IND vs PAK: એશિયા કપમાં ભારત-પાકિસ્તાનના મેચ અંગે દિગ્ગજોએ શું કહ્યું?

IND vs PAK: ક્રિકેટ એશિયા કપમાં ભારત અને પાકિસ્તાન એક જ ગ્રુપમાં હોવા અંગે લોકોની અલગ અલગ પ્રતિક્રિયાઓ છે. જાણો ભૂતપૂર્વ ભારતીય ક્રિકેટરો આ વિશે શું વિચારે છે.

IND vs PAK: ક્રિકેટ એશિયા કપમાં ભારત અને પાકિસ્તાન એક જ ગ્રુપમાં છે, અને બંને ટીમો વચ્ચે 14 સપ્ટેમ્બરે મેચ યોજાનાર છે. આ મુદ્દે ભારતીય ફેન્સમાં ક્રોધ જોવા મળ્યો છે, જોકે કેટલાક લોકો તેનો સમર્થન પણ કરી રહ્યા છે. ભારતના પૂર્વ ક્રિકેટરોની પણ આ મુદ્દે જુદી જુદી રજૂઆત છે. આ દરમિયાન ટીમ ઈન્ડિયાનાં હેડ કોચ ગૌતમ ગંભીરનો એક વીડિયો વાયરલ થઈ રહ્યો છે, જેમાં તેઓ પોતે આ નિર્ણયના વિરોધમાં વાત કરે છે.

એશિયા કપમાં ભારત વિરુદ્ધ પાકિસ્તાન મેચને લઈને ગુસ્સો શા માટે છે?

22 એપ્રિલે પહેલગામમાં એક આતંકી હુમલો થયો હતો. આ હુમલાના આતંકવાદીઓના Pakistan સાથે સંબંધ હોવાનું ખુલતાં, ભારતીય સેના દ્વારા પાકિસ્તાનમાં આવેલા આતંકી ઠેકાણાઓ પર એરસ્ટ્રાઈક કરવામાં આવી. ત્યાંથી પણ ડ્રોન હુમલાઓ થયા, જેને ભારતીય સેના દ્વારા નિષ્ફળ બનાવવામાં આવ્યા.

આ તમામ ઘટનાઓના પગલે સમગ્ર દેશમાં પાકિસ્તાન વિરુદ્ધ રોષ વધી ગયો અને લોકોએ માંગ ઉઠાવી કે આપણે આ આતંકી દેશ સાથે કોઈ પણ પ્રકારનો સંબંધ રાખવો જોઈએ નહીં – અહીં સુધી કે ક્રિકેટ મેચ પણ નહીં રમવી જોઈએ.

ભારત સરકારે પણ પગલાં તરીકે પાકિસ્તાનના ઘણા દિગ્ગજ ક્રિકેટરોના YouTube ચેનલ અને સોશિયલ મિડિયા એકાઉન્ટ્સ ભારતમાં બેન કરી દીધા. એ પછી એવી ખબર આવી હતી કે ભારત એશિયા કપમાંથી બહાર થઈ શકે છે. પરંતુ થોડા દિવસો પહેલાં ટૂર્નામેન્ટનો અધિકૃત શેડ્યૂલ જાહેર કરવામાં આવ્યો, જેમાં પુષ્ટિ થઈ કે ભારત અને પાકિસ્તાન ન માત્ર ટૂર્નામેન્ટમાં રમશે, પણ બંને એક જ ગ્રુપમાં સામેલ છે.

ભારત-પાકિસ્તાન મેચના સમર્થનમાં સૌરવ ગાંગુલી

ભારતના પૂર્વ કૅપ્ટન સૌરવ ગાંગુલીએ ભારત અને પાકિસ્તાનના એક જ ગ્રુપમાં સમાવિષ્ટ થવા અંગે ANI સાથે વાત કરતા કહ્યું:
“મારા મત પ્રમાણે આ યોગ્ય છે, રમત ચાલુ રહેવી જોઈએ. પહેલગામમાં જે થયું એ નહિ થવું જોઈએ. આતંકવાદ સમાપ્ત થવો જોઈએ, ભારતે પણ આ વિરુદ્ધ કડક વલણ અપનાવ્યું છે. પરંતુ રમત ચાલુ રહેવી જોઈએ.”

એશિયા કપમાં ભારત-પાકિસ્તાન મેચ અંગે મોહમ્મદ અઝહરુદ્દીન શું કહ્યું?

મિડીયા સાથે વાત કરતી વખતે ભારતના પૂર્વ કૅપ્ટન મોહમ્મદ અઝહરુદ્દીને કહ્યું:
“હું હંમેશા કહી રહ્યો છું કે જો મેચ રમવી છે તો પછી જ્યાં જ્યાં શક્ય હોય ત્યાં રમો. પરંતુ જો રમવી નથી, તો પછી કોઈ પણ ટૂર્નામેન્ટમાં ન રમો. જો તમે દ્વિપક્ષીય શ્રેણીમાં એકબીજાની સામે નથી રમતા, તો પછી આંતરરાષ્ટ્રીય ટૂર્નામેન્ટમાં પણ નહીં રમવું જોઈએ. જોકે સરકાર અને બોર્ડ જે નિર્ણય કરશે, એ જ અમલમાં આવશે.”

ભારત વિરુદ્ધ પાકિસ્તાન મેચ અંગે ગૌતમ ગંભીરનું નિવેદન વાયરલ

Gautam Gambhir – “India shouldn’t play against Pakistan even in ICC events.”

This was his stand 3 months ago. Let’s see if he boycotts the Asia Cup this time.
pic.twitter.com/qu8n8qZYVS

— 𝐉𝐨𝐝 𝐈𝐧𝐬𝐚𝐧𝐞 (@jod_insane) July 26, 2025

ઈંગ્લેન્ડ સામેની ટેસ્ટ શ્રેણી માટે રવાના થતા પહેલા, ગૌતમ ગંભીર એબીપીના શોમાં આવ્યા હતા, જ્યાં તેમણે કહ્યું હતું કે મારા મતે પાકિસ્તાન સાથે કોઈ મેચ ન હોવી જોઈએ. તેનો વીડિયો ફરી એકવાર વાયરલ થઈ રહ્યો છે. તેમણે કહ્યું હતું કે, “કોઈ પણ ક્રિકેટ મેચ, બોલિવૂડ ફિલ્મ, કોઈ પણ અભિનેતા કે કોઈ પણ વ્યક્તિ આપણા દેશના લોકો અને સેનાના સૈનિકોના જીવન કરતાં વધુ મહત્વપૂર્ણ નથી. મારો અંગત અભિપ્રાય છે કે જ્યાં સુધી આ બધું સંપૂર્ણપણે સમાપ્ત ન થાય ત્યાં સુધી ભારત અને પાકિસ્તાન વચ્ચે કંઈ થવું જોઈએ નહીં.”

આ દરમિયાન તેમણે કહ્યું કે કંઈ મારા હાથમાં નથી, આ બોર્ડનો નિર્ણય હશે. તેના બદલે તે સરકારનો નિર્ણય હશે અને બોર્ડ અને સરકાર જે પણ નિર્ણય લેશે, અમે તેને સ્વીકારીશું. અમે એમ નહીં કહીએ કે ક્રિકેટ શરૂ થવું જોઈએ.

એશિયા કપમાં ત્રણ વખત 3 વાર ટકરાઈ શકે છે  ભારત-પાકિસ્તાન

ભારત અને પાકિસ્તાન વચ્ચેનો એક મેચ તો 14 સપ્ટેમ્બરે નિશ્ચિત છે, કારણ કે બંને ટીમો એક જ ગ્રુપમાં છે. ફોર્મેટ અનુસાર ગ્રુપ સ્ટેજ પછી સુપર 4 રાઉન્ડ હશે, જેમાં દરેક ગ્રુપની ટોપ 2 ટીમો પહોંચશે. અહીં પણ ભારત અને પાકિસ્તાન વચ્ચે એક મેચ થવાનું નક્કી માનવામાં આવી રહ્યું છે, કારણ કે બંને પોતાના ગ્રુપની સૌથી મજબૂત ટીમો ગણાય છે.

જો ફાઇનલમાં પણ આ બંને ટીમો સામસામે આવે, તો સપ્ટેમ્બર મહિનામાં ભારત અને પાકિસ્તાન વચ્ચે ત્રણ મેચ જોવા મળી શકે છે.