Jemimah Rodrigues: વિવાદોમાં ફસાયેલી ભારતની સ્ટાર ક્રિકેટર, પિતા પર ધર્મ પરિવર્તનનો આરોપ.

ભારતની સ્ટાર મહિલા ક્રિકેટર Jemimah Rodrigues વિવાદમાં ફસાયેલી છે, જ્યાં મુંબઈની પ્રખ્યાત ખાર જિમખાના ક્લબ દ્વારા તેના પિતા પર ગંભીર આરોપ લગાવવામાં આવ્યા છે.

ભારતની સ્ટાર મહિલા ક્રિકેટર જેમિમાહ રોડ્રિગ્સ વિવાદમાં ફસાઈ છે, જ્યાં મુંબઈની પ્રખ્યાત ખાર જિમખાના ક્લબ દ્વારા તેના પિતા ઈવાન રોડ્રિગ્સ પર ગંભીર આરોપો લગાવવામાં આવ્યા છે. ક્લબે દાવો કર્યો છે કે ભારતીય ક્રિકેટરના પિતા ધાર્મિક પ્રવૃત્તિઓ કરવા માટે ક્લબના પરિસરનો ઉપયોગ કરતા હતા. હવે જેમિમાને તેના પિતા પરના આરોપોનો ભોગ બનવું પડશે, જ્યાં ક્લબે તેની સભ્યપદ રદ કરી દીધી છે.

ક્લબના પ્રમુખ વિવેક દેવનાનીએ જણાવ્યું કે જેમિમાનું ત્રણ વર્ષનું માનદ સભ્યપદ રદ કરવામાં આવ્યું છે. ‘ધ ઈન્ડિયન એક્સપ્રેસ’ના અહેવાલ મુજબ, જેમિમાના પિતાની તાજેતરની પ્રવૃત્તિઓ પર સભ્યોએ વાંધો ઉઠાવ્યા બાદ ક્લબના અધિકારીઓને કડક પગલાં લેવાની ફરજ પડી હતી.

Khar Gymkhana President has denied the allegations against Jemimah Rodrigues' father. (TOI).

– He says his rivals indulge in politics ahead of the club's upcoming elections. No evidence has been offered for any alleged wrongdoing. pic.twitter.com/HT4VrTiVpV

— Mufaddal Vohra (@mufaddal_vohra) October 22, 2024

રિપોર્ટમાં કહેવામાં આવ્યું છે કે ઈવાન ક્લબ પરિસરનો ઉપયોગ ‘સંવેદનશીલ લોકોને છુપાવવા’ માટે ધાર્મિક કાર્યક્રમોનું આયોજન કરવા માટે કરતો હતો. રવિવારે એન્યુઅલ જનરલ બોડીની બેઠક બાદ જેમિમાનું સભ્યપદ રદ કરવામાં આવ્યું હતું. નોંધનીય છે કે જેમિમા 2023માં ખાર જિમખાનાની માનદ સભ્યપદ મેળવનારી પ્રથમ ભારતીય મહિલા ક્રિકેટર બની હતી.

જીમખાનાના અન્ય એક અધિકારીએ જણાવ્યું હતું કે જેમિમાના પિતાએ સંસ્થાના ભાગરૂપે 35 ઈવેન્ટ્સનું આયોજન કરવા માટે લગભગ દોઢ વર્ષ સુધી પરિસરનો ઉપયોગ કર્યો હતો. ખાર જિમખાના પ્રબંધન સમિતિના સભ્ય શિવ મલ્હોત્રાએ કહ્યું, ‘અમને જાણવા મળ્યું કે જેમિમાહ રોડ્રિગ્ઝના પિતા બ્રધર મેન્યુઅલ મિનિસ્ટ્રીઝ નામની સંસ્થા સાથે સંકળાયેલા હતા. તેઓએ લગભગ દોઢ વર્ષ માટે પરિસર બુક કરાવ્યું અને 35 કાર્યક્રમોનું આયોજન કર્યું. આપણે બધા જાણીએ છીએ કે ત્યાં શું થઈ રહ્યું હતું.

જેમિમાના કરિયરની વાત કરીએ તો અત્યાર સુધી તેણે ત્રણ ટેસ્ટ, 30 વનડે અને 104 ટી20 મેચમાં ભારતનું પ્રતિનિધિત્વ કર્યું છે. આમાં તેમના નામે અનુક્રમે 235, 710 અને 2142 રન છે. ભારતીય મહિલા ક્રિકેટ ટીમના અગ્રણી ચહેરાઓમાંથી એક જેમિમા આ મહિનાની શરૂઆતમાં UAEમાં રમાયેલા મહિલા T20 વર્લ્ડ કપમાં ટીમ ઈન્ડિયાનો ભાગ હતી.