Jasprit Bumrah નો ફોટો એક ફોટો સામે આવ્યો

Jasprit Bumrah : જસપ્રીત બુમરાહ માન્ચેસ્ટર ટેસ્ટમાં રમશે તે લગભગ નક્કી છે. તે આ મેચની જોરદાર તૈયારીઓમાં પણ વ્યસ્ત છે. બાય ધ વે, આ મેચ પહેલા, તેમનો એક ફોટો સામે આવ્યો છે જેમાં તેઓ એક ખાસ વ્યક્તિને નમન કરીને સલામ કરી રહ્યા છે

Jasprit Bumrah : જસપ્રીત બુમરાહ મેનચેસ્ટર ટેસ્ટની તૈયારીમાં વ્યસ્ત છે અને આવી વચ્ચે તેમની એક એવી તસ્વીર સામે આવી છે જે ખૂબ જ રસપ્રદ છે.
આ તસ્વીરમાં જસપ્રીત બુમરાહ એક વ્યક્તિ સામે હાથ જોડીને, ઝુકીને તેમને નમન કરતા જોવા મળે છે. બુમરાહ મેનચેસ્ટરના મેદાનમાં જાહેરમાં આ રીતે શ્રદ્ધા વ્યક્ત કરતાં દેખાઈ રહ્યા છે. હવે પ્રશ્ન એ છે કે બુમરાહે આવું કેમ કર્યું? તેઓ શાને એટલો માન આપી રહ્યા છે?

અહિ તમને જણાવી દઈએ કે આ વ્યક્તિ એજ છે જે ભારતની ક્રિકેટ ટીમના ખેલાડીઓના જૂતાં સાફ કરીને હીરો બન્યો હતો.

આ એજ વ્યક્તિ છે જેને એકવાર પોલીસએ ટીમ ઈન્ડિયાની બસમાં ઘુસતા રોકી દીધો હતો. ચાલો, જાણીએ કોણ છે આ ખાસ વ્યક્તિ?

બુમરાહે રઘુને કર્યું નમન

જસપ્રીત બુમરાહે કોઈ બીજાને નહીં, પરંતુ ટીમ ઈન્ડિયા ના થ્રો ડાઉન સ્પેશિયાલિસ્ટ રઘુને નમન કર્યું. મેનચેસ્ટરમાં સોમવારે યોજાયેલા પ્રેક્ટિસ સેશન દરમિયાન બુમરાહના ફોટા સામે આવ્યા જેમાં તેઓ રઘુને જોઈને તરત જ તેમના સામે ઝૂકી ગયા અને બંને હાથ જોડીને નમન કર્યું.

બુમરાહે આવું કેમ કર્યું એની સ્પષ્ટ માહિતી મળી નથી, પણ એટલું ચોક્કસ છે કે રઘુને ટીમ ઈન્ડિયામાં ઘણું માન અને સન્માન મળે છે. રઘુ ભારતીય બેટ્સમેનને ઝડપી બોલરો સામે રમવા માટે તૈયારી કરાવે છે અને તેઓ 160 કિમી પ્રતિ કલાકથી વધુ ઝડપે થ્રો ડાઉન કરે છે.

જૂતાં સાફ કરીને ચર્ચામાં આવ્યા હતા રઘુ

રઘુનું સાચું નામ રાઘવેન્દ્ર સિંહ છે અને તેઓ વર્ષ 2022 ના ટી20 વર્લ્ડ કપ દરમિયાન ભારે ચર્ચામાં આવ્યા હતા. વાસ્તવમાં બાંગ્લાદેશ સામે એડિલેડમાં મેચ ચાલી રહી હતી અને એ દરમિયાન વરસાદ શરૂ થયો હતો. જેના કારણે ભારતીય ખેલાડીઓના જૂતાં ભીના થઇ ગયા અને લપસી જવાનું જોખમ વધી ગયું.

આવા સમયે રઘુ દરેક ખેલાડી પાસે જઈને બ્રશથી તેમના જૂતાં સાફ કરતા જોવા મળ્યા. અંતે ભારત એ મેચ પણ જીતી ગયું. રઘુની આ તસવીર ખૂબ વાયરલ થઈ હતી અને ફેન્સ તરફથી તેમને ભારે પ્રશંસા મળી હતી.

રઘુ આ વર્ષે ફેબ્રુઆરીમાં ફરી ચર્ચામાં આવ્યા હતા. વાત એ હતી કે ઇંગ્લેન્ડ સામેની ટી20 સિરીઝ દરમિયાન રાજકોટમાં પોલીસ દ્વારા રઘુને ટીમ ઇન્ડિયાની બસમાં ચઢવાથી રોકવામાં આવ્યા હતા, કારણ કે પોલીસને લાગ્યું કે તેઓ કોઈ બહારનો વ્યક્તિ છે. પરંતુ પછી જોવો કે તેઓ કોણ છે એ ખબર પડતાં જ તેમને છોડી દેવામાં આવ્યા.