ઓસ્ટ્રેલિયામાં અપમાન, પાકિસ્તાનમાં હોબાળો Hockey ફેડરેશનના પ્રમુખનું રાજીનામું, કેપ્ટન પર બેન!

પાકિસ્તાનની રાષ્ટ્રીય રમત ગણાતી Hockey આજે તેના સૌથી કાળા સમયમાંથી પસાર થઈ રહી છે. તાજેતરમાં ઓસ્ટ્રેલિયામાં રમાયેલી FIH પ્રો લીગ દરમિયાન પાકિસ્તાની ટીમ સાથે જે વ્યવહાર થયો અને ત્યારબાદ પાકિસ્તાન પરત ફરતા જ જે નાટકીય વળાંકો આવ્યા, તેણે રમત જગતને હચમચાવી દીધું છે. પાકિસ્તાન હોકી ફેડરેશન (PHF) ના પ્રમુખ તારિક બુગ્તીએ ગુરુવારે પોતાના પદ પરથી રાજીનામું આપી દીધું છે, પરંતુ આ રાજીનામું વિવાદોને શાંત કરવાને બદલે વધારી રહ્યું હોય તેવું લાગે છે.
પાકિસ્તાની હોકીમાં હાલ જે ભૂકંપ આવ્યો છે તે કોઈ રમતની હારને કારણે નહીં, પરંતુ ખેલાડીઓના અપમાન અને વહીવટી લાપરવાહીને કારણે છે. ઓસ્ટ્રેલિયાના પ્રવાસ દરમિયાન જે બન્યું તેણે પાકિસ્તાન Hockey  ફેડરેશન (PHF) ની આબરૂના ધજાગરા ઉડાડી દીધા છે.

ઓસ્ટ્રેલિયામાં શું થયું? ‘વાસણ માંજવા પડ્યા’ ના આક્ષેપો

આ સમગ્ર વિવાદની શરૂઆત ઓસ્ટ્રેલિયા પ્રવાસથી થઈ હતી. પાકિસ્તાની ટીમ જ્યારે હોબાર્ટમાં પ્રો લીગ રમવા પહોંચી, ત્યારે ખેલાડીઓને જાણવા મળ્યું કે તેમની હોટલનું બુકિંગ રદ થઈ ગયું છે કારણ કે ફેડરેશને એડવાન્સ પેમેન્ટ કર્યું નહોતું. ટીમનો કેપ્ટન અમ્માદ શકીલ બટ્ટ જ્યારે પાકિસ્તાન પરત ફર્યો ત્યારે તેણે જે ખુલાસા કર્યા તે ચોંકાવનારા હતા.

અમ્માદે મીડિયા સમક્ષ રડતા રડતા જણાવ્યું કે, “અમારે સિડની એરપોર્ટ પર 13-14 કલાક રસ્તા પર બેસી રહેવું પડ્યું. હોટલમાં રહેવા માટે જગ્યા નહોતી, એટલે અમને એરબીએનબી (Airbnb) જેવા સસ્તા મકાનોમાં રાખવામાં આવ્યા. ત્યાં અમારે જાતે રસોઈ કરવી પડતી અને મેચ રમવા જતી વખતે વાસણો પણ અમારે જ માંજવા પડતા હતા.” કેપ્ટને વધુમાં આક્ષેપ કર્યો કે ખેલાડીઓને માનસિક રીતે ટોર્ચર કરવામાં આવ્યા હતા.

આ મામલો એટલો ગંભીર બન્યો કે પાકિસ્તાનના વડાપ્રધાન શહબાઝ શરીફ, જે Hockey  ફેડરેશનના મુખ્ય સંરક્ષક (Patron-in-chief) પણ છે, તેમણે તાત્કાલિક ઉચ્ચ સ્તરીય તપાસના આદેશ આપ્યા છે. પાકિસ્તાન સ્પોર્ટ્સ બોર્ડ (PSB) એ દાવો કર્યો હતો કે તેમણે હોટલ અને ખર્ચ માટે PHF ને 1 કરોડ પાકિસ્તાની રૂપિયાથી વધુની રકમ ફાળવી દીધી હતી, છતાં પૈસા ક્યાં ગયા તે મોટો પ્રશ્ન છે.

બીજી તરફ, રાજીનામું આપતી વખતે તારિક બુગ્તીએ બચાવ કર્યો કે આ બધી ગેરવહીવટ સ્પોર્ટ્સ બોર્ડની છે. તેમણે કહ્યું, “ભંડોળ સ્પોર્ટ્સ બોર્ડ પાસે હતું અને તેમણે સમયસર વ્યવસ્થા કરી નહીં. પાકિસ્તાનની આબરૂને જે નુકસાન થયું છે તેની નિષ્પક્ષ તપાસ થવી જોઈએ.”

તારિક બુગ્તીએ રાજીનામું આપતા પહેલા એક છેલ્લો ‘ઘા’ પણ કર્યો. ફેડરેશને કેપ્ટન અમ્માદ શકીલ બટ્ટ પર શિસ્તભંગના નામે 2 વર્ષનો પ્રતિબંધ લાદી દીધો છે. ફેડરેશનનું કહેવું છે કે કેપ્ટને મીડિયામાં જઈને ફેડરેશનની છબી ખરડી છે. જોકે, રમત પ્રેમીઓ આ નિર્ણયને ‘સત્ય દબાવવાના પ્રયાસ’ તરીકે જોઈ રહ્યા છે. અમ્માદે વળતો જવાબ આપતા કહ્યું કે, “મેં માત્ર ખેલાડીઓની તકલીફ કહી છે, જો દેશ માટે સત્ય બોલવું એ ગુનો હોય તો મને આ સજા મંજૂર છે.”

પાકિસ્તાન, જે એક સમયે ચાર વખત વર્લ્ડ કપ અને ત્રણ વખત ઓલિમ્પિક ગોલ્ડ જીતી ચૂક્યું છે, તે આજે રેન્કિંગમાં 14મા ક્રમે ફેંકાઈ ગયું છે. પ્રશાસકોની આ લડાઈમાં સૌથી વધુ નુકસાન રમત અને ખેલાડીઓને થઈ રહ્યું છે. આગામી વર્લ્ડ કપ ક્વોલિફાયર મેચો પહેલા ટીમમાં આવો વિખવાદ પાકિસ્તાન Hockey માટે ઘાતક સાબિત થઈ શકે છે.

ભારતીય મહિલા હોકી ટીમે થાઈલેન્ડને 7-2થી હરાવ્યું હતું. આ સાથે, ટીમે પ્રથમ મહિલા એશિયન હોકી 5 વર્લ્ડ કપ ક્વોલિફાયર જીતી લીધું અને આગામી વર્ષના વર્લ્ડ કપમાં પણ પોતાનું સ્થાન નિશ્ચિત કરી લીધું. તમામ ખેલાડીઓએ ભારત માટે ધમાકેદાર પ્રદર્શન કર્યું અને થાઈલેન્ડની ટીમને વધુ ગોલ કરવાની તક આપી ન હતી.

ભારતીય ટીમ જીતી ગઈ

ભારત તરફથી મારિયાના કુજુરે (બીજી, 8મી મિનિટે) અને જ્યોતિ (10મી, 27મી મિનિટે) બે-બે ગોલ કર્યા, જ્યારે મોનિકા ટોપ્પો (7મી), કેપ્ટન નવજોત કૌર (23મી) અને મહિમા ચૌધરીએ (29મી મિનિટે) એક-એક ગોલ કર્યા. થાઈલેન્ડ તરફથી કુંજીરા ઈનાપા (5મું) અને સાનપોંગ કોર્નકાનોકે (5મું) ગોલ કર્યા હતા. આ રીતે ભારતે આવતા વર્ષે 24 થી 27 જાન્યુઆરી દરમિયાન મસ્કતમાં યોજાનાર હોકી 5 વર્લ્ડ કપ માટે ક્વોલિફાય કર્યું છે. ભારતીય ટીમે શરૂઆતથી જ આક્રમક અભિગમ અપનાવ્યો હતો અને બીજી જ મિનિટમાં કુજુરે તેમને લીડ અપાવી હતી.

Here are your winners 🏆 🥇

Congratulations to the Indian Women's team for clinching Gold in the Women's Hockey5s Asia Cup 2023.#HockeyIndia #IndiaKaGame #Hockey5s pic.twitter.com/ium3pT3kDz

— Hockey India (@TheHockeyIndia) August 28, 2023

ભારતીય ખેલાડીઓએ શાનદાર પ્રદર્શન કર્યું

ભારતીય હોકી ટીમના ગોલ બાદ થાઈલેન્ડે સતત બે ગોલ કરીને શાનદાર વાપસી કરી હતી, પરંતુ તેમની ખુશી અલ્પજીવી રહી હતી અને ભારતીય ટીમે તે પછી દબાણ લાવીને તેમને બેકફૂટ પર રાખ્યા હતા. થાઈલેન્ડના ખેલાડીઓ ભારતીય ડિફેન્સને ભેદી શક્યા ન હતા. જેના કારણે તેને હારનો સામનો કરવો પડ્યો હતો. તેને ગોલ કરવાની ઘણી તકો મળી પરંતુ તેનો ફાયદો ઉઠાવી શક્યો નહીં.

ખેલાડીઓને આ સન્માન મળશે

અગાઉ, કેપ્ટન નવજોત કૌરની હેટ્રિકની મદદથી ભારતે મલેશિયાને 9-5થી હરાવી ફાઇનલમાં જગ્યા બનાવી હતી. નવજોતે (7મી, 10મી અને 17મી મિનિટે) હેટ્રિક નોંધાવી હતી જ્યારે મારિયાના કુજુરે (9મી, 12મી મિનિટે) અને જ્યોતિ (21મી અને 26મી મિનિટે) બે વખત ગોલ કર્યા હતા. જ્યારે મોનિકા દીપી ટોપ્પો (22મી મિનિટ) અને મહિમા ચૌધરીએ (14મી મિનિટ) એક-એક ગોલ કર્યો હતો. મલેશિયા તરફથી જૈતી મોહમ્મદ (4થી અને 5મી મિનિટે), ડિયાન નજેરી (10મી અને 20મી મિનિટ) અને અઝીઝ ઝફીરાહ (16મી મિનિટે)એ ગોલ કર્યા હતા. હોકી ઈન્ડિયાએ ટીમના દરેક ખેલાડીને 2 લાખ રૂપિયા અને સપોર્ટ સ્ટાફ માટે 1 લાખ રૂપિયાના પુરસ્કારની જાહેરાત કરી છે.

મેચ ફિક્સિંગને કોઈપણ રમતમાં સૌથી મોટો અપરાધ માનવામાં આવે છે. ફિક્સિંગના કારણે ઘણા મજબૂત ખેલાડીઓની સારી કારકિર્દી બરબાદ થઈ ગઈ છે. આંતરરાષ્ટ્રીય ક્રિકેટ ઉપરાંત લીગ ક્રિકેટમાં મેચ ફિક્સિંગના ઘણા કિસ્સાઓ સાંભળવા મળ્યા છે. હવે CSK તરફથી રમી ચૂકેલા એક ખેલાડી પર મેચ ફિક્સિંગનો આરોપ લાગ્યો છે.

આ ખેલાડી પર મેચ ફિક્સિંગના આરોપો

કોલંબોમાં ચીફ મેજિસ્ટ્રેટ કોર્ટે શ્રીલંકાના ભૂતપૂર્વ ક્રિકેટર સચિત્રા સેનાનાયકે પર મેચ ફિક્સિંગ માટે તપાસ શરૂ થયા બાદ વિદેશ પ્રવાસ પર પ્રતિબંધ મૂક્યો છે. આ ખેલાડી IPLમાં CSK ટીમમાં સામેલ હતો અને KKR તરફથી પણ રમી ચૂક્યો છે. સેનાનાયકેની પરેશાનીઓ વધતી જણાઈ રહી છે.

શ્રીલંકા માટે દરેક ફોર્મેટ રમ્યો

સેનાનાયકે, જેણે 2012 અને 2016 વચ્ચે એક ટેસ્ટ, 49 ODI અને 24 T20 આંતરરાષ્ટ્રીય મેચ રમી હતી, તેના પર 2020 લંકા પ્રીમિયર લીગ (LPL) દરમિયાન મેચો ફિક્સ કરવાનો પ્રયાસ કરવાનો આરોપ છે. આ મામલાની તપાસ ચાલી રહી છે અને કોર્ટે સચિત્રા પર ત્રણ મહિના માટે વિદેશ પ્રવાસ પર પ્રતિબંધ મૂક્યો છે. ભૂતપૂર્વ ઑફ-સ્પિનર ​​વિરુદ્ધ ફોજદારી આરોપો દબાવવા માટે રમત મંત્રાલયના વિશેષ તપાસ એકમ (SIU) ને એટર્ની જનરલ (AG)ના નિર્દેશોને પગલે કોર્ટે સેનાનાયકેને ત્રણ મહિના માટે દેશ છોડવા પર પ્રતિબંધ મૂક્યો હતો.

ખેલાડી વિરુદ્ધ ઘણા પુરાવા મળ્યા છે

AG એ ચુકાદો આપ્યો છે કે 2019 ના રમતગમત અધિનિયમ નંબર 24 થી સંબંધિત ગુના નિવારણ હેઠળ પૂરતી સામગ્રી મળી આવી છે. ઈન્ટરનેશનલ ક્રિકેટ કાઉન્સિલ (ICC)ના જનરલ મેનેજર, ભ્રષ્ટાચાર વિરોધી એકમ (ACU), એલેક્સ માર્શલ, શ્રીલંકાના ક્રિકેટ અધિકારીઓ અને એટર્ની જનરલ વચ્ચે અનેક રાઉન્ડની ચર્ચાઓ પછી ફોજદારી આરોપો ઘડવાનો નિર્દેશ આવ્યો છે. એવો આરોપ છે કે સેનાનાયકેએ 2020માં લંકા પ્રીમિયર લીગની પ્રથમ સિઝનમાં મેચ ફિક્સ કરવા માટે દુબઈથી ટેલિફોન દ્વારા બે ક્રિકેટરોનો સંપર્ક કર્યો હતો. શ્રીલંકામાં 2019 માં રમતગમતના ભ્રષ્ટાચારને પ્રિવેન્શન ઓફ ઓફેન્સ રિલેટેડ ટુ સ્પોર્ટ્સ એક્ટ હેઠળ સજાપાત્ર ફોજદારી ગુનો બનાવવામાં આવ્યો ત્યારથી સેનાનાયકેનો કેસ પ્રથમ હશે.