Virender Sehwag: આર્યવીર સેહવાગના મેચવિનિંગ 99 રનની મદદથી દિલ્હીએ બિહારને હરાવ્યું.

આંતરરાષ્ટ્રીય ક્રિકેટમાં પિતા-પુત્રની સફળ જોડી ભાગ્યે જ જોવા મળે છે, અને તેમની સમાન રમત શૈલી માટે પણ ઓછા લોકો જાણીતા છે. વીરેન્દ્ર સેહવાગ અને તેમના પુત્ર, આર્યવીર સેહવાગ, એક અપવાદ છે. દિલ્હી અને બિહાર વચ્ચે કૂચ બિહાર ટ્રોફી મેચમાં, આર્યવીરએ આક્રમક ઇનિંગ રમી, મહત્વપૂર્ણ 72 રન બનાવ્યા, જેનાથી ટીમની જીતનો પાયો નાખ્યો.

પ્રથમ બેટિંગ કરતા, આર્યવીરએ દિલ્હી માટે 120 બોલમાં 72 રન બનાવ્યા, જેમાં 14 ચોગ્ગાનો સમાવેશ થાય છે. ત્યારબાદ કેપ્ટન પ્રણવ પંતે 141 બોલમાં 89 રન બનાવીને ટીમને મજબૂત સ્થિતિમાં પહોંચાડી. આ જોડીએ પ્રથમ ઇનિંગમાં 147 રનની મહત્વપૂર્ણ ભાગીદારી કરી.

દિલ્હીએ તેમની પ્રથમ ઇનિંગમાં 278 રન બનાવ્યા. જવાબમાં, ટીમના બોલરોએ શાનદાર પ્રદર્શન કર્યું, બિહારને 125 રનમાં ઓલઆઉટ કરી દીધું. પ્રથમ ઇનિંગમાં 153 રનની લીડ લીધા પછી, દિલ્હીએ ફોલો-ઓન લાગુ કર્યું. ઘરેલુ ક્રિકેટમાં, કોઈ ટીમને ફક્ત ત્યારે જ ફોલોઓન કરવાની ફરજ પાડી શકાય છે જો તેની પાસે વિરોધી ટીમ પર 150 થી વધુ રનની લીડ હોય, જ્યારે આંતરરાષ્ટ્રીય ક્રિકેટમાં આ મર્યાદા 200 રન છે.

બિહારે બીજી ઇનિંગમાં 205 રન બનાવ્યા. આનાથી દિલ્હીને મેચ જીતવા માટે 53 રનનો લક્ષ્યાંક મળ્યો, જે ટીમે ફક્ત બે વિકેટ ગુમાવીને સરળતાથી પ્રાપ્ત કરી લીધો. આર્યવીર પણ બીજી ઇનિંગમાં 27 રન બનાવીને અણનમ રહ્યો, કુલ 99 રન ઉમેર્યા.

Jaiswal: દક્ષિણ આફ્રિકા સામે ફરી નિષ્ફળ યશસ્વી જયસ્વાલ, ટીમ ઈન્ડિયાની હારમાં મોટો ફેક્ટર

Jaiswal ભારત અને દક્ષિણ આફ્રિકા વચ્ચે ચાલી રહેલી ટેસ્ટ શ્રેણીની પહેલી મેચમાં ટીમ ઈન્ડિયાને ભારે હારનો સામનો કરવો પડ્યો. શુભમન ગિલની કેપ્ટનશીપ હેઠળ ભારતીય ટીમનું પ્રદર્શન નિરાશાજનક રહ્યું. તમામ ખેલાડીઓ અપેક્ષા પ્રમાણે રમી શક્યા નહીં, તેમ છતાં સૌથી વધુ ધ્યાન જે ખેલાડીને લઈને હતું તે યશસ્વી જયસ્વાલ તે પણ આ વખત સંપૂર્ણપણે ફ્લોપ રહ્યો.

પ્રથમ ઇનિંગમાં નિષ્ફળ પ્રદર્શન

કોલકાતામાં રમાયેલી પહેલી ટેસ્ટમાં દક્ષિણ આફ્રિકાએ પ્રથમ બેટિંગ કરતા ફક્ત 159 રનનો સ્કોર કર્યો હતો. ભારત માટે આ એક સોનેરી તક હતી કે તેઓ મજબૂત શરૂઆત સાથે વિશાળ લીડ મેળવી શકે. પરંતુ ટીમ ઈન્ડિયાના ઓપનર યશસ્વી જયસ્વાલએ પાંચમી જ ઓવરમાં નિરાશ કરી.
તે માત્ર 12 રન બનાવીને આઉટ થયો અને ભારતીય ટીમનો સ્કોર ત્યારે ફક્ત 18 હતો. ભારતે પ્રથમ ઇનિંગમાં 189 રન બનાવીને 30 રનની નાની લીડ મેળવી, પરંતુ સારી ઓપનિંગ નહીં મળવાને કારણે આ લીડ મોટો ફેરફાર કરી શકી ન હતી.

બીજી ઇનિંગમાં વધુ ખરાબ સ્થિતિ ડક પર આઉટ

દક્ષિણ આફ્રિકાની બીજી ઇનિંગ પણ વધારે મોટી ન રહી અને ટીમ 153 રનમાં સીમિત થઈ. ભારતને જીતવા માટે નાનું લક્ષ્ય મળ્યું. આ સંજોગોમાં યશસ્વી પાસેથી સારી શરૂઆતની અપેક્ષા હતી, પણ તે ચાર બોલ જ રમીને શૂન્ય પર આઉટ થઈ ગયો.
આ પછી ભારતીય બેટિંગ લાઇન-અપ ધ્રૂસણ થઈ ગઈ અને આખી ટીમ ફક્ત 93 રન જ બનાવી શકી. પરિણામે ટીમ ઈન્ડિયાને પહેલી ટેસ્ટમાં શરમજનક હાર ભોગવવી પડી.

દક્ષિણ આફ્રિકા સામે જયસ્વાલનાં ચિંતાજનક આંકડા

યશસ્વી જયસ્વાલ છેલ્લા વર્ષોમાં ટેસ્ટ ક્રિકેટમાં દબદબો જમાવી રહ્યો છે. તેણે બેવડી અને ત્રેવડી સદી ફટકારીને પોતાનું નામ ઉભું કર્યું છે. છતાં, દક્ષિણ આફ્રિકા સામે તેની કમજોરી સતત જોવા મળી છે.

• દક્ષિણ આફ્રિકા સામે અત્યાર સુધી 6 ટેસ્ટ ઇનિંગ્સ
• કુલ રન: 62
• સરેરાશ: 10.3
• બે વખત શૂન્ય પર આઉટ
• સૌથી મોટો સ્કોર: 28

આ આંકડા સ્પષ્ટ કરે છે કે જયસ્વાલ દક્ષિણ આફ્રિકાની બોલિંગ સામે પોતાનું સ્વાભાવિક રમત દેખાડી શકતો નથી. ઝડપી પેસ અને બાઉન્સ સામે તે દબાણમાં આવી જાય છે, જે તેની આઉટ થવાની રીતોમાં પણ જોવા મળે છે.

આગામી મેચમાં દબાણ વધશે

હવે શ્રેણીની બીજી મેચ ગુવાહાટીમાં રમાશે. આ મેચમાં યશસ્વી પર વધારે દબાણ રહેશે, કારણ કે ટીમ મેનેજમેન્ટ અને ચાહકો બંને તેને ફરી ફોર્મમાં જોવા ઈચ્છે છે. જો તે આગામી મેચમાં રન નહીં કરી શકે, તો ટીમ ઈન્ડિયા માટે યોગ્ય ઓપનિંગ વિકલ્પ પર ફરીથી વિચારવું પડી શકે.

ભારત માટે શ્રેણીમાં વાપસી કરવા ઓપનિંગ જોડીનું સારું પ્રદર્શન અત્યંત જરૂરી છે, અને તેમાં યશસ્વી જયસ્વાલની ભૂમિકા અનિવાર્ય રહેશે.

Sri Lanka: ત્રિકોણીય શ્રેણી પહેલાં મોટો ઝટકો! શ્રીલંકન કેપ્ટન અસલંકા અને ફાસ્ટ બોલર ફર્નાન્ડો પાકિસ્તાન પ્રવાસ અધવચ્ચે છોડીને પરત ફર્યા

Sri Lanka પાકિસ્તાન પ્રવાસ દરમ્યાન શ્રીલંકન ટીમને T20I ત્રિકોણીય શ્રેણી પહેલા જ મોટો ઝટકો લાગ્યો છે. ત્રણ મેચની ODI શ્રેણીમાં 0-3થી ક્લીન સ્વીપ થવાથી પહેલેથી જ દબાણમાં આવેલી ટીમને હવે બે મુખ્ય ખેલાડીઓની ગેરહાજરીનો સામનો કરવો પડશે. શ્રીલંકન ટીમના કેપ્ટન ચરિથ અસલંકા અને સ્ટાર ફાસ્ટ બોલર અસિત ફર્નાન્ડોએ સ્વાસ્થ્ય બગડવાના કારણે પાકિસ્તાન પ્રવાસ અધવચ્‍છે છોડવાનો નિર્ણય કર્યો છે.

ટીમ મેનેજમેન્ટ અનુસાર, બંને ખેલાડીઓ છેલ્લા કેટલાક દિવસોથી અસ્વસ્થ અનુભવતા હતા. આવનારી આંતરરાષ્ટ્રીય T20 ત્રિકોણીય શ્રેણી પહેલાં ખેલાડીઓને યોગ્ય સારવાર મળે અને પૂરતો આરામ મળે તે માટે સાવચેતીના ભાગરૂપે તેઓને તાત્કાલિક શ્રીલંકા પરત મોકલવામાં આવ્યા છે. પરિણામે, તેઓ હવે પાકિસ્તાન, શ્રીલંકા અને ઝિમ્બાબ્વે વચ્ચે યોજાનારી T20I ત્રિ-રાષ્ટ્રીય શ્રેણીમાં ભાગ લેવાના નથી.

દાસુન શનાકા થશે નવી કમાન

અસલંકાની ગેરહાજરીમાં અનુભવી ઓલરાઉન્ડર દાસુન શનાકાને શ્રીલંકન T20 ટીમનો કેપ્ટન બનાવવામાં આવ્યો છે. શનાકાનું નેતૃત્વ અગાઉ સફળ રહ્યું છે અને વર્તમાન પરિસ્થિતિમાં તેમનો અનુભવ ટીમ માટે મહત્વપૂર્ણ સાબિત થઈ શકે છે.

અસલંકા અને ફર્નાન્ડોની જગ્યાએ પવન રત્નાયકેને સ્કવોડમાં સામેલ કરવામાં આવ્યો છે, જે ટીમને વધારાનું બેકઅપ અને બોલિંગ ડેથ ઓવર્સમાં વિકલ્પ પૂરો પાડશે. બે સારા ફોર્મમાં ચાલી રહેલા ખેલાડીઓની ગેરહાજરી ચોક્કસપણે ટીમને અસર કરશે, પરંતુ નવા સંયોજન સાથે શ્રીલંકા શ્રેષ્ઠ પ્રયાસ કરશે.

ત્રિકોણીય શ્રેણીનું શેડ્યૂલ જાહેર

ત્રણ ટીમો  પાકિસ્તાન, શ્રીલંકા અને ઝિમ્બાબ્વે વચ્ચેની આ ત્રિકોણીય T20 શ્રેણી 18 નવેમ્બરથી 29 નવેમ્બર સુધી રમાશે. મેચો પાકિસ્તાનના રાવલપિંડી અને લાહોરમાં યોજાશે.

શેડ્યૂલ:

• 18 નવેમ્બર: પાકિસ્તાન vs ઝિમ્બાબ્વે – રાવલપિંડી
• 20 નવેમ્બર: શ્રીલંકા vs ઝિમ્બાબ્વે – રાવલપિંડી
• 22 નવેમ્બર: પાકિસ્તાન vs શ્રીલંકા – લાહોર
• 23 નવેમ્બર: પાકિસ્તાન vs ઝિમ્બાબ્વે – રાવલપિંડી
• 25 નવેમ્બર: શ્રીલંકા vs ઝિમ્બાબ્વે – રાવલપિંડી
• 27 નવેમ્બર: પાકિસ્તાન vs શ્રીલંકા – રાવલપિંડી
• 29 નવેમ્બર: ફાઇનલ – રાવલપિંડી

શ્રીલંકાની અપડેટેડ T20I ટીમ

દાસુન શનાકા (કેપ્ટન), પથુમ નિસાન્કા, કુસલ મેન્ડિસ, કુસલ પરેરા, કામિલ મિશ્રા, કામિન્દુ મેન્ડિસ, ભાનુકા રાજપક્ષે, જેનિથ લિયાનાગે, વાનિન્દુ હસંરાંગા, મહેશ થીકશાન, દુષ્માન ચમિરા, નુવાન તુષારા, ઈશાન મલિંગા અને પવન રત્નાયકે.