T20I: સદી લગાવતાંજ ટીમ હારી જાય! રૂતુરાજ ગાયકવાડનો અનોખો અને દુર્ભાગ્યપૂર્ણ રેકોર્ડ

T20I પ્રત્યેક ક્રિકેટરનું મોટામાં મોટું સ્વપ્ન હોય છે  ટીમ માટે સદી ફટકારવી અને મેચ જીતાડવી. પરંતુ ભારતીય બેટ્સમેન રૂતુરાજ ગાયકવાડ માટે આ સિદ્ધિ હવે સુધી દુર્ભાગ્ય સાબિત થઈ છે. કારણ કે જ્યારે જ્યારે તેમણે આંતરરાષ્ટ્રીય ક્રિકેટમાં સદી ફટકારી છે, ત્યારે ભારત હારી ગયું છે. આ વાત સાંભળવા જેટલી અજબ લાગે છે, તેટલી જ આશ્ચર્યજનક હકીકત પણ છે.

ODIમાં પહેલી સદી અને ટીમ હારી ગઈ

દક્ષિણ આફ્રિકા સામેની બીજી ODIમાં, રૂતુરાજ ગાયકવાડે શાનદાર બેટિંગ કરી હતી. શરૂઆતથી જ આત્મવિશ્વાસ સાથે રમતા તેમણે વિરાટ કોહલી સાથે મળીને 195 રનની ભાગીદારી કરી. તેમણે 83 બોલમાં 12 ચોગ્ગા અને 2 છગ્ગા સહીત 105 રન ફટકાર્યા.

ભારતે સારી શરૂઆત મેળવી અને મોટું સ્કોર બનાવ્યું. પરંતુ દક્ષિણ આફ્રિકાના એડન માર્કરમે સદી ફટકારી ભારતને હરાવી દીધું. ભારત ચાર વિકેટથી મેચ હારી ગયું. એટલે ગાયકવાડની પહેલી ODI સદી પણ જીતમાં ફેરવાઈ શકી નહીં.

T20Iમાં પણ એ જ વાર્તા

2023માં ઓસ્ટ્રેલિયા સામેની T20 મેચમાં ગાયકવાડે પોતાના શ્રેષ્ઠ પ્રદર્શનમાંથી એક કર્યો હતો. તેમણે માત્ર 57 બોલમાં 123 રન ફટકાર્યા. આ ઇનિંગ્સમાં 13 ચોગ્ગા અને 7 છગ્ગા સામેલ હતા.

ભારતે 222 રન બનાવ્યા હતા, જે સ્કોર મોટો ગણાયો હતો. પરંતુ તે દિવસે ગ્લેન મેક્સવેલ ઓસ્ટ્રેલિયા માટે આકાશ બની તૂટ્યો અને 104 રન બનાવી ઓસ્ટ્રેલિયાને જીત અપાવી. ફરી એકવાર, ગાયકવાડની સદી ભારતને જીતી આપી શકી નહીં.

IPLમાં પણ લાગશે આવી જ અસર?

ભારતીય પ્રીમિયર લીગ (IPL)માં પણ ગાયકવાડના રેકોર્ડમાં આશ્ચર્યજનક બાબત જોવા મળે છે. તેમણે હાલ સુધી IPLમાં બે સદી ફટકારી છે બંને વખતે ચેન્નાઇ સુપર કિંગ્સ માટે પરંતુ CSK બન્ને મેચ હારી ગયું.

• IPL 2021 → રાજસ્થાન રોયલ્સ સામે 101 રન → CSK 7 વિકેટથી હાર
• IPL 2024 → લખનૌ સુપર જાયન્ટ્સ સામે 108 રન → CSK 6 વિકેટથી હાર

એવું કહેવામાં આવે છે કે ‘સદી ઘણીવાર ટીમને મેચ જીતાડે છે પણ ગાયકવાડના કેસમાં એ હકીકતથી એકદમ જુદા દિશામાં છે.

દુર્ભાગ્ય નહીં, શ્રેષ્ઠતા નું પ્રતિબિંબ

આ આંકડાઓને જોતા એવું લાગી શકે કે રૂતુરાજની સદી ટીમ માટે લાભદાયક નથી, પરંતુ હકીકતમાં ક્રિકેટ એક ટીમ ગેમ છે, જ્યાં જીત-હાર માત્ર એક ખેલાડીના પ્રદર્શન પર નિર્ભર નથી.વ્યક્તિગત પ્રદર્શન મહત્વનું હોવા છતાં, જીત કે હાર પૂર્ણ ટીમના પ્રયાસ પર આધાર રાખે છે.

ગાયકવાડની સદીઓએ દર્શાવ્યું છે કે તેઓ મોટા મંચ પર પોતાનો ખેલ દેખાડવાની ક્ષમતા ધરાવે છે. તેમની બેટિંગ ટેક્નિક, ટાઈમિંગ અને શાંતિ તેમને ભવિષ્યમાં ભારતીય ક્રિકેટનો મોટો આધાર બનાવી શકે છે.રૂતુરાજ ગાયકવાડ હજી તો આંતરરાષ્ટ્રીય ક્રિકેટમાં શરૂઆતના ટપ્પે છે. સમય સાથે અને અનુભવ વધતા, તેમની સદીઓ ભારતને જીત અપાવશે એવી દરેક ચાહકને આશા છે.હાલ માટે એટલું કહી શકાય ગાયકવાડ સદી કરે, તો ટીમને જીતાડવાનું કામ તેમનાં સાથી ખેલાડીઓએ મળી ને પૂરું કરવાનું છે!

Sarfaraz Khan: સરફરાઝ ખાનની અડધી સદી પણ ન કામે આવી, સૂર્યકુમાર યાધવ નિષ્ફળ; કેરળ સામે મુંબઈને 15 રનની હાર

Sarfaraz Khan સૈયદ મુશ્તાક અલી ટ્રોફી 2025માં મુંબઈની ટીમનો સફર નિરાશાજનક રહ્યો, કારણ કે સ્ટાર ખેલાડીઓથી ભરેલી ટીમ છતાં કેરળે 15 રનથી જીત મેળવી લીધી. આ મેચમાં સરફરાઝ ખાને અડધી સદી ફટકારી હોવા છતાં ટીમને જીત તરફ દોરી શકાઈ નહીં. બાકીના બેટ્સમેનોનું પ્રદર્શન નિરાશાજનક રહ્યું.

મેચ દરમિયાન કેરળે પ્રથમ બેટિંગ કરી 20 ઓવરમાં 178 રનનો મજબૂત સ્કોર ઉભો કર્યો. કેરળ માટે સંજુ સેમસન સૌથી વધુ 46 રન બનાવીને તેજસ્વી ફોર્મમાં દેખાયો. 28 બોલની તેની આ ઇનિંગ્સમાં આઠ ચોગ્ગા અને એક છગ્ગાનો સમાવેશ થયો. તેની સાથે વિષ્ણુ વિનોદે 43 અને મોહમ્મદ અઝહરુદ્દીને 32 રનનું યોગદાન આપ્યું. અંતમાં સૈફુદ્દીને માત્ર 15 બોલમાં ઝડપી 35 રન કૂકાવ્યા અને ટીમને લડત માટે યોગ્ય ટોટલ સુધી પહોંચાડી.

સ્ટાર્સની નિષ્ફળતાને કારણે મુંબઈ હારી ગયું

મુંબઈ તરફથી બોલિંગમાં કોઈ ખાસ અસર જોવા મળી નહીં. તમામ બોલરો રન રોકવામાં નિષ્ફળ રહ્યા, જેના કારણે કેરળને હળવાશથી સ્કોર વધારવાનો મોકો મળ્યો.179 રનના લક્ષ્યૂને પીછો કરતી મુંબઈની શરૂઆત નિરાશાજનક રહી. યુવા બેટ્સમેન આયુષ મહાત્રે માત્ર 3 રનમાં જ નિવૃત્ત થયો. ત્યારબાદ અજિંક્ય રહાણે અને સરફરાઝ ખાને પારીને સંભાળવાનો પ્રયાસ કર્યો. રહાણેએ 18 બોલમાં 32 રન સાથે ટીમને થોડી ગતિ આપી, પરંતુ વિગ્નેશ પુથુરે તેને આઉટ કરી મહત્વનો ઝટકો આપ્યો.

સરફરાઝ એકલો લડયા

સરફરાઝ ખાન એક છેડે જમાવ્યો રહ્યો અને સુંદર બેટિંગ કરી. તેણે 52 રનની અડધી સદી ફટકારી અને ટીમને મેચમાં જાળવી રાખવાનો પ્રયાસ કર્યો. પરંતુ તેની સાથે રમતા અન્ય બેટ્સમેનોએ ખાસ સમર્થન નહીં આપ્યું. ખાસ કરીને ટીમના સૌથી મોટા T20 સ્ટાર સૂર્યકુમાર યાધવનું પ્રદર્શન બહુ જ સામાન્ય રહ્યું. પોતાની અજોડ બેટિંગ શૈલી માટે જાણીતો SKY આ મેચમાં 25 બોલમાં માત્ર 32 રન જ બનાવી શક્યો, જે ટીમ માટે પૂરતું સાબિત થયું નહીં.

શિવમ દુબે 11 રન બનાવીને આઉટ થયો, જ્યારે સાઈરાજ પાટીલે પણ 13 રનનું યોગદાન આપ્યું. મધ્યમ અને નીચલા ક્રમના તમામ બેટ્સમેન દબાણ સહન કરવામાં નિષ્ફળ રહ્યા, જેના કારણે મુંબઈ સમગ્ર 20 ઓવર પણ પૂરી ન રમી શક્યું અને 19.4 ઓવરમાં 163 રન પર ઓલઆઉટ થયું.કેરળ માટે બોલિંગમાં કેએમ આસિફે કમાલ કરી બતાવ્યો. તેણે માત્ર 24 રન આપીને 5 વિકેટ પોતાના નામે કરી અને મુંબઈના બેટિંગ ઓર્ડરને કોઈ તક જ ન આપી. તેના સાથેજ વિગ્નેશ પુથુરે 2 વિકેટ લીધી. અબ્દુલ બાસિત, સૈફુદ્દીન અને એમડી નિદિશે પણ 1-1 વિકેટ મેળવી.મુંબઈ માટે આ હાર ચેતવણીરૂપ છે. સ્ટાર ખેલાડીઓ હોવા છતા, ટીમ સંકલિત રમવામાં નિષ્ફળ રહી. સરફરાઝનો પ્રયત્ન પ્રશંસનીય હતો, પરંતુ ઈનિંગ્સને પૂરતું સપોર્ટ ન મળતાં ટીમને હાર સ્વીકારવી પડી.

michelle stark: ૪૦૦થી વધુ વિકેટ સાથે મિશેલ સ્ટાર્કનો ઇતિહાસમાં દાખલ થનાર કરિશ્મો ટેસ્ટ ક્રિકેટમાં વસીમ અકરમનો ઐતિહાસિક રેકોર્ડ તૂટ્યો

michelle stark ઓસ્ટ્રેલિયાના ખતરનાક ડાબોડી ફાસ્ટ બોલર મિશેલ સ્ટાર્કે એશિઝની બીજી ટેસ્ટ દરમિયાન એવી સિદ્ધિ મેળવી છે, જેને કારણે સમગ્ર ક્રિકેટ જગતમાં તેમના વખાણ થઈ રહ્યા છે. ઇંગ્લેન્ડ સામે ચાલી રહેલી આ ટેસ્ટમાં અત્યાર સુધી સ્ટાર્કે ત્રણ મહત્વપૂર્ણ વિકેટ ઝડપી અને આ સાથે જ તેઓ ટેસ્ટ ક્રિકેટ ઇતિહાસના સૌથી વધુ વિકેટ લેનારા ડાબોડી ઝડપી બોલર બની ગયા છે.

સ્ટાર્કે આ કારનામાથી પાકિસ્તાની મહાન બોલર વસીમ અકરમનો રેકોર્ડ તોડી ને ટોચનું સ્થાન કબ્જે કર્યું છે. અકરમ પાસે કુલ 414 ટેસ્ટ વિકેટ હતી, પરંતુ સ્ટાર્કે તેને પાછળ નાખીને પોતાની ગણતરી 415 વિકેટ સુધી લઈ ગયા છે. આ સિદ્ધિ પોતાના આપમાં જ ઓસ્ટ્રેલિયન બોલિંગ ઇતિહાસ માટે ગૌરવ જેવી છે.

મેચની સ્થિતિ ઇંગ્લેન્ડનો સંઘર્ષ, ઓસ્ટ્રેલિયાની આગેવાની

એશિઝની બીજી ટેસ્ટમાં ઇંગ્લેન્ડના કપ્તાન બેન સ્ટોક્સે ટોસ જીતીને પ્રથમ બેટિંગ કરવાનો નિર્ણય લીધો. જો કે, તેમની ટીમને શરૂઆતમાં ઓસ્ટ્રેલિયન બોલર્સની મજબૂત ઘેરી વલણનો સામનો કરવો પડ્યો.

સ્ટાર્કે ઇનિંગ્સની પહેલી જ બોલથી પોતાના ખતરનાક ઇરાદા જણાવી દીધા.

• બેન ડકેટને શૂન્ય પર પેવિલિયનનો રસ્તો બતાવ્યો
• પછી ઓલી પોપને પણ રન કર્યા વિના આઉટ કર્યો
• હેરી બ્રુકને સ્ટીવ સ્મિથ દ્વારા કેચ આઉટ કરાવી ત્રીજી સફળતા મેળવી

હાલના સમયે, ઇંગ્લેન્ડના ઝેક ક્રોલી (76) અને જો રૂટ (68*) એ ટીમને સંભાળવાનો પ્રયાસ કર્યો હતો. રૂટ હજી ક્રીઝ પર રમે છે અને સ્ટોક્સ તેમનો સાથ આપી રહ્યા છે.

ડાબોડી ફાસ્ટ બોલરોમાં સૌથી વધુ ટેસ્ટ વિકેટ

આ યાદીથી જ સ્પષ્ટ થાય છે સ્ટાર્ક હવે તે મહાન બોલરોમાં સ્થાન પામ્યો છે, જેઓનું નામ ક્રિકેટ ઇતિહાસમાં અવિસ્મરણિય રહેશે.જેમના નામ ક્રિકેટ ઇતિહાસમાં સોનેરી અક્ષરે લખાયેલ છે.

કેરિયરનું સફર ઉતાર-ચઢાવમાંથી ખૂંદેલો ચેમ્પિયન

મિશેલ સ્ટાર્કે વર્ષ 2011માં આંતરરાષ્ટ્રીય ક્રિકેટમાં पदार્પણ કર્યું હતું. શરૂઆતના સમયમાં સતત ફોર્મમાં ન રહેવાના કારણે તેઓ ટીમમાં આવતાં-જતાં રહ્યા. પરંતુ પોતાની ઝડપ, રિવર્સ સ્વિંગ અને યોર્કર દ્વારા તેઓએ ધીમે ધીમે ઓસ્ટ્રેલિયાના મુખ્ય સ્ટ્રાઇક બોલર તરીકે ઓળખ મેળવ્યો.

કુલ આંતરરાષ્ટ્રીય રેકોર્ડ:

• 102 ટેસ્ટ → 415 વિકેટ
• ODI → 247 વિકેટ
• T20I → 79 વિકેટ

લિમિટેડ ઓવર્સ ક્રિકેટમાં સ્ટાર્કે ખાસ પ્રભાવ બતાવ્યો છે. 2015ના વર્લ્ડ કપમાં તેઓ મેન ઑફ ધ ટુર્નામેન્ટ બન્યા હતા અને ઓસ્ટ્રેલિયાને ખિતાબ જીતાડવામાં મોટો ફાળો આપ્યો હતો.

સ્ટાર્ક હજી બાકીના વર્ષોમાં પણ ટીમ માટે ઘણું આપી શકે તેવો ખેલાડી છે. તેમની તાકાત ઝડપ, અનુભવ અને દબાણના ક્ષણોમાં મેચ બદલી નાખવાની ક્ષમતા ઓસ્ટ્રેલિયાને ઘણી બારી બચાવી ચૂકી છે. હવે જ્યારે તેઓ ઇતિહાસના સર્વશ્રેષ્ઠ ડાબોડી પેસરોમાં પ્રથમ સ્થાને પહોંચી ગયા છે, ત્યારે તેમની નજર વધુ મોટા રેકોર્ડ્સ પર હશે.

એશિઝની આ ટેસ્ટ શ્રેણી આગળ વધતાં સ્ટાર્કનું જાદુ ક્રિકેટપ્રેમીઓને વધુ વાર જોવા મળી શકે છે અને કદાચ તેમની વિકેટોની સંખ્યા આગામી સમયગાળામાં 500નો આંક પણ પાર કરી દે!