IND vs SA T20: કટક મેચ પછી Hardik Pandya ભાવુક નિવેદન, પાર્ટનરનો કર્યો ખાસ ઉલ્લેખ; ગર્લફ્રેન્ડે જાહેરમાં વ્યક્ત કર્યો પ્રેમ

 દક્ષિણ આફ્રિકા સામેની T20 સિરીઝમાં ઈજામાંથી શાનદાર કમબેક કરનાર ભારતીય ક્રિકેટ ટીમના સ્ટાર ઓલરાઉન્ડર Hardik Pandya  હાલમાં રન, રિધમ અને રોમાન્સના કારણે ચર્ચામાં છે. કટક ખાતેની પ્રથમ T20 મેચમાં ‘પ્લેયર ઓફ ધ મેચ’ બન્યા પછી, હાર્દિકે ખુલ્લેઆમ પોતાની ગર્લફ્રેન્ડ અને મોડેલ મહિકા શર્મા પર પ્રેમ લૂંટાવ્યો હતો, જેના જવાબમાં મહિકાએ પણ તેને “રાજા” કહીને પોતાના દિલની વાત જાહેરમાં જણાવી દીધી હતી.

 જબરદસ્ત કમબેક અને પ્રેમનો એકરાર

એશિયા કપ દરમિયાન ક્વાડ્રિસેપ્સની ઈજાને કારણે હાર્દિક પંડ્યા છેલ્લા બે મહિનાથી ક્રિકેટથી દૂર હતો. આ લાંબા બ્રેક પછી તેણે કટક T20માં ધમાકેદાર વાપસી કરી. તેણે માત્ર 28 બોલમાં અણનમ 59 રન ફટકાર્યા એટલું જ નહીં, પરંતુ બોલિંગમાં એક મહત્વની વિકેટ પણ ઝડપી, જેના કારણે ભારતનો 101 રનથી ભવ્ય વિજય થયો. આ પ્રદર્શન માટે તેને ‘પ્લેયર ઓફ ધ મેચ’ જાહેર કરવામાં આવ્યો.

મેચ પછી, BCCIને આપેલા એક ઇન્ટરવ્યૂમાં હાર્દિકે ઈજાના મુશ્કેલ સમયગાળા વિશે વાત કરી અને આ સફળતાનો શ્રેય પોતાના પ્રિયજનોને આપ્યો.

હાર્દિકે કહ્યું: “જ્યારે તમે ઈજાગ્રસ્ત થાઓ છો, ત્યારે તે તમારી માનસિક કસોટી કરે છે, તમને તમારા પર શંકા કરાવે છે. પરંતુ હું મારા પ્રિયજનોનો આભાર માનવા માંગુ છું, જેમણે મને ટેકો આપ્યો. મારા પાર્ટનરનો ખાસ ઉલ્લેખ. જ્યારથી તે મારા જીવનમાં આવી છે, ત્યારથી બધું સારું ચાલી રહ્યું છે.”

જોકે હાર્દિકે મહિકાનું નામ લીધું ન હતું, પરંતુ તેનો ઈશારો સ્પષ્ટપણે મહિકા શર્મા તરફ જ હતો, કારણ કે ભૂતકાળમાં પણ તે મહિકા સાથેના સંબંધોની જાહેરાત કરી ચૂક્યો છે.

Mahieka Sharma એ આપ્યો ભાવુક જવાબ

હાર્દિક પંડ્યાના આ નિવેદન પછી તેની ગર્લફ્રેન્ડ મહિકા શર્માએ પણ તુરંત પ્રતિક્રિયા આપી. મહિકાએ BCCI દ્વારા શેર કરવામાં આવેલા આ વીડિયોના કોમેન્ટ સેક્શનમાં એક ઇમોજી શેર કરીને પોતાના પ્રેમને જાહેરમાં વ્યક્ત કર્યો.

મહિકાએ લખ્યું: “No one like you my king…”

મહિકાનો આ પ્રેમભર્યો જવાબ તરત જ સોશિયલ મીડિયા પર વાયરલ થઈ ગયો અને ફેન્સે આ કપલ પર ખુબ પ્રેમ વરસાવ્યો. બંનેના જાહેરમાં પ્રેમના આ એકરારથી ક્રિકેટ જગતમાં અને ગ્લેમરની દુનિયામાં તેમની ચર્ચા વધુ વધી ગઈ છે.

 અફવાઓ પર લાગ્યું પૂર્ણવિરામ

પૂર્વ પત્ની નતાશા સ્ટેનકોવિકથી અલગ થયા પછી, હાર્દિક પંડ્યાના જીવનમાં મોડેલ મહિકા શર્માની એન્ટ્રી થઈ છે. છેલ્લા કેટલાક મહિનાઓથી તેમના સંબંધોની ચર્ચાઓ ચાલી રહી હતી. ભૂતકાળમાં, મહિકાએ હાર્દિકની જર્સી નંબર ’33’નો ટેટૂ પણ ફ્લોન્ટ કર્યો હતો. ઓક્ટોબરમાં હાર્દિકે તેના જન્મદિવસ પર મહિકા સાથેના ફોટા શેર કરીને આ સંબંધને સત્તાવાર રીતે જાહેર કર્યો હતો.

તાજેતરમાં, બંનેની સગાઈ અને પ્રેગ્નન્સીની અફવાઓ પણ ફેલાઈ હતી, જેનો મહિકાએ જાતે જ ઈન્સ્ટાગ્રામ પર જવાબ આપીને ખંડન કર્યું હતું. તેમ છતાં, આ કપલ પૂજા અને અન્ય ફેમિલી ફંક્શન્સમાં સાથે જોવા મળી રહ્યું છે, જે દર્શાવે છે કે તેઓ એકબીજાને લઈને ખૂબ જ ગંભીર છે.

હાર્દિકનું મેદાન પરનું શાનદાર પ્રદર્શન અને મહિકા શર્માનો ખુલ્લો ટેકો દર્શાવે છે કે આ લવ સ્ટોરી ક્રિકેટરના જીવનમાં સકારાત્મક બદલાવ લાવી છે. હાર્દિકે પણ સ્વીકાર્યું છે કે મહિકાના આગમનથી તેના જીવનમાં ‘ઘણી સારી વસ્તુઓ’ થઈ રહી છે.

 રોકોનું નામ! વન-ડેમાં વિરાટ નંબર-2, રોહિત નંબર-1: ICCની તાજેતરની રેન્કિંગે મચાવ્યો હંગામો

 ક્રિકેટની દુનિયામાંથી એક મોટા અને રોમાંચક સમાચાર સામે આવી રહ્યા છે! ઇન્ટરનેશનલ ક્રિકેટ કાઉન્સિલ (ICC) દ્વારા જાહેર કરવામાં આવેલી તાજેતરની વન-ડે (ODI) બેટિંગ રેન્કિંગમાં ભારતીય ક્રિકેટરોનો દબદબો જોવા મળી રહ્યો છે. ભારતીય ક્રિકેટ ટીમના કેપ્ટન રોહિત શર્માએ પોતાનું નંબર-1 સ્થાન જાળવી રાખ્યું છે, જ્યારે ‘કિંગ કોહલી’ તરીકે જાણીતા વિરાટ કોહલીએ જબરદસ્ત છલાંગ લગાવીને દુનિયાના નંબર-2 વન-ડે બેટ્સમેન બની ગયા છે. વિરાટ કોહલીની આ સિદ્ધિએ ક્રિકેટ જગતમાં ફરી એકવાર ભારતનો ડંકો વગાડ્યો છે.

ટોચ પર રોહિત, વિરાટે લગાવી જોરદાર છલાંગ

તાજેતરમાં દક્ષિણ આફ્રિકા સામે રમાયેલી વન-ડે સીરિઝમાં વિરાટ કોહલીના શાનદાર પ્રદર્શને તેમને રેન્કિંગમાં મોટો ફાયદો કરાવ્યો છે. કોહલીએ પોતાની વિસ્ફોટક બેટિંગના દમ પર બે સ્થાનની છલાંગ લગાવીને હવે સીધો બીજા ક્રમે પહોંચી ગયા છે.

• નંબર-1: રોહિત શર્મા (781 રેટિંગ પોઈન્ટ્સ)

• નંબર-2: વિરાટ કોહલી (773 રેટિંગ પોઈન્ટ્સ)

રોહિત શર્મા અને વિરાટ કોહલી વચ્ચે માત્ર 8 રેટિંગ પોઈન્ટ્સનો જ નજીવો તફાવત છે, જે આગામી સીરિઝમાં બંને દિગ્ગજ ખેલાડીઓ વચ્ચે નંબર-1 માટે રોમાંચક ટક્કર થવાના સંકેત આપી રહ્યો છે.

ICC રેન્કિંગ: ટોપ-5માં ભારતના બે પ્લેયર

ભારતીય ચાહકો માટે સૌથી વધુ ગર્વની વાત એ છે કે ICC વન-ડે બેટિંગ રેન્કિંગના ટોપ-5માં ભારતના ત્રણ ખેલાડીઓ સામેલ છે! રોહિત શર્મા (નંબર-1) અને વિરાટ કોહલી (નંબર-2) ઉપરાંત, યુવા બેટ્સમેન શુભમન ગિલ પણ ટોપ-5માં જળવાયેલા છે, જેઓ 723 રેટિંગ પોઈન્ટ્સ સાથે પાંચમા સ્થાને છે.

આ સાથે, ન્યૂઝીલેન્ડના ડેરિલ મિશેલ 766 રેટિંગ પોઈન્ટ્સ સાથે ત્રીજા સ્થાને અને અફઘાનિસ્તાનના ઇબ્રાહિમ ઝાંદરાન 764 પોઈન્ટ્સ સાથે ચોથા સ્થાને પહોંચી ગયા છે. પાકિસ્તાનના બાબર આઝમ હવે છઠ્ઠા સ્થાને સરકી ગયા છે.

બેટિંગ ઉપરાંત બોલિંગમાં પણ ભારતનો દબદબો

માત્ર બેટિંગ રેન્કિંગ જ નહીં, ICCની વન-ડે બોલિંગ રેન્કિંગમાં પણ ભારતીય ખેલાડીઓએ પ્રભાવશાળી પ્રદર્શન કર્યું છે. ભારતના સ્ટાર સ્પિનર કુલદીપ યાદવએ પણ જોરદાર પ્રગતિ કરીને ત્રણ સ્થાનની છલાંગ લગાવીને હવે ત્રીજા ક્રમે પહોંચી ગયા છે. તેમના 655 રેટિંગ પોઈન્ટ્સ છે. આફઘાનિસ્તાનનો રાશિદ ખાન નંબર-1 પર છે, અને ઈંગ્લેન્ડનો જોફ્રા આર્ચર બીજા સ્થાને છે.

ભારતનો ફાસ્ટ બોલર અર્શદીપ સિંહએ પણ 29 સ્થાનની મોટી છલાંગ લગાવીને 66મા ક્રમે પહોંચી ગયો છે, જે તેના શાનદાર ફોર્મનો સંકેત આપે છે.

કિંગ કોહલી ફરી નંબર-1ની નજીક

વિરાટ કોહલીએ એપ્રિલ 2021માં પાકિસ્તાનના બાબર આઝમને પોતાનું નંબર-1 સ્થાન ગુમાવ્યું હતું, પરંતુ હવે તેમના પ્રદર્શનને જોતા લાગે છે કે તેઓ ફરી એકવાર ટોચનું સ્થાન હાંસલ કરવા માટે તૈયાર છે. વિરાટ અને રોહિત બંને વચ્ચેની આ ટક્કર આગામી જાન્યુઆરી 2026માં ન્યૂઝીલેન્ડ સામેની વન-ડે સીરિઝમાં વધુ રોમાંચક બનશે. આ સીરિઝમાં બંનેમાંથી કોઈ પણ ખેલાડી નંબર-1નો તાજ પોતાના નામે કરી શકે છે.

ભારતીય ક્રિકેટ ચાહકો માટે આ રેન્કિંગ ખરેખર ખુશીના સમાચાર લઈને આવી છે, કારણ કે ટીમના બે સૌથી મોટા સ્ટાર બેટ્સમેન ICCની રેન્કિંગમાં ટોચના બે સ્થાને છે, જે ભારતીય ક્રિકેટના સુવર્ણ યુગનો સંકેત આપે છે.

ICC Ranking: રોહિત-કોહલી ટોચના બે સ્થાન પર કાયમ, કુલદીપ બોલિંગમાં ચમક્યો

ICC ODI રેન્કિંગ અપડેટ: વિરાટ કોહલીએ નવીનતમ આંતરરાષ્ટ્રીય ક્રિકેટ કાઉન્સિલ (ICC) રેન્કિંગમાં નોંધપાત્ર સુધારો કર્યો છે. દક્ષિણ આફ્રિકા સામેની ODI શ્રેણીમાં 302 રન બનાવ્યા બાદ, કોહલી હવે ODI બેટ્સમેનોમાં બીજા સ્થાને પહોંચી ગયો છે. રોહિત શર્મા નંબર વન પર યથાવત છે, જ્યારે કેએલ રાહુલે પણ રેન્કિંગમાં નોંધપાત્ર સુધારો કર્યો છે.

દક્ષિણ આફ્રિકા સામે કોહલીનું પ્રદર્શન શાનદાર હતું. તેણે ત્રણ મેચમાં બે સદી અને એક અડધી સદી સહિત 302 રન બનાવ્યા હતા અને તેને પ્લેયર ઓફ ધ સિરીઝ પણ જાહેર કરવામાં આવ્યો હતો. આનાથી તે ચોથા સ્થાનેથી બીજા સ્થાને પહોંચી ગયો છે. કોહલી પાસે હવે 773 રેટિંગ પોઈન્ટ છે, જ્યારે રોહિત શર્મા 781 પોઈન્ટ સાથે ટોચ પર છે. રોહિતે દક્ષિણ આફ્રિકા સામેની શ્રેણીમાં 146 રન બનાવીને પોતાનું નંબર વન સ્થાન જાળવી રાખ્યું છે.

ભારતના ટોચના 5 ODI બેટ્સમેન

ODI બેટિંગ રેન્કિંગના ટોચના 10માં ચાર ભારતીય ખેલાડીઓનો સમાવેશ થાય છે. રોહિત શર્મા અને વિરાટ કોહલી અનુક્રમે પ્રથમ અને બીજા સ્થાને છે. શુભમન ગિલ શ્રેણી ગુમાવવા છતાં પાંચમા સ્થાને રહ્યો, જોકે બાબર આઝમથી તેના સ્થાન માત્ર એક જ પોઇન્ટ દૂર છે. શ્રેયસ ઐયર એક સ્થાન નીચે 10મા સ્થાને પહોંચી ગયો છે, જ્યારે કેએલ રાહુલ બે સ્થાન આગળ વધીને 12મા સ્થાને પહોંચી ગયો છે.

બોલિંગ રેન્કિંગ: કુલદીપ ત્રીજા સ્થાને, અર્શદીપે મોટો ઉછાળો

બોલિંગ રેન્કિંગમાં કુલદીપ યાદવનું પ્રદર્શન અસાધારણ હતું. દક્ષિણ આફ્રિકા સામે નવ વિકેટ લીધા બાદ, તે ODI બોલિંગ રેન્કિંગમાં ત્રીજા સ્થાને પહોંચ્યો, જે ટોચના 10માં સ્થાન મેળવનાર એકમાત્ર ભારતીય બોલર બન્યો. રવિન્દ્ર જાડેજા બે સ્થાન નીચે 16મા સ્થાને આવી ગયો છે, જ્યારે અક્ષર પટેલ પણ સ્થાન ગુમાવી બેઠો છે. દરમિયાન, અર્શદીપ સિંહ 29 સ્થાનના નોંધપાત્ર ઉછાળા સાથે 66મા સ્થાને પહોંચી ગયો છે.