Connect with us

CRICKET

IND vs ENG: Team Indiaએ Test Cricketમાં રચ્યો ઇતિહાસ, એક જ ટેસ્ટ મેચમાં બનાવ્યા 1000+ Runs!

Published

11 months ago

on

ind vs eng 1

Edgbaston Testમાં Indiaએ England સામે 1014 Runs બનાવી Test Cricketના શ્રેષ્ઠતમ રેકોર્ડમાં સ્થાન મેળવ્યું, Shubman Gill બન્યો કેન્દ્રીય ચહેરો

Team Indiaએ Edgbaston Testમાં એવું કારનામું કર્યું છે જે હવે Test Cricketના ઇતિહાસમાં સુંદર અક્ષરે લખાશે. ભારતે England સામે માત્ર એક જ ટેસ્ટ મેચમાં કુલ 1014 Runs બનાવી એક અનોખો Historic Record બનાવ્યો છે. Test Cricketના ઈતિહાસમાં આ કારનામું અત્યારસુધી માત્ર પાંચ દેશો જ કરી શક્યા છે, અને હવે ભારત પણ એ યાદીમાં જોડાઈ ગયું છે.

ભારતનું આ શાનદાર પ્રદર્શન IND vs ENG 2જી ટેસ્ટમાં આવ્યું છે, જ્યાં પ્રથમ ઇનિંગમાં ટીમે 587 રન બનાવ્યા અને બીજી ઇનિંગમાં 6 વિકેટે 427 રન બનાવ્યા બાદ ઇનિંગ ડિકલેર કરી. આ રીતે કુલ સ્કોર થયો 1014 – જે Team India માટે Test Cricketના ઇતિહાસમાં અત્યારસુધીનો સૌથી મોટો મળ્યો સ્કોર છે.

Shubman Gillએ પોતાની Captaincy હેઠળ ક્રિકેટમાં નવો યુગ શરૂ કર્યો છે. Gill આ મેચમાં કુલ 430 રન બનાવીને એક Individual Record પણ જમાવ્યો છે, જે તેને આ સિદ્ધિનો મુખ્ય નાયક બનાવે છે.

અત્યારસુધી Test Cricketમાં એક જ મેચમાં 1000+ Runs બનાવનાર ટીમો આ પ્રમાણે છે:

  • 1121 – England vs West Indies, Kingston, 1930
  • 1078 – India vs Pakistan, Faisalabad, 2006
  • 1028 – Australia vs England, The Oval, 1934
  • 1014 – India vs England, Edgbaston, 2025
  • 1013 – Australia vs West Indies, Sydney, 1969
  • 1011 – South Africa vs England, Durban, 1939

આ સાથે ભારતે 2004માં ઓસ્ટ્રેલિયા સામે સિડની ટેસ્ટમાં બનાવેલા પોતાના પહેલા સૌથી મોટા કુલ સ્કોર (916)ને પણ પાછળ છોડી દીધો છે.

હવે વાત કરીએ વર્તમાન ટેસ્ટ મેચની સ્થિતિની, તો Team Indiaએ England સામે મજબૂત પકડ બનાવી છે. England સામે 608 રનનો લક્ષ્યાંક આપ્યા બાદ, ચોથા દિવસે Englandએ માત્ર 72 રન પર ત્રણ મુખ્ય વિકેટ ગુમાવી દીધી હતી. ભારતીય બોલર્સ – Siraj અને Akashdeep – શાનદાર પ્રદર્શન સાથે Englandના Top Orderને કાબૂમાં લઇ આવ્યા છે.

અહીંથી સ્પષ્ટ છે કે IND vs ENG 2જી ટેસ્ટમાં ભારતની જીત માત્ર formalતા બની રહી છે. Cricketના ચાહકો માટે આ મેચ એક ગૌરવશાળી યાદગાર બની રહેશે – કેમ કે અહીં માત્ર જીત નથી, પરંતુ Cricket ઇતિહાસનું એક વિશાળ પાનું લખાયું છે.

India vs England 2nd Test Day 4, Stream live: Where to watch Shubman ...

ટીમ ઇન્ડિયાએ ઇંગ્લેન્ડ સામે બર્મિંગહામ ટેસ્ટની પહેલી ઇનિંગમાં 587 રન બનાવ્યા હતા. બીજી ઇનિંગમાં પણ ભારતીય ટીમે 6 વિકેટે 427 રન બનાવ્યા બાદ ઇનિંગ ડિકલેર કરી હતી. આ રીતે, ભારતે ઇંગ્લેન્ડ સામે બર્મિંગહામ ટેસ્ટ મેચમાં કુલ 1014 રન બનાવ્યા છે. ભારત એક જ ટેસ્ટ મેચમાં 1000+ રન બનાવનાર વિશ્વનો પાંચમો દેશ બન્યો છે. ટેસ્ટ ક્રિકેટમાં આ છઠ્ઠી વખત છે જ્યારે કોઈ ટીમે એક જ ટેસ્ટ મેચમાં 1000+ રન બનાવ્યા છે. આ ભારતનો એક જ ટેસ્ટ મેચમાં સૌથી વધુ સ્કોર છે. આ અગાઉ, ભારતે 2004માં ઓસ્ટ્રેલિયા સામે સિડની ટેસ્ટ મેચમાં કુલ 916 રન બનાવ્યા હતા. ભારતે હવે પોતાનો જ રેકોર્ડ તોડી નાખ્યો છે.

આવું કરનાર વિશ્વનો ફક્ત પાંચમો દેશ બન્યો છે

ભારત હવે એક જ ટેસ્ટ મેચમાં 1000+ રન બનાવનારા દેશોના ખાસ ક્લબમાં જોડાયો છે. ૧૯૩૦માં ઈંગ્લેન્ડે, ૧૯૩૪ અને ૧૯૬૯માં ઓસ્ટ્રેલિયાએ, ૨૦૦૬માં પાકિસ્તાને અને ૧૯૩૯માં દક્ષિણ આફ્રિકાએ એક જ ટેસ્ટ મેચમાં ૧૦૧૪ રન બનાવ્યા હતા. હવે ભારતે બર્મિંગહામ ટેસ્ટમાં ૧૦૧૪ રન બનાવીને આ યાદીમાં પોતાનું નામ ઉમેર્યું છે. ઈંગ્લેન્ડ સામેની આ વર્તમાન ટેસ્ટ શ્રેણીની પ્રથમ બે મેચમાં ભારતનો કુલ સ્કોર ૧,૮૪૯ રન છે, જે ટેસ્ટ શ્રેણીની પ્રથમ બે મેચમાં કોઈપણ ટીમ દ્વારા બનાવેલો સૌથી વધુ સ્કોર છે. આ બેટિંગમાં ભારતનું પ્રભુત્વ દર્શાવે છે. ભારતના ટેસ્ટ કેપ્ટન શુભમન ગિલે આ ટેસ્ટ મેચમાં કુલ ૪૩૦ રન બનાવ્યા છે. એક જ ટેસ્ટ મેચમાં ૧૦૦૦+ રન

ભારતીય ક્રિકેટ ટીમે એજબેસ્ટન ટેસ્ટ પર મજબૂત પકડ બનાવી લીધી છે. શ્રેણીની બીજી મેચમાં, ભારતે ઇંગ્લેન્ડને જીતવા માટે ૬૦૮ રનનો લક્ષ્યાંક આપ્યો છે. લક્ષ્યનો પીછો કરતા, ઇંગ્લેન્ડે શનિવારે ચોથા દિવસે રમતના અંત સુધી ૭૨ રનમાં ત્રણ વિકેટ ગુમાવી દીધી છે. ઓલી પોપ ૨૪ રન સાથે અને હેરી બ્રુક ૧૫ રન સાથે ક્રીઝ પર છે. મેચ જીતવા માટે 608 રનના લક્ષ્યનો પીછો કરતી વખતે ઇંગ્લેન્ડની શરૂઆત ખૂબ જ ખરાબ રહી હતી. તેમણે 50 રનના સ્કોર પર પોતાની પહેલી ત્રણ વિકેટ ગુમાવી દીધી હતી. જેક ક્રોલી શૂન્ય, બેન ડકેટ 25 રન અને જો રૂટ 6 રન બનાવીને આઉટ થયા હતા. ડકેટ અને રૂટને આકાશદીપે બોલ્ડ કર્યા હતા જ્યારે ક્રોલી સિરાજનો શિકાર બન્યા હતા. અગાઉ, ભારતીય ટીમે 6 વિકેટે 427 રન બનાવીને પોતાનો બીજો દાવ ડિકલેર કર્યો હતો.

 

Related Topics:
Continue Reading

CRICKET

IPL સ્ટાર Vaibhav Sooryavanshi નો બિહારમાં દબદબો રિદ્ધિમા પાઠકે વીડિયો શેર કરી કહી દિલની વાત !

Published

16 hours ago

on

June 3, 2026

By

Vaibhav Sooryavanshiના ફેન બન્યા સ્પોર્ટ્સ એન્કર રિદ્ધિમા પાઠક બિહારને મળ્યો અત્યાર સુધીનો સૌથી મોટો સુપરસ્ટાર

ભારતીય ક્રિકેટ જગતમાં જ્યારે પણ કોઈ નવો સિતારો ચમકે છે, ત્યારે આખો દેશ તેની પાછળ ઘેલો થાય છે. પરંતુ આ વખતે જે ધમાકો થયો છે, તેણે માત્ર ક્રિકેટ પ્રેમીઓને જ નહીં પરંતુ રમત જગતના મોટા-મોટા દિગ્ગજો અને પ્રસ્તુતકર્તાઓને પણ પોતાના દિવાના બનાવી દીધા છે. આ નવો સિતારો બીજું કોઈ નહીં પણ બિહારનો ૧૫ વર્ષનો યુવા બેટ્સમેન Vaibhav Sooryavanshi  છે. આઈપીએલ (IPL) ૨૦૨૬માં પોતાની વિસ્ફોટક અને શાનદાર બેટિંગથી ધૂમ મચાવનાર વૈભવ સૂર્યવંશીની ફેન હવે જાણીતી સ્પોર્ટ્સ એન્કર અને પ્રેઝન્ટેટર રિદ્ધિમા પાઠક પણ બની ગઈ છે. રિદ્ધિમા પાઠકે સોશિયલ મીડિયા પર વૈભવના વખાણ કરતો એક વીડિયો શેર કર્યો છે, જે હાલમાં ઇન્ટરનેટ પર ભારે વાયરલ થઈ રહ્યો છે. આ વીડિયોમાં તેણે વૈભવને બિહારનો એવો ‘પીઆર’ (PR) ગણાવ્યો છે, જેની રાજ્યને વર્ષોથી જરૂર હતી. ૧૫ વર્ષની નાની ઉંમરે જ્યાં બાળકો પોતાના ભવિષ્ય વિશે વિચારતા હોય છે, ત્યાં વૈભવે વિશ્વની સૌથી મોટી ક્રિકેટ લીગ – આઈપીએલ ૨૦૨૬માં પોતાની બેટિંગથી બોલરોની લાઈન અને લેન્થ બગાડી નાખી હતી. આ સીઝનમાં તે રાજસ્થાન રોયલ્સ (Rajasthan Royals) તરફથી રમતો જોવા મળ્યો હતો. જોકે, તેની ટીમ રાજસ્થાન રોયલ્સ આ વર્ષે આઈપીએલનો ખિતાબ જીતી શકી નથી, પરંતુ વૈભવે વ્યક્તિગત રીતે એવા ઘણા મોટા રેકોર્ડ્સ પોતાના નામે કર્યા છે જે ક્રિકેટના ઈતિહાસમાં સુવર્ણ અક્ષરે લખાશે. તેની આક્રમક શૈલી અને આત્મવિશ્વાસ જોઈને કોઈ કહી ન શકે કે આ ખેલાડી માત્ર ૧૫ વર્ષનો છે. આજે આખા ક્રિકેટ જગતમાં દરેક વ્યક્તિની જીભ પર માત્ર એક જ નામ છે – વૈભવ સૂર્યવંશી.

સ્પોર્ટ્સ એન્કર રિદ્ધિમા પાઠક પોતે બિહાર પૃષ્ઠભૂમિમાંથી આવે છે. તેણે સોશિયલ મીડિયા પર શેર કરેલા વીડિયોમાં પોતાના બાળપણના દિવસો યાદ કરતા ખૂબ જ ભાવુક અને સ્પષ્ટવાદી વાતો કહી છે. વીડિયોની શરૂઆતમાં રિદ્ધિમા કહે છે:

“જ્યારે હું નાની હતી, ત્યારે મારા જેવા બાળકો જે બિહારથી આવતા હતા, તેમને શાળામાં જ્યારે પૂછવામાં આવતું કે તમે ક્યાંના છો, ત્યારે અમે એ કહેવામાં થોડો સંકોચ અનુભવતા હતા કે અમે બિહારથી આવીએ છીએ. તે સમયે લાલુ પ્રસાદ યાદવે બિહાર વિશે ગર્વથી કહી શકાય તેવું કંઈ બાકી રાખ્યું નહોતું.”

રિદ્ધિમાની આ વાત એ સમયના બિહારની સામાજિક સ્થિતિ અને યુવાનોની માનસિકતાને દર્શાવે છે, જ્યાં રાજ્યની નકારાત્મક છબીને કારણે બહારના રાજ્યોમાં બિહારીઓને ભેદભાવ અથવા સંકોચનો સામનો કરવો પડતો હતો.

ધોની અને ‘ગેંગ્સ ઓફ વાસેપુર’ એ આપ્યો ટશન, પણ ક્રેડિટ ઝારખંડ લઈ ગયું!

રિદ્ધિમાએ આગળ જણાવ્યું કે આ નકારાત્મકતા વચ્ચે બે એવી ઘટનાઓ બની જેણે બિહારીઓમાં એક અનોખો વટ અને ‘ટશન’ ભરવાનું કામ કર્યું.

  1. મહેન્દ્ર સિંહ ધોની (MS Dhoni): ભારતીય ક્રિકેટના ઈતિહાસના સૌથી સફળ કેપ્ટન એમ એસ ધોનીનો ઉદય.

  2. ગેંગ્સ ઓફ વાસેપુર (Gangs of Wasseypur): સિનેમા જગતની એ આઇકોનિક ફિલ્મ જેણે બિહારી અંદાજને પોપ કલ્ચરમાં હિટ બનાવી દીધો.

પરંતુ, રિદ્ધિમાએ એક મહત્વનો મુદ્દો ઉઠાવતા કહ્યું કે, “આ બંને વસ્તુઓએ બિહારીઓને ગર્વ અપાવ્યો ખરો, પરંતુ આ બધો જ ‘પીઆર’ (પબ્લિક રિલેશન્સ/ક્રેડિટ) ઝારખંડ રાજ્ય લઈ ગયું. કારણ કે ઝારખંડ પણ પહેલા બિહારનો જ એક ભાગ હતું, અને ધોની તેમજ વાસેપુર ભૌગોલિક રીતે ઝારખંડ સાથે જોડાઈ ગયા. તેથી મૂળ બિહારને જે સત્તાવાર ઓળખ અને ગર્વ મળવો જોઈતો હતો, તે ક્યાંક અધૂરો રહી ગયો.”

“Vaibhav Sooryavanshi  એ પીઆર છે જેની બિહારને જરૂર હતી”

રિદ્ધિમા પાઠકના મતે, હવે બિહારના યુવાનોએ કે નાગરિકોએ પોતાની ઓળખ છુપાવવાની કે સંકોચ રાખવાની બિલકુલ જરૂર નથી. કારણ કે હવે વૈભવ સૂર્યવંશી મેદાનમાં આવી ગયો છે. તે એક શુદ્ધ બિહારી સુપરસ્ટાર છે, જે આધુનિક બિહારના સકારાત્મક ચહેરા તરીકે ઉભરી આવ્યો છે.

રિદ્ધિમાએ ખૂબ જ ગર્વ સાથે કહ્યું:

“હવે જે વૈભવ સૂર્યવંશી આવ્યા છે, તે સંપૂર્ણપણે બિહારી છે. હવે કોઈ પણ બિહારી એ બોલતા જરાય અચકાશે નહીં કે હું બિહારથી આવું છું. વૈભવ સૂર્યવંશી બરાબર એ જ પીઆર (બ્રાન્ડ એમ્બેસેડર) છે જેની બિહારને વર્ષોથી સખત જરૂર હતી.”

vaibhav 2

રિદ્ધિમા પાઠકનો આ વીડિયો સોશિયલ મીડિયા પ્લેટફોર્મ્સ પર આગની જેમ ફેલાઈ રહ્યો છે. બિહારના લોકો આ વીડિયોને ખૂબ શેર કરી રહ્યા છે અને કહી રહ્યા છે કે રિદ્ધિમાએ તેમના દિલની વાત કહી દીધી છે. વૈભવ સૂર્યવંશી માત્ર એક ક્રિકેટર નથી રહ્યો, પરંતુ તે બિહારના લાખો યુવાનો માટે આશા અને ગર્વનું પ્રતીક બની ગયો છે. તેની આ સફળતા દર્શાવે છે કે જો તક અને યોગ્ય પ્લેટફોર્મ મળે તો બિહારની ધરતી ગમે તેવા કપરા સંજોગોમાંથી પણ હીરા પેદા કરી શકે છે. આઈપીએલ ૨૦૨૬ ભલે પૂરી થઈ ગઈ હોય, પરંતુ વૈભવ સૂર્યવંશીની સફર તો હજુ શરૂ થઈ છે. સમગ્ર દેશ હવે આ ૧૫ વર્ષના બાળકની આગામી આંતરરાષ્ટ્રીય સફર પર નજર માંડીને બેઠો છે.

Continue Reading

CRICKET

ENG W vs IND W: ત્રીજી ટી-20માં પણ ટીમ ઈન્ડિયાની શરમજનક હાર, ઈંગ્લેન્ડે 2-1થી સિરીઝ જીતી

Published

17 hours ago

on

June 3, 2026

By

ind vs sl women

ENG W vs IND W: નિર્ણાયક મેચમાં ભારતની કારમી હાર, ઇંગ્લેન્ડે 2-1થી ટી-20 શ્રેણી પોતાના નામે કરી

ભારતીય મહિલા ક્રિકેટ ટીમ અને ઇંગ્લેન્ડ મહિલા ક્રિકેટ ટીમ વચ્ચે રમાયેલી 3 મેચોની હાઈ-વોલ્ટેજ ટી-20 શ્રેણીની આખરી અને નિર્ણાયક મેચમાં પ્રવાસી ભારતીય ટીમને કારમી હારનો સામનો કરવો પડ્યો છે. કૂપર એસોસિએટ્સ કાઉન્ટી ગ્રાઉન્ડ, ટોન્ટન ખાતે રમાયેલા ત્રીજા મુકાબલામાં ઇંગ્લેન્ડે શાનદાર પ્રદર્શન કરતા ભારતને 6 વિકેટે પરાજય આપ્યો હતો. આ જીતની સાથે જ યજમાન ઇંગ્લેન્ડની ટીમે ત્રણ મેચોની આ ટી-20 શ્રેણી 2-1થી જીતી લીધી છે. ભારતે આપેલા 181 રનના પડકારને ઇંગ્લેન્ડે માત્ર 18.3 ઓવરમાં 4 વિકેટ ગુમાવીને આસાનીથી પાર પાડી લીધો હતો. આ મહત્ત્વપૂર્ણ મેચમાં ઇંગ્લેન્ડની મહિલા ટીમે ટોસ જીતીને પ્રથમ બોલિંગ કરવાનો નિર્ણય કર્યો હતો અને ભારતીય ટીમને બેટિંગ માટે આમંત્રણ આપ્યું હતું. શ્રેણી 1-1ની બરાબરી પર હોવાથી બંને ટીમો માટે આ ‘કરો અથવા મરો’ જેવો મુકાબલો હતો. ભારતીય બેટર્સ પાસેથી એક મોટી ઇનિંગ્સની આશા હતી, પરંતુ ટીમની શરૂઆત ખૂબ જ નબળી રહી હતી.

Smriti Mandhana 2

પ્રથમ બેટિંગ કરવા ઉતરેલી ભારતીય ટીમને શરૂઆતમાં જ મોટા ઝટકા લાગ્યા હતા. ટીમની સ્ટાર ઓપનર સ્મૃતિ મંધાના ફરી એકવાર મોટી ઇનિંગ રમવામાં નિષ્ફળ રહી અને 9 બોલમાં માત્ર 8 રન બનાવીને પેવેલિયન ભેગી થઈ ગઈ હતી. બીજી તરફ, આક્રમક બેટર શેફાલી વર્મા પણ કંઈ ખાસ કમાલ કરી શકી નહોતી અને 6 બોલમાં 11 રન બનાવી આઉટ થઈ ગઈ હતી. ઓપનિંગ જોડી સસ્તામાં આઉટ થતાં જ ભારતીય ટીમ શરૂઆતમાં દબાણ હેઠળ આવી ગઈ હતી. આ મુશ્કેલ પરિસ્થિતિમાં મિડલ ઓર્ડરમાં વિકેટકીપર બેટર યસ્તિકા ભાટિયા અને જેમિમા રોડ્રિગ્સે ઇનિંગને સંભાળવાનો પ્રયાસ કર્યો હતો. યસ્તિકા ભાટિયાએ ઝડપી બેટિંગ કરતા 18 બોલમાં 32 રનની ઉપયોગી ઇનિંગ રમી હતી, જેમાં કેટલીક આકર્ષક બાઉન્ડ્રી સામેલ હતી. જ્યારે જેમિમા રોડ્રિગ્સે 29 રનનું યોગદાન આપ્યું હતું.

જોકે, ભારત તરફથી સૌથી શ્રેષ્ઠ પ્રદર્શન કેપ્ટન હરમનપ્રીત કૌરે કર્યું હતું. કેપ્ટને મોરચો સંભાળીને ઇંગ્લિશ બોલર્સનો મજબૂતાઈથી સામનો કર્યો હતો. હરમનપ્રીતે 40 બોલમાં 7 ચોગ્ગાની મદદથી 56 રનની અણનમ (નાબાદ) કેપ્ટનશીપ ઇનિંગ રમી હતી. અંતિમ ઓવરોમાં ઓલરાઉન્ડર દીપ્તિ શર્માએ પણ કેપ્ટનને સારો સાથ આપ્યો અને 24 બોલમાં 32 રનની મહત્વની ઇનિંગ રમી હતી. આ બંનેની ભાગીદારીના કારણે ભારતીય મહિલા ટીમે નિર્ધારિત 20 ઓવરમાં 5 વિકેટ ગુમાવીને 180 રનનો સ્પર્ધાત્મક સ્કોર ઊભો કર્યો હતો. ઇંગ્લેન્ડ તરફથી ફાસ્ટ બોલર લોરેન બેલે શાનદાર બોલિંગ કરી અને 4 ઓવરમાં 36 રન આપીને 2 મહત્વની વિકેટ ઝડપી હતી. આ સિવાય લિન્સી સ્મિથ અને કેપ્ટન ચાર્લોટ ડીને 1-1 વિકેટ પોતાના નામે કરી હતી, જેના કારણે તેઓ ભારતને આ સ્કોર પર રોકવામાં સફળ રહ્યા હતા.

181 રનના મોટા લક્ષ્યાંકનો પીછો કરવા ઉતરેલી ઇંગ્લેન્ડની ટીમની શરૂઆત પણ સારી રહી નહોતી. ભારતીય બોલર્સે શરૂઆતમાં તીક્ષ્ણ બોલિંગ કરીને પાવરપ્લેની અંદર જ માત્ર 38 રનના સ્કોર પર ઇંગ્લેન્ડની 3 મુખ્ય વિકેટો ઝડપી પાડી હતી. આ સમયે એવું લાગી રહ્યું હતું કે ટીમ ઇન્ડિયા આ મેચ અને શ્રેણી જીતી લેશે, પરંતુ ત્યારબાદ મેદાન પર ઇંગ્લિશ બેટર્સનું વાવાઝોડું આવ્યું હતું. ચોથી વિકેટ માટે એલિસ કેપ્સી અને પૂર્વ કેપ્ટન હિથર નાઈટ વચ્ચે 137 રનની ઐતિહાસિક અને મેચ વિનિંગ ભાગીદારી થઈ હતી. આ બંને બેટર્સે ભારતીય બોલિંગ લાઇન-અપના ધજાગરા ઉડાવી દીધા હતા. તેણે માત્ર 43 બોલમાં 9 ચોગ્ગા અને 3 ગગનચુંબી છગ્ગાની મદદથી તોફાની 82 રન ફટકાર્યા હતા. તેની આ આક્રમક બેટિંગના કારણે તેને ‘પ્લેયર ઓફ ધ મેચ’ જાહેર કરવામાં આવી હતી.  તેણે કેપ્સીને અદભુત સાથ આપ્યો અને પોતાના કરિયરની સૌથી ઝડપી અડધી સદી ફટકારતા 42 બોલમાં 10 ચોગ્ગાની મદદથી 70 રન બનાવી અણનમ રહી હતી. આ તોફાની બેટિંગના દમ પર ઇંગ્લેન્ડે 18.3 ઓવરમાં જ 4 વિકેટ ગુમાવીને 184 રન બનાવી લીધા અને 6 વિકેટે ભવ્ય વિજય મેળવ્યો હતો. ભારત તરફથી અરુંધતી રેડ્ડી (2/31) અને ક્રાંતિ ગૌડ (2/40) સિવાય અન્ય કોઈ બોલર પ્રભાવ પાડી શક્યો નહોતો.

ભારત મહિલા ટીમ: 20 ઓવરમાં 180/5 (હરમનપ્રીત કૌર 56*, યસ્તિકા ભાટિયા 32, દીપ્તિ શર્મા 32; લોરેન બેલ 2/36).

ઇંગ્લેન્ડ મહિલા ટીમ: 18.3 ઓવરમાં 184/4 (એલિસ કેપ્સી 82, હિથર નાઈટ 70*; અરુંધતી રેડ્ડી 2/31, ક્રાંતિ ગૌડ 2/40).

પરિણામ: ઇંગ્લેન્ડ 6 વિકેટે જીત્યું અને શ્રેણી 2-1થી પોતાના નામે કરી.

ICC Women Ranking

આ હાર ભારતીય મહિલા ટીમ માટે આગામી મોટા ટૂર્નામેન્ટ્સ પહેલા એક મોટો સબક છે. પ્રથમ મેચ શાનદાર રીતે જીત્યા બાદ ભારતીય ટીમ પોતાની લય જાળવી શકી નહોતી. ખાસ કરીને ઓપનિંગ બેટિંગમાં સાતત્યનો અભાવ અને મિડલ ઓવરોમાં બોલર્સનું રન રોકવામાં નિષ્ફળ જવું એ ટીમ ઇન્ડિયા માટે આગામી સમયમાં ચિંતાનો વિષય બનશે. હવે ભારતીય ટીમે આ હારમાંથી શીખીને આગામી પ્રવાસ અને મેચો માટે પોતાની રણનીતિ મજબૂત કરવી પડશે.

Continue Reading

CRICKET

AUS vs PAK: કાંગારુઓનો વળતો પ્રહાર પાકિસ્તાનને 41 રને હરાવી સિરીઝ 1-1થી બરાબર કરી !

Published

17 hours ago

on

June 3, 2026

By

pak 1

AUS vs PAK 2nd ODI: ઓસ્ટ્રેલિયાએ વળતો પ્રહાર કરી પાકિસ્તાનને ચખાડ્યો હારનો સ્વાદ, વનડે સિરીઝ 1-1થી બરાબર

પાકિસ્તાન અને ઓસ્ટ્રેલિયા વચ્ચે રમાઈ રહેલી રોમાંચક વનડે સિરીઝ હવે તેના ચરમસીમા પર પહોંચી ગઈ છે. પાકિસ્તાન પ્રવાસે આવેલી ઓસ્ટ્રેલિયન ક્રિકેટ ટીમે બીજી વનડે મેચમાં જોરદાર વાપસી કરીને યજમાન ટીમને 41 રને પરાજય આપ્યો છે. આ જીત સાથે જ પ્રવાસી કાંગારુ ટીમે 3 મેચોની આ વનડે સિરીઝમાં 1-1ની બરાબર સરસાઈ મેળવી લીધી છે. લાહોરના ગદ્દાફી સ્ટેડિયમમાં રમાયેલી આ મેચ હાઈ-વોલ્ટેજ સાબિત થઈ હતી, જ્યાં ઓસ્ટ્રેલિયાના બોલર્સે શાનદાર પ્રદર્શન કરીને મેચ પોતાના નામે કરી લીધી હતી. ટોસ હારીને પહેલા બેટિંગ કરવા ઉતરેલી ઓસ્ટ્રેલિયન ટીમની શરૂઆત ખૂબ જ ખરાબ રહી હતી. ટીમનો સ્ટાર ઓપનર એલેક્સ કેરી ખાતું ખોલાવ્યા વિના જ ‘ગોલ્ડન ડક’ (પ્રથમ બોલે આઉટ) પર પેવેલિયન ભેગો થઈ ગયો હતો. તેના આઉટ થયા બાદ મેથ્યુ શોર્ટ પણ ખાસ કમાલ ન કરી શક્યો અને માત્ર 24 બોલમાં 15 રન બનાવીને આઉટ થયો હતો. જોકે, ત્યારબાદ ત્રીજા નંબરે બેટિંગ કરવા આવેલા જોશ ઇંગ્લિસે ઓસ્ટ્રેલિયન ઇનિંગ્સને સંભાળી હતી. ઇંગ્લિસે શાનદાર બેટિંગ કરતા 74 બોલમાં 51 રનની અડધી સદી ફટકારી હતી. મિડલ ઓર્ડરમાં માર્નસ લાબુશેન માત્ર 5 રન બનાવીને સસ્તામાં આઉટ થઈ ગયો હતો, જેના કારણે ટીમ ફરી મુશ્કેલીમાં મુકાઈ હતી.

aus

મુશ્કેલ સમયમાં કેમેરોન ગ્રીન અને મેટ રેનશોએ મોરચો સંભાળ્યો હતો. કેમેરોન ગ્રીને ધૈર્યપૂર્વક બેટિંગ કરતા 92 બોલમાં 53 રનની મહત્વપૂર્ણ ઇનિંગ રમી હતી. જ્યારે બીજી તરફ મેટ રેનશોએ તેને સારો સાથ આપ્યો અને 43 બોલમાં ઝડપી 43 રન ફટકારીને ઓસ્ટ્રેલિયાનો સ્કોર 200ને પાર પહોંચાડવામાં મહત્વની ભૂમિકા ભજવી હતી. આ લડાયક પ્રદર્શનના જોરે ઓસ્ટ્રેલિયાએ નિર્ધારિત 50 ઓવરમાં 9 વિકેટ ગુમાવીને 231 રનનો પડકારજનક સ્કોર બનાવ્યો હતો.

શાહીન આફ્રિદી અને પાકિસ્તાની બોલર્સની ધારદાર બોલિંગ

પાકિસ્તાન તરફથી ફાસ્ટ બોલર શાહીન શાહ આફ્રિદીએ ફરી એકવાર પોતાની ક્લાસ સાબિત કરી હતી. આફ્રિદીએ ઘાતક બોલિંગ પ્રદર્શન કરતા પોતાની 8 ઓવરમાં માત્ર 36 રન આપીને 3 મહત્વની વિકેટો ઝડપી હતી. તેના સિવાય અન્ય ફાસ્ટ બોલર હારિસ રઉફે પણ કાંગારુ બેટ્સમેનોને પરેશાન કર્યા હતા અને 10 ઓવરમાં 49 રન આપીને 2 વિકેટ મેળવી હતી. યુવા બોલર અરાફાત મિન્હાસે અત્યંત કરકસરયુક્ત બોલિંગ કરતા 10 ઓવરમાં માત્ર 27 રન આપી 2 વિકેટ લીધી હતી, જ્યારે સ્પિનર અબરાર અહેમદે પણ 34 રન આપીને 2 વિકેટ પોતાના નામે કરી હતી. પાકિસ્તાની બોલર્સે ઓસ્ટ્રેલિયાને 231 રન પર રોકીને પોતાની ટીમને મેચ જીતવાની સુવર્ણ તક આપી હતી.

232 રનના લક્ષ્યાંકનો પીછો કરવા ઉતરેલી પાકિસ્તાની ટીમ ઓસ્ટ્રેલિયાના ધારદાર બોલિંગ આક્રમણ સામે ટકી શકી નહોતી. ઓસ્ટ્રેલિયા તરફથી ફાસ્ટ બોલર નેથન એલિસે પાકિસ્તાની બેટિંગ લાઇન-અપની કમર તોડી નાખી હતી. એલિસે શાનદાર લાઈન અને લેન્થ સાથે બોલિંગ કરીને પાકિસ્તાનના મહત્વના બેટ્સમેનોને આઉટ કર્યા હતા. પાકિસ્તાન તરફથી મિડલ ઓર્ડરમાં મોહમ્મદ ગાઝી ઘોરીએ 37 રન અને શાદાબ ખાને 71 રનની લડાયક ઇનિંગ રમીને ટીમને જીતાડવાનો પ્રયાસ કર્યો હતો, પરંતુ અન્ય કોઈ બેટ્સમેન ક્રિઝ પર ટકી શક્યો નહોતો. પૂરી પાકિસ્તાની ટીમ 44 ઓવરમાં માત્ર 190 રન બનાવીને ઓલઆઉટ થઈ ગઈ હતી અને ઓસ્ટ્રેલિયાએ આ મેચ 41 રનથી જીતી લીધી હતી.

pakistan 2

આ બીજી વનડે મેચમાં જીત મેળવીને ઓસ્ટ્રેલિયાએ સિરીઝ 1-1થી બરાબર કરી દીધી છે. આ પહેલા રમાયેલી પ્રથમ વનડે મેચ પાકિસ્તાને જીતી હતી. હવે સિરીઝની ત્રીજી અને અંતિમ વનડે મેચ બંને ટીમો માટે ‘કરો અથવા મરો’ જેવી રહેશે. જે ટીમ ત્રીજી મેચ જીતશે તે આ વનડે સિરીઝની ટ્રોફી પોતાના નામે કરશે. ક્રિકેટ પ્રેમીઓને હવે આગામી મેચમાં ફરી એકવાર કાંટાની ટક્કર જોવા મળશે તેવી પૂરી આશા છે.

Continue Reading

Trending