World Cup: વર્લ્ડ કપ જીતનાર ભારતીય મહિલા ખેલાડીઓને રેલવેનો સલામ મળ્યું વિશેષ OSD પ્રમોશન

World Cup ભારતને મહિલા ODI વર્લ્ડ કપ 2025 જીતાડવામાં મહત્વપૂર્ણ ભૂમિકા ભજવનાર ત્રણ ભારતીય મહિલા ક્રિકેટરો – સ્નેહ રાણા, પ્રતિકા રાવલ અને રેણુકા સિંહ ઠાકુર  ને ભારતીય રેલવે મંત્રાલય દ્વારા વિશેષ સન્માન આપવામાં આવ્યું છે. રેલવેએ આ ત્રણેય ખેલાડીઓને ઓફિસર ઑન સ્પેશિયલ ડ્યુટી (OSD – Sports) તરીકે નિયુક્ત કર્યા છે, જે રેલવેની પ્રતિષ્ઠિત પોસ્ટ્સમાંની એક ગણાય છે. આ નિયુક્તિ આઉટ-ઓફ-ટર્ન પ્રમોશન (OTP) યોજના હેઠળ કરવામાં આવી છે.

મહિલા વર્લ્ડ કપ 2025ની ફાઇનલમાં ભારતે દક્ષિણ આફ્રિકાને 52 રનથી હરાવી ઇતિહાસ રહ્યો. પહેલી ઇનિંગમાં ભારતે 7 વિકેટના નુકસાન પર 298 રન બનાવ્યા હતા. દક્ષિણ આફ્રિકાની ટીમ 45.3 ઓવરમાં 246 રનમાં ઓલઆઉટ થઈ ગઈ અને આ સાથે ભારતે પ્રથમ વખત મહિલા ODI વર્લ્ડ કપનો ખિતાબ જીત્યો. સમગ્ર ટુર્નામેન્ટ દરમિયાન સ્નેહ રાણા, રેણુકા સિંહ અને પ્રતિકા રાવલનો પ્રદર્શન ટીમ ઇન્ડિયાનું આધાર સ્તંભ બન્યું.

રેલવે દ્વારા આપવામાં આવેલ આ પ્રમોશન માત્ર પદક્ષેપ નથી, પરંતુ આ ખેલાડીઓના સતત પરિશ્રમ, પ્રતિભા અને દેશને અપાવેલી ગૌરવાની સરાહના છે. OSD – Sports તરીકે તેમને હવે ગ્રુપ B ગેઝેટેડ ઓફિસર જેટલો જ પગાર, સુવિધાઓ અને વહીવટી અધિકાર મળશે. રેલવે સ્પોર્ટ્સ પ્રમોશન બોર્ડ (RSPB) દ્વારા આ પહેલ મહિલા ખેલાડીઓ માટે નાણાકીય સુરક્ષા વધારવા તથા રમત સાથે-સાથે મેનેજમેન્ટની જવાબદારીઓ સંભાળવાની તક આપવા માટે મહત્વપૂર્ણ પગલું માનવામાં આવે છે.

સ્નેહ રાણાએ તેના પ્રમોશન વિશે સોશિયલ મીડિયા પર ખુશી વ્યક્ત કરી. તેણે ટ્વીટ કરીને લખ્યું કે રેલવે મંત્રાલય દ્વારા કરવામાં આવેલી આ કદર તેની માટે અલગ જ પ્રેરણા સમાન છે. રેલવે એ એક એવી સંસ્થા છે જે રમતવીરોને હંમેશા પ્રોત્સાહિત કરે છે અને અમારા શ્રેષ્ઠ પ્રદર્શન માટે યોગ્ય વાતાવરણ પૂરું પાડે છે.ત્રણેય ખેલાડીઓને મળેલું આ સન્માન માત્ર તેમની વ્યક્તિગત કારકિર્દી માટે જ નહીં, પરંતુ ભારતીય મહિલા ક્રિકેટ માટે પણ એક મહત્વપૂર્ણ પગલું છે.

રેણુકા સિંહ ઠાકુરે પણ વર્લ્ડ કપમાં સતત શાનદાર બોલિંગ કરી હતી. નવી બોલ સાથે તેની લાઇન-લેન્થ અને સ્વિંગે પ્રતિસ્પર્ધી બેટર્સને ઘણી વખત મુશ્કેલીમાં મૂકી દીધા. બીજી તરફ, પ્રતિકા રાવલે શરૂઆતના મેચોમાં અસરકારક પ્રદર્શન કર્યું હતું, પરંતુ ઇજાને કારણે સેમિફાઇનલ પહેલાં ટુર્નામેન્ટમાંથી બહાર થવું પડ્યું.

ત્રણેય ખેલાડીઓને મળેલું આ સન્માન માત્ર તેમની વ્યક્તિગત કારકિર્દી માટે જ નહીં, પરંતુ ભારતીય મહિલા ક્રિકેટ માટે પણ એક મહત્વપૂર્ણ પગલું છે.પરંતુ ભારતીય મહિલા ક્રિકેટ માટે નવા માઇલસ્ટોન સમાન છે. આ પગલું અન્ય મહિલા ખેલાડીઓને પણ પ્રેરણા આપશે કે દેશ માટે મહેનત, શિસ્ત અને સમર્પણ હંમેશા માન્યતા મેળવે છે.

SMAT: 34 વર્ષીય ભારતીય બોલર જયદેવ ઉનડકટનો નવો રેકોર્ડ ટુર્નામેન્ટમાં સૌથી વધુ વિકેટ લેનાર બની ગયા

SMAT 2025 સૈયદ મુશ્તાક અલી ટ્રોફી (SMAT) 2025 દરમિયાન ભારતીય ક્રિકેટના અનુભવી બોલર જયદેવ ઉનડકટે એક ઐતિહાસિક સિદ્ધિ હાંસલ કરી છે. 34 વર્ષીય ઉનડકટે અમદાવાદમાં રમાયેલી સૌરાષ્ટ્ર vs દિલ્હી મેચ દરમિયાન માત્ર એક વિકેટ મેળવી, પરંતુ આ એક જ વિકેટે તેમને ટુર્નામેન્ટના ઇતિહાસમાં સૌથી વધુ વિકેટ લેનાર બોલર બનાવી દીધા.

121મી વિકેટ સાથે બનાવ્યો નવો રેકોર્ડ

આ મેચ પહેલાં ઉનડકટ અને સિદ્ધાર્થ કૌલ બંને SMATમાં 120-120 વિકેટ સાથે બરાબર હતા. પરંતુ દિલ્હીના કેપ્ટન નીતિશ રાણા (76)ની વિકેટ મેળવી, ઉનડકટે પોતાની 121મી વિકેટ મેળવી અને કૌલને પાછળ છોડી ટોચે પહોંચ્યા. નીતિશ રાણા ઉનડકટના ટી20 કારકિર્દીના 250મા શિકાર પણ બન્યા.

સૌથી વધુ વિકેટ લેનાર ટોચના 5 બોલર

1. જયદેવ ઉનડકટ – 121 (સૌરાષ્ટ્ર)
2. સિદ્ધાર્થ કૌલ – 120 (પંજાબ)
3. પીયુષ ચાવલા – 113 (ગુજરાત/યુપી)
4. લખ્મન મેરીવાલા – 108 (બરોડા)
5. ચમા મિલિંદ – 107 (હૈદરાબાદ)

જણાવી દઇએ કે ટોચની પાંચ યાદીમાં ઉનડકટ અને ચમા મિલિંદ એ જ બે સક્રિય ભારતીય બોલરો છે.

ઉનડકટ vs કૌલ પરફોર્મન્સ સરખામણી

• ઉનડકટ: 83 મેચ, 121 વિકેટ, ઇકોનોમી 6.79, સરેરાશ 17.81
• કૌલ: 87 મેચ, 120 વિકેટ, ઇકોનોમી 7.02, સરેરાશ 18.25

આ આંકડા દર્શાવે છે કે ઉનડકટે ઓછા મેચોમાં વધુ અસરકારક બૉલિંગ કર્યું છે.

🚨 Record Alert 🚨

With 121 wickets, Jaydev Unadkat surpasses Siddarth Kaul to become the highest wicket-taker in the history of Syed Mushtaq Ali Trophy 👏

Scorecard ▶️ https://t.co/5USgEr1sg0 @IDFCFIRSTBank| #SMAT pic.twitter.com/DTHevFPHwf

— BCCI Domestic (@BCCIdomestic) November 30, 2025

દિલ્હીની બેટિંગ 207 રનનો પડકાર

એલાઇટ ગ્રુપ Dની આ મેચમાં દિલ્હીએ પહેલા બેટિંગ કરીને 20 ઓવરમાં 4/207 રનનો મોટો સ્કોર ઉભો કર્યો.

• યશ ધુલ: 30 બોલમાં 47
• નીતિશ રાણા: 41 બોલમાં 76
• આયુષ બદોની: 25 બોલમાં 33
• અનુજ રાવત: 8 બોલમાં 17
• હિંમત સિંહ: 6 બોલમાં 18

દિલ્હીના ટોપ ઓર્ડરે હુમલાખોર શરૂઆત કરી અને ટીમને મજબૂત ટોટલ સુધી પહોંચાડી.

સૌરાષ્ટ્રનો ચેઝ સારી શરૂઆત છતાં નિષ્ફળતા

પછી પાર્શ્વરાજ રાણા-રુચિત આહીરે 39 રન અને આહીર-લક્કીરાજ વાઘેલાએ 41 રન ઉમેર્યા, છતાં ટીમ લક્ષ્યથી 10 રન ઓછા રહી. સૌરાષ્ટ્રએ 20 ઓવરમાં 6 વિકેટે 197 રન બનાવ્યા.

દિલ્હીની તરફથી સુયશ શર્માે શાનદાર બોલિંગ કરતા 4 ઓવરમાં માત્ર 20 રન આપીને 3 વિકેટ લીધી અને મેચના હીરો બન્યા. દિગ્વેશ રાઠીએ પણ 1 વિકેટ મેળવી.

Azlan Shah: સુલ્તાન અઝલાન શાહ કપ 2025 ફાઇનલમાં બેલ્જિયમ સામે 1-0થી હાર, ભારતનું સ્વપ્ન અધૂરું

Azlan Shah સુલ્તાન અઝલાન શાહ કપ 2025ની ફાઇનલમાં ભારતીય હોકી ટીમને નિરાશાનો સામનો કરવો પડ્યો, કારણ કે બેલ્જિયમે 1-0થી જીત મેળવીને પ્રથમ વખત આ પ્રતિષ્ઠિત ટાઇટલ પોતાના નામે કર્યું. મલેશિયાની રાજધાની કુઆલાલંપુરમાં 30 નવેમ્બરના રોજ રમાયેલી આ રોમાંચક ફાઇનલમાં બંને ટીમોએ મજબૂત રક્ષણાત્મક રમત બતાવી, પરંતુ મેચની 34મી મિનિટે થિબાઉટ સ્ટોકબ્રોક્સે કરેલા એકમાત્ર ગોલે પરિણામ નક્કી કર્યું. ભારતને આ ગોલના કારણે સિલ્વર મેડલથી સંતોષ માનવો પડ્યો. ખાસ વાત એ છે કે બેલ્જિયમ માત્ર બીજી વખત આ ટુર્નામેન્ટમાં ઉતર્યું હતું અને પહેલી જ વખત ફાઇનલમાં પહોંચીને ટ્રોફી જીતી લીધી.

અનુભવી ખેલાડીઓના અભાવે પડ્યો પ્રભાવ

ભારતે ફાઇનલ પહેલાં 29 નવેમ્બરે કેનેડા સામે 14-3થી ધમાકેદાર જીત મેળવી હતી. પરંતુ ફાઇનલમાં ટીમ પોતાની તેજ ગતિ જાળવી રાખવામાં નિષ્ફળ રહી. ટીમે ત્રણ પેનલ્ટી કોર્નર મેળવ્યા હોવા છતાં, એક પણ કન્વર્ટ નહીં થઈ શક્યો. જુગરાજ સિંહ, અમિત રોહિદાસ અને સંજય સમગ્ર ટુર્નામેન્ટ દરમિયાન પેનલ્ટી કોર્નરમાં ઉત્તમ રહ્યા હતા, પરંતુ ફાઇનલમાં બેલ્જિયમની મજબૂત ડિફેન્સ લાઇનને તેઓ તોડી શક્યા નહીં.

આ પરાજયનું એક મોટું કારણ મનપ્રીત સિંહ અને હાર્દિક સિંહ જેવા અનુભવી ખેલાડીઓને આપવામાં આવેલ આરામ પણ ગણાય. તેમની ગેરહાજરીમાં યુવા ખેલાડીઓએ ભરપૂર કોશિશ કરી, પરંતુ દબાણની ક્ષણોમાં અનુભવનો અભાવ સ્પષ્ટ દેખાયો. ફાઇનલ જેવી મોટી મેચમાં સ્ટ્રેટેજિક નિર્ણય અને શાંતિપૂર્વક રમવાની જરૂર હોય છે, જેનો ફાયદો બેલ્જિયમે લીધો.

બેલ્જિયમની મજબૂત શરૂઆત અને ભારતનો રક્ષણાત્મક સંઘર્ષ

મેચની શરૂઆતથી જ બેલ્જિયમે બોલ પર વધુ કબજો રાખ્યો અને ભારતીય ડિફેન્સ પર સતત દબાણ બનાવ્યું. બેલ્જિયમને પહેલા જ ક્વાર્ટરમાં બે પેનલ્ટી કોર્નર મળ્યા, પરંતુ ભારતીય રક્ષણએ તેને સફળતાપૂર્વક રોકી દીધા. બીજી તરફ ભારતે હાફટાઇમ સુધી સરસ રક્ષણાત્મક રમત દેખાડી અને સ્કોર 0-0 જાળવ્યો.

A tough end to the journey at the Final of the 31st Sultan Azlan Shah Cup 2025, but what a spirited performance! 🔥

The effort, energy and heart were truly unmatched. 🇮🇳💪🏻#HockeyIndia #IndiaKaGame pic.twitter.com/Kf2ql9OhGp

— Hockey India (@TheHockeyIndia) November 30, 2025

બીજા હાફમાં બેલ્જિયમનું આક્રમણ વધુ ખતરનાક બન્યું.મિડફિલ્ડ પર બેલ્જિયમના મજબૂત નિયંત્રણને કારણે ભારત અસરકારક કાઉન્ટર-અટેક બનાવવામાં નિષ્ફળ રહ્યું.ત્રીજા ક્વાર્ટરની શરૂઆતમાં જ 34મી મિનિટે બેલ્જિયમના સ્ટોકબ્રોક્સે ગોલ કરીને ભારતને પાછળ ધકેલી દીધું.

ભારતના અંતિમ પ્રયાસો નિષ્ફળ

અંતિમ ક્વાર્ટરમાં ભારતે સ્કોર બરાબર કરવા માટે જોરદાર પ્રયાસ કર્યા—વિંગ પરથી ઝડપભરી ચાલ, સર્કલમાં દાખલ થવાના પ્રયત્નો અને ઝડપી પાસિંગ. પરંતુ બેલ્જિયમની ડિફેન્સે દરેક પ્રયાસ નિષ્ફળ બનાવી દીધો. તેમના ગોલકીપરએ પણ બે મહત્વના બચાવ કરીને ભારતની આશા પર પૂર્ણવિરામ મૂકી દીધો.

ભારતે ટુર્નામેન્ટ દરમિયાન ઉત્તમ પ્રદર્શન કર્યું, પરંતુ ફાઇનલમાં અનુભવની ખોટ, પેનલ્ટી કોર્નરોનો ઉપયોગ ન કરી શકવાની ભૂલ અને બેલ્જિયમની મજબૂત રણનીતિ અંતે ભારે પડી. છતાં, યુવા ખેલાડીઓ માટે આ અનુભવ ભાવિ ટુર્નામેન્ટ્સમાં ખૂબ ફાયદાકારક સાબિત થશે.