી. જેના માટે તેમને પ્લેયર ઑફ ધ મેચ તરીકે પસંદ કરવામાં આવ્યા હતા.