Chess World Cup: જ્યોર્જિયાના બાતૂમીમાં રમાયેલ FIDE વર્લ્ડ કપ 2025માં આખરે દિવ્યા દેશમુખે જીત હાંસલ કરી અને વર્લ્ડ કપનો ખિતાબ પોતાના નામ કર્યો. બંને ખેલાડીઓ વચ્ચે ક્લાસિકલ મુકાબલા ડ્રો રહ્યાં. શનિવાર અને રવિવારના ક્લાસિકલ મેચમાં ગ્રાન્ડમાસ્ટર કોનેરૂ હંપીએ ચેસની નવી સ્ટાર દિવ્યા દેશમુખને લીડ મેળવવા દીધી ન હતી. ક્લાસિકલ મેચ ૧-૧ પોઈન્ટ પર ડ્રો રહી.

સોમવારે રમાયેલા રેપિડ રાઉન્ડમાં, વિશ્વની ૧૮મી ક્રમાંકિત ખેલાડી નાગપુરની દિવ્યા દેશમુખે સફેદ ટુકડાઓથી શરૂઆત કરી. તે આક્રમક પણ દેખાતી હતી. પરંતુ વિશ્વની પાંચમી ક્રમાંકિત ખેલાડી હમ્પીએ કાળા મોરચાઓ સાથે રમતા મેચ ડ્રો કરી અને માનસિક ફાયદો મેળવ્યો.

રેપિડ રાઉન્ડની બીજી ગેમમાં કાળા મોરચાઓ સાથે રમતી દિવ્યા દેશમુખે શરૂઆતથી જ પ્રભુત્વ જમાવ્યું. જ્યારે, નિષ્ણાતોના મતે, શરૂઆતમાં કોનેરુ માટે સમય વ્યવસ્થાપન થોડું મુશ્કેલ લાગતું હતું અને તેણે રેપિડ રાઉન્ડની બીજી ગેમમાં પણ ભૂલ કરી હતી.

Divya Deshmukh Creates History!

19-year-old Divya Deshmukh has become the first-ever Indian to win the FIDE Women’s World Cup, marking a historic milestone in Indian chess.#FIDEWorldCup #Chess #DivyaDeshmukh #HumpyKoneru pic.twitter.com/8s6L4KCSAD

— Voice of Indian Sport (@vo_indiansport) July 28, 2025

ચેસ નિષ્ણાતોના જણાવ્યા અનુસાર દિવ્યા ઉત્તમ તૈયારી સાથે મેચ માટે પહોંચી હતી. NDTV સાથે ખાસ વાતચીત દરમિયાન 5 વખતના વર્લ્ડ ચેમ્પિયન અને 2 વખતના FIDE વર્લ્ડ કપ વિજેતા વિશ્વનાથન આનંદે મેચ પહેલા કહ્યું, “કોનેરુ હંપી ખૂબ જ મજબૂત ખેલાડી છે, પરંતુ હાલમાં મોમેન્ટમ થોડુંદિવ્યાના તરફેણમાં જણાઈ રહ્યું છે.”

ચીનને પાછળ છોડીને ભારત બન્યું ચેમ્પિયન

મહત્વપૂર્ણ વાત એ છે કે બંને ખેલાડીઓએ “ચાઈનીઝ વોલ” તોડીને ફાઇનલમાં જગ્યા બનાવી. FIDE વર્લ્ડ કપના નોકઆઉટ ટૂર્નામેન્ટના ફાઇનલ સુધી પહોંચવા માટે 38 વર્ષની કોનેરુ હંપી અને 19 વર્ષની દિવ્યા દેશમુખે ઘણા ચીની ખેલાડીઓને પરાજય આપ્યો.

મહિલાઓના વર્ગમાં ટોચના 100 ખેલાડીઓમાં ચીન સૌથી આગળ છે. ચીનના 14 પછી ભારતના 9 ખેલાડી ટોપ 100માં સામેલ છે. છતાં પણ FIDE વર્લ્ડ કપમાં હંપી અને દિવ્યાએ ચીનની શક્તિશાળી ખેલાડીઓને હરાવીને ભારતનું વર્ચસ્વ સાબિત કર્યું.

વિજેતાને મોટી ઈનામી રકમ

FIDE મહિલા વર્લ્ડ કપ 2025ના ફાઇનલમાં વિજયી બનનારી દિવ્યા દેશમુખને અંદાજે 42 લાખ રૂપિયાની ઈનામી રકમ મળશે, જ્યારે રનર-અપ બનનાર કોનેરુ હંપીને 35,000 અમેરિકી ડોલર એટલે કે આશરે 30 લાખ રૂપિયા મળશે. ઉપરાંત, આ બંને ખેલાડીઓ પ્રતિષ્ઠિત ‘કૅન્ડિડેટ્સ’ ટૂર્નામેન્ટ માટે ક્વોલિફાઈ થઈ ગઈ છે. ભારતમાં શતરંજનું માર્કેટ ઝડપથી વિકસી રહ્યું છે, તેથી હવે તેમને અગાઉ કરતા વધુ સ્પોન્સર્સ મળવાની શકયતા છે.

ફાઇનલ પહેલા ચીનના અનેક ખેલાડીઓનો શિકાર

વિશ્વ રેન્કિંગમાં 5માં નંબરે રહેલી કોનેરુ હંપી ઓલિમ્પિયાડ, એશિયાડ અને એશિયન ચેમ્પિયનશિપમાં ગોલ્ડ મેડલ જીતેલી ગ્રાન્ડમાસ્ટર છે. હંપીએ સેમિફાઇનલમાં ચીનની WR 3 લેઈ ટિંગજીને 5-3થી હરાવી. ટાઇબ્રેકમાં તેમણે રમત જીતી. ક્વાર્ટરફાઇનલમાં તેમણે ચીનની WR 36 સૉન્ગ યુક્સિનને હરાવી સેમિફાઇનલમાં જગ્યા બનાવી.

નાગપુરની 19 વર્ષની અને વિશ્વ રેન્કિંગમાં 18માં સ્થાને રહેલી ઈન્ટરનેશનલ માસ્ટર (IM) દિવ્યા દેશમુખે સેમિફાઇનલમાં ચીનની WR 8 તાન ઝોંગયીને 1.5-0.5થી હરાવી. તે પહેલાં ક્વાર્ટરફાઇનલમાં તેણીએ ભારતની WR 12 ગ્રાન્ડમાસ્ટર હરિકા દ્રોણાવલ્લીને ટાઇબ્રેકમાં હરાવી આગળ વધી. પ્રી-ક્વાર્ટરફાઇનલમાં દિવ્યાએ ચીનની WR 6 ઝૂ જિનેરને 2.5-1.5થી હરાવી હતી.