T20: ક્રિકેટનું નવું સ્વરૂપ ટેસ્ટ અને T20ના સંયોજનથી ‘ફોર્થ ફોર્મેટ’ ટૂર્નામેન્ટનો પ્રસ્તાવ

T20 ટેસ્ટ અને ટી20 ક્રિકેટમાં એક નવું અને અનોખું ફોર્મેટ લાવવામાં આવનાર છે, જેમાં 80 ઓવરની મેચો રમાવવામાં આવશે. આ નવી ટુર્નામેન્ટ આવતા વર્ષથી શરૂ થવાની છે અને તેમાં કુલ 6 ટીમો ભાગ લેશે. આ પહેલUnder-19 ખેલાડીઓ માટે ખાસ બનાવવામાં આવી છે, જેથી યુવા પ્રતિભાઓને આંતરરાષ્ટ્રીય સ્તર પર પ્રતિબદ્ધ થવાની તક મળી શકે.

આ નવું ફોર્મેટ ટેસ્ટ અને ટી20 બંને પ્રકારના ક્રિકેટને જોડશે અને તેને ‘ફોર્થ ફોર્મેટ’ તરીકે ઓળખવામાં આવી રહ્યું છે. તેમાં દરેક ટીમ 20 ઓવરના બે ઇનિંગ્સ રમશે, એટલે કુલ 40 ઓવરની બેટિંગ પ્રતિ ટીમ. પહેલાના ઇનિંગના સ્કોરને બીજા ઇનિંગમાં ઉમેરવામાં આવશે, જે ટેસ્ટ ફોર્મેટ જેવી સ્થિતિ પેદા કરશે. જોકે, આ મેચો એક જ દિવસે પૂર્ણ થવાના છે, તેથી તે T20 જેવી ઝડપી અને રોમાંચક રહેશે. આ નવું ફોર્મેટ મેચના પરિણામ તરીકે જીત, હાર, ટાઈ કે ડ્રો પણ આપી શકે છે, જે ટેસ્ટી મેચમાં અસ્પષ્ટ પરિણામ માટે ઓળખાય છે.

ટુર્નામેન્ટમાં 13 થી 19 વર્ષની ઉંમરના યુવા ખેલાડીઓ માટે તક આપવામાં આવશે. આ લીગનું મુખ્ય હેતુ નવા યુવા ખેલાડીઓમાં ટેલેન્ટ શોધવાનું છે અને તેમને ઊંચા સ્તર પર રમવા માટે પ્રેરિત કરવાનું છે. આ રીતે, આ ફોર્મેટ યુવા ક્રિકેટરને વધુ તક આપશે અને ભવિષ્યમાં ભારત અને વિશ્વ માટે પ્રતિભાશાળી ખેલાડીઓ તૈયાર કરશે.

Proud to have launched Test Twenty®️ with @gauravbahirvani . If you’re 13–19 and play with passion, this is your chance. Register: https://t.co/zNFYTDL6lV@The_Test_Twenty @HaydosTweets #clivelloyd @harbhajan_singh #ParitySports #oneonesixnetwork#TestTwenty #FourthFormat pic.twitter.com/FNDYvM6tJf

— AB de Villiers (@ABdeVilliers17) October 16, 2025

આ ટુર્નામેન્ટમાં 6 ફ્રેન્ચાઇઝી ટીમો ભાગ લેશે, પણ હજુ સુધી ટુર્નામેન્ટનું શેડ્યૂલ અને સ્થળ જાહેર કરાયું નથી. આ નવી લીગ વિશ્વભરના યુવા ખેલાડીઓ માટે એક મહત્ત્વની પ્લેટફોર્મ બની રહેશે.

આ લીગમાં કેટલાક દિગ્ગજ ખેલાડીઓ પણ સલાહકાર તરીકે જોડાયા છે. દક્ષિણ આફ્રિકાના એબી ડી વિલિયર્સ, ભૂતપૂર્વ ભારતીય સ્પિનર હરભજન સિંહ અને વેસ્ટ ઇન્ડીઝના મહાન બેટ્સમેન ક્લાઇવ લોયડને સલાહકાર બોર્ડમાં સ્થાન મળ્યું છે. તેમની અનુભવી સલાહ યુવા ખેલાડીઓ માટે ખૂબ જ લાભદાયક રહેશે.

આ નવી લીગ ક્રિકેટમાં નવા યુગનું પ્રારંભ થશે, જ્યાં ટેસ્ટની મજબૂતી અને ટી20ની ઝડપ બંને એક સાથે જોવા મળશે. આ પગલું યુવા ખેલાડીઓ માટે એક મોટી તક છે, જે તેમને આંતરરાષ્ટ્રીય સ્પર્ધા માટે તૈયાર કરશે અને ક્રિકેટના ફોર્મેટમાં નવો મિશ્રણ લાવશે.

આ 80 ઓવરની ટુર્નામેન્ટથી ક્રિકેટના દર્શકોને પણ વધુ રોમાંચક અને દ્રષ્ટિગોચર રમતો જોવાનું મળશે. ક્રિકેટની દુનિયામાં આ નવા ફોર્મેટની રજૂઆતથી આગામી સમયમાં યુવા પ્રતિભાઓનો ઉછાળો જોવા મળશે એવી અપેક્ષા રાખી શકાય છે.

IND vs AUS: ODI શુભમન ગિલ પાસે વિરાટ કોહલી જેવી ઐતિહાસિક સિદ્ધિ ફરી હાંસલ કરવાની તક

IND vs AUS ભારત અને ઓસ્ટ્રેલિયા વચ્ચેની આગામી ODI શ્રેણી માટે યુવા ઓપનર શુભમન ગિલને કેપ્ટન તરીકે પસંદ કરાયો છે. ODI ફોર્મેટમાં આ તેમનું પ્રથમ નેતૃત્વ હશે, અને આવી સ્થિતિમાં ગિલ પાસે એક ઐતિહાસિક સિદ્ધિની બરાબરી કરવાનો મોકો છે જે અત્યાર સુધી માત્ર વિરાટ કોહલી જ હાંસલ કરી શક્યા છે.

કોહલી જે હાંસલ કર્યું, તે હવે ગિલની સામે પડકાર

ભારતીય ક્રિકેટના ઇતિહાસમાં આજે સુધી માત્ર એક જ કેપ્ટન એ ઓસ્ટ્રેલિયાની ધરતી પર ODI શ્રેણી જીતવાની સિદ્ધિ હાંસલ કરી છે અને તે છે વિરાટ કોહલી. 2019માં કોહલીની કેપ્ટનશિપ હેઠળ ભારતે ત્રણ મેચની શ્રેણી 2-1થી જીતી હતી. એ શ્રેણીની પ્રથમ મેચ ઓસ્ટ્રેલિયાએ જીતી હતી, પરંતુ ત્યારબાદ ભારતીય ટીમે ત્રણેય ડિપાર્ટમેન્ટમાં શાનદાર દેખાવ સાથે બે મેચ જીતીને શ્રેણી પોતાના નામે કરી હતી.

ODI કેપ્ટન તરીકે ગિલનો પહેલો પડકાર

શુભમન ગિલ અગાઉ T20 અને ટેસ્ટ ફોર્મેટમાં ક્યારેક કાયમી તો ક્યારેક અસ્થાયી કેપ્ટન તરીકે ટીમનું નેતૃત્વ કરી ચૂક્યા છે. હવે ODI ફોર્મેટમાં પણ તેમને સુકાન મળ્યું છે. જો તેઓ આ શ્રેણી જીતી લે છે, તો તે કોહલીના રેકોર્ડની બરાબરી કરવાની સાથે ODI કેપ્ટન તરીકે એક ભવિષ્યદ્રષ્ટિ લીડર તરીકે સ્થાપિત થવાની દિશામાં પહેલ હશે.

ઓસ્ટ્રેલિયાની ધરતી પર ભારતનો રેકોર્ડ

ભારત અને ઓસ્ટ્રેલિયા વચ્ચે ODI શ્રેણીનો ઈતિહાસ નોંધનીય રહ્યો છે. 1980થી શરૂ થયેલી આ સ્પર્ધામાં ઓસ્ટ્રેલિયાની ધરતી પર ભારતનો રેકોર્ડ ખાસ્સો મજબૂત રહ્યો નથી. અત્યાર સુધી ભારત માત્ર એક જ વાર ઓસ્ટ્રેલિયામાં ODI શ્રેણી જીત્યું છે 2019માં. આવું બનવાનું મોટું કારણ ઓસ્ટ્રેલિયાની ઝડપી પિચો અને માહેર હોમ ટીમ રહી છે.

ગિલ માટે તક પણ છે અને ચિંતાઓ પણ

આ ODI શ્રેણીમાં ગિલને ટીમના યુવા ખેલાડીઓને સાથે લઈને ઓસ્ટ્રેલિયાની મજબૂત ટીમ સામે રણનીતિ ઘડીને ઉતરવું પડશે. જો તેઓ શ્રેણી જીતી જાય છે, તો માત્ર જીત નહીં પણ ભારતના ભાવિ કેપ્ટન તરીકે તેમનું સ્થાન પણ વધુ મજબૂત થશે.

આ રીતે, શુભમન ગિલ માટે આ શ્રેણી માત્ર એક લીડરશીપની શરૂઆત નહીં, પણ પોતાના ક્રિકિટિંગ કેરિયર માટે એક ટર્નિંગ પોઈન્ટ સાબિત થઈ શકે છે.

Gavin Larson: ન્યુઝીલેન્ડ ક્રિકેટનો મોટો નિર્ણય પૂર્વ ઓલરાઉન્ડર ગેવિન લાર્સન ફરી પસંદગી મેનેજર બન્યા

Gavin Larson ન્યૂઝીલેન્ડ ક્રિકેટ બોર્ડે પોતાના ભૂતપૂર્વ ખેલાડી ગેવિન લાર્સનને મહત્વપૂર્ણ જવાબદારી સોંપી છે. લાર્સનને ફરીથી ન્યૂઝીલેન્ડ ટીમના પસંદગી મેનેજર તરીકે નિમવામાં આવ્યા છે. તેમણે સેમ વેલ્સનું સ્થાન લીધું છે અને હવે તેઓ ન્યૂઝીલેન્ડની સિનિયર ટીમ, ન્યૂઝીલેન્ડ એ અને ન્યૂઝીલેન્ડ XI સહિત તમામ મહત્વની ટીમોની પસંદગી માટે જવાબદાર રહેશે. લાર્સનનો cricketing અનુભવ અને અનુભવી દૃષ્ટિકોણ ટીમની રચનામાં મોટું યોગદાન આપી શકે છે.

પસંદગીમાં પાછા ફર્યા લાર્સન

ગેવિન લાર્સન અગાઉ પણ આ ભૂમિકા નિભાવી ચૂક્યા છે. તેમણે 2015 થી 2023 સુધી ન્યૂઝીલેન્ડના મુખ્ય પસંદગીકાર તરીકે કાર્ય કર્યું હતું. હવે બીજીવાર આ જવાબદારી મળતાં તેમણે ખુશી વ્યક્ત કરતાં કહ્યું:

“ન્યૂઝીલેન્ડ ટીમ સાથે ફરી જોડાવું એ મારા માટે ગૌરવની વાત છે. હું દેશ માટે Cricket માટે ઉત્સાહી છું અને આ ભૂમિકામાંથી ફરી એકવાર યોગદાન આપી શકીશ એ હું લકી માનું છું.”

Welcome back, Gav!

Gavin Larsen has been appointed BLACKCAPS selection manager, filling the role left by the departing Sam Wells.https://t.co/s1aE5MT1vJ

— BLACKCAPS (@BLACKCAPS) October 16, 2025

લાર્સનનો પુર્વ અનુભવ તેમને આ ભૂમિકા માટે યોગ્ય પસંદગી બનાવે છે. તેઓ ક્રિકેટ ઓપરેશન્સ મેનેજર તરીકે 2015ના વર્લ્ડ કપ દરમિયાન પણ જવાબદાર રહ્યા હતા. સાથે સાથે તેઓ વેલિંગ્ટન cricket એસોસિએશનના CEO પણ રહી ચૂક્યા છે.

રમતગમતના મેદાનમાં પણ ઉમદા કારકિર્દી

ખેલાડી તરીકે લાર્સને ન્યૂઝીલેન્ડ માટે 121 વનડે મેચ રમ્યા છે, જેમાં તેમણે 113 વિકેટ ઝડપી હતી અને 629 રન બનાવ્યા હતા. તેઓ મુખ્યત્વે એક મજબૂત મિડીયમ પેસ બોલર હતા, જેમણે અનેક વખત ટીમને મુશ્કેલ સ્થિતિમા જીત અપાવી છે. ટેસ્ટ ક્રિકેટમાં પણ લાર્સને 8 મેચમાં 24 વિકેટ હાંસલ કરી હતી. તેમણે 1990થી 1999 સુધી આંતરરાષ્ટ્રીય ક્રિકેટ રમ્યું હતું.

ન્યૂઝીલેન્ડ માટે આ ઉંચકાવાળો નિર્ણય

લાર્સનની નિમણૂંક અંગે ન્યૂઝીલેન્ડના હાઈ-પરફોર્મન્સ કોચ ડેરિલ ગિબ્સને જણાવ્યું હતું કે, “ગેવિન લાર્સન અને મુખ્ય કોચ રોબ વોલ્ટર્સ વચ્ચે મજવોલ્ટર્સ સાથે લાર્સનની કામકાજની મજબૂત સમજણ અને સહયોગ છે.જે ટીમના વિકાસ માટે મહત્વપૂર્ણ છે.” લાર્સનને ટીમ બિલ્ડિંગ, ટેલેન્ટ ઓળખ અને સ્ટ્રેટેજિક પસંદગીઓમાં પારંગત ગણવામાં આવે છે.

આ નિર્ણયથી સ્પષ્ટ છે કે ન્યૂઝીલેન્ડ ક્રિકેટ બોર્ડ આગામી સિઝન અને ટુર્નામેન્ટ્સ માટે ટીમની પસંદગીમાં અનુભવ અને દૃઢ દ્રષ્ટિ લાવવાનો પ્રયાસ કરી રહ્યો છે. લાર્સનની વાપસી સાથે, ન્યૂઝીલેન્ડ ટીમ વધુ મજબૂત અને સંતુલિત બની શકે છે.