BPL 2025: 36 વર્ષીય સ્ટાર બેટ્સમેન બીપીએલની આગામી સીઝનથી બહાર

BPL 2025 ૩૬ વર્ષીય બાંગ્લાદેશી ક્રિકેટર તમીમ ઇકબાલે બાંગ્લાદેશ પ્રીમિયર લીગ (બીપીએલ)ની આગામી સીઝનમાંથી પોતાનું નામ પાછું ખેંચી લેવાનો મહત્વપૂર્ણ નિર્ણય લીધો છે. દેશના સૌથી અનુભવી અને સફળ બેટ્સમેનોમાં ગણાતા તમીમે બીસીબીના અધિકારીઓને ખેલાડીઓની હરાજીમાંથી પોતાને બહાર રાખવા સ્પષ્ટ વિનંતી કરી હતી, જે બોર્ડે સ્વીકારી છે.

ક્રિકબઝ સાથેની વાતચીતમાં તમીમે આ નિર્ણયની પુષ્ટિ કરી હતી. તેમણે જણાવ્યું કે તેમણે બીસીબીના ક્રિકેટ ઓપરેશન્સ મેનેજર શહરયાર નફીસને પ્લેયર ડ્રાફ્ટમાંથી નામ દૂર કરવાની વિનંતી કરી હતી કારણ કે તેઓ આ સીઝનમાં ભાગ લેવા માટે તૈયાર નથી. ૨૦૧૨માં બીપીએલની શરૂઆતથી જ તમીમ દરેક આવૃત્તિમાં દેખાયા છે અને તેમને લીગના ઇતિહાસના સૌથી સ્થિર અને વિશ્વસનીય બેટ્સમેન તરીકે માનવામાં આવે છે.

ફોર્ચ્યુન બરીશાલને સતત બે ટાઇટલ અપાવવામાં તમીમની ભૂમિકા અત્યંત મહત્વપૂર્ણ રહી છે. તેમણે કેપ્ટન અને ટોપ ઓર્ડર બેટ્સમેન તરીકે અનેક નિર્ણાયક ઇનિંગ્સ રમ્યા હતા. તેમની બેટિંગની સ્થિરતા અને લીડરશિપના કારણે ટીમને સોળે કલાં સફળતા મળી હતી. તેમ છતાં, છેલ્લા કેટલાક મહિનાથી એવી અટકળો જોર પકડી રહી હતી કે તમીમ આગામી સીઝનમાં ભાગ નહીં લે અને હવે તે અધિકૃત રીતે સ્પષ્ટ થઈ ગયું છે.

આ નિર્ણય પાછળનું મુખ્ય કારણ તેમનું સ્વાસ્થ્ય છે. માર્ચ ૨૦૨૪ બાદથી તમીમ વ્યાવસાયિક ક્રિકેટથી દૂર છે. ગયા વર્ષે એક ઘરેલુ મેચ દરમિયાન તેમને હળવો હૃદયરોગનો ઝાટકો આવ્યો હતો, જે બાદથી તેઓ સંપૂર્ણ પુન:સ્થાપન અને સ્વાસ્થ્ય સુધારણા પર ધ્યાન કેન્દ્રિત કરી રહ્યા છે. તેમની ફિટનેસ અંગે ચોક્કસ સમયરેખા હજુ જાહેર નથી, પરંતુ તેમની વાપસી વિશે ચાહકોમાં ઉત્સુકતા યથાવત છે.

ક્રિકેટ મેદાનથી દૂર હોવા છતાં, તમીમનો ફોકસ ક્રિકેટના અન્ય ક્ષેત્રોમાં પણ દેખાઈ રહ્યો હતો. તેઓ તાજેતરમાં બીસીબીની ચૂંટણી લડવા ઇચ્છુક હતા, પરંતુ બાદમાં ચૂંટણી પ્રક્રિયામાં સરકારના દખલનો હવાલો આપીને તેઓએ પોતાનું નામ પાછું ખેંચી લીધું હતું. આ પગલાને કારણે તેઓ ફરી એક વખત ચર્ચામાં આવ્યા હતા.

બીપીએલની આગામી સીઝન તમીમના વગર રમાશે, જે ફેન્સ માટે ચોક્કસ રીતે નિરાશાજનક છે. ખાસ કરીને ફોર્ચ્યુન બરીશાલ માટે તેમની ગેરહાજરી મોટો ઝટકો સાબિત થઈ શકે છે. તેમ છતાં, તેમના સ્વાસ્થ્યને ધ્યાનમાં લઈ તેમની પાછળની વિચારસરણી યોગ્ય અને જવાબદાર ગણાઈ શકે છે.

હવે સૌની નજર એ પર રહેવાની છે કે તમીમ ફરી ક્યારે મેદાન પર વાપસી કરશે અને શું તેઓ ભવિષ્યમાં ફરીથી બીપીએલમાં રમતા જોવા મળશે. બાંગ્લાદેશી ક્રિકેટમાં તેમનો અનુભવ અને યોગદાન અમૂલ્ય છે અને તેમનું પુનરાગમન ચાહકો માટે એક મહત્ત્વનું ક્ષણ બની શકે છે.

IPL 2026: સંજુ સેમસન ઉપરાંત, રાજસ્થાન રોયલ્સે અનેક ખેલાડીઓને રિલીઝ કર્યા; ટીમે લીધો મોટો નિર્ણય

IPL 2026 ની તૈયારીઓ સાથે, રાજસ્થાન રોયલ્સે પોતાના સ્ક્વોડમાં મોટા ફેરફારો કર્યા છે. ટીમે સંજુ સેમસનને ચેન્નાઈ સુપર કિંગ્સમાં ટ્રેડ કરી દીધા બાદ અનેક અન્ય ખેલાડીઓ પર મોટો નિર્ણય લીધો છે. IPL 2025માં નબળું પ્રદર્શન કરનારી રાજસ્થાનની ટીમ આગામી સિઝનમાં સંપૂર્ણ નવી દિશામાં આગળ વધવા ઈચ્છે છે.

વાનિંદુ હસરંગા અને અન્ય મોટા નામોને રિલીઝ

રાજસ્થાન રોયલ્સે આ વખતે ઘણા મોટા નામોને રિલીઝ કર્યા છે. શ્રીલંકન ઓલરાઉન્ડર વાનિંદુ હસરંગા, જેઓ IPL 2025માં ટીમ માટે અસરકારક પ્રદર્શન કરી શક્યા ન હતા, તેમને સ્ક્વોડમાંથી બહાર કરી દેવામાં આવ્યા છે. તેમ સાથે મહેશ તીક્ષ્ણા, આકાશ માધવાલ, ફઝલહક ફારૂકી, કુમાર કાર્તિકેય, કુણાલ રાઠોડ, અને અશોક શર્માને પણ રિલીઝ કરવામાં આવ્યા છે.

ટીમ મેનેજમેન્ટના કહેવા મુજબ, આ બધાં ખેલાડીઓ છેલ્લા સિઝનમાં પ્રભાવ પેદા કરવામાં નિષ્ફળ રહ્યા હતા, જેના કારણે તેઓને આગામી સીઝનની યોજનાઓમાં સ્થાન આપવામાં આવ્યું નથી.

સંજુ સેમસનનો મોટો ટ્રેડ

રાજસ્થાન રોયલ્સે સંજુ સેમસનને ચેન્નાઈ સુપર કિંગ્સમાં ટ્રેડ કર્યો છે. તેમના બદલામાં CSKએ રાજસ્થાનને રવિન્દ્ર જાડેજા અને સેમ કુરન જેવા બે મોટા ઓલરાઉન્ડર્સ આપ્યા છે. આ ટ્રેડ IPL 2026ના સૌથી મોટા ટ્રેડ્સમાંનો એક ગણાય છે. સંજુ સેમસન ગયા સિઝનમાં ઈજાના કારણે મોટા ભાગની મેચોમાં રમ્યા ન હતા અને તેમની ગેરહાજરીમાં રિયાન પરાગે કેપ્ટનશીપ સંભાળી હતી.

IPL 2025નો નિરાશાજનક સીઝન

IPL 2025 રાજસ્થાન રોયલ્સ માટે ખૂબ જ નિરાશાજનક રહ્યો હતો. ટીમે લીગ ચરણ દરમિયાન કુલ 14 મેચ રમી હતી જેમાં માત્ર 4 જીત મેળવી હતી અને 10 મેચમાં હારનો સામનો કરવો પડ્યો હતો. ટીમ અંતે માત્ર 8 પોઈન્ટ સાથે પોઈન્ટ્સ ટેબલમાં 9મા સ્થાન પર રહી હતી. ટીમના બેટિંગ અને બોલિંગ, બન્ને વિભાગોમાં સ્થિરતા ન જોવા મળતા મેનેજમેન્ટ હવે મોટા ફેરફારો તરફ આગળ વધી રહ્યું છે.

હરાજી પહેલાં રાજસ્થાન રોયલ્સ પાસે હવે ₹16.05 કરોડનું ભારે પર્સ બેલેન્સ છે, જેના આધારે ટીમ આગામી નિલામીમાં નવા અને ટોચના ટેલેન્ટ્સ ખરીદવાનો પ્રયાસ કરશે.

રાજસ્થાન રોયલ્સનો ઈતિહાસ અને ભાવિ યોજના

રાજસ્થાન રોયલ્સ IPLની પ્રથમ સિઝન 2008ના વિજેતા રહી ચૂક્યા છે, જ્યારે દિગ્ગજ શેન વોર્નના નેતૃત્વમાં ટીમે ટાઇટલ જીત્યું હતું. ત્યારબાદ ટીમ IPL 2022ની ફાઇનલ સુધી પહોંચી હતી જ્યાં તે ગુજરાત ટાઇટન્સ સામે હારી ગઈ હતી. સંજુ સેમસનની કેપ્ટનશીપ હેઠળ ટીમે ઘણી પ્રગતિ કરી હતી, પરંતુ હવે ટીમ નવા નેતૃત્વ મોડેલમાં આગળ વધવા તૈયાર છે.

જાળવી રાખેલા ખેલાડીઓ

રાજસ્થાન દ્વારા જાળવી રાખેલા મુખ્ય ખેલાડીઓમાં ધ્રુવ જુરેલ, જોફ્રા આર્ચર, રિયાન પરાગ, શિમરોન હેટમાયર, યશસ્વી જયસ્વાલ, તુષાર દેશપાંડે અને નાન્દ્રે બર્ગર જેવા નામો સામેલ છે. આ જ સ્ટ્રોંગ કોર સાથે ટીમ આગામી સિઝનમાં વધુ મજબૂત પ્રદર્શન કરવા ઈચ્છે છે.

IPL 2026: ગુજરાત ટાઇટન્સે IPL 2026 માટે રિટેન રિલીઝ યાદી જાહેર કરી, ફ્રેન્ચાઇઝ પાસે ₹12.9 કરોડનું પર્સ બાકી

IPL 2026 શુભમન ગિલની આગેવાનીમાં ગુજરાત ટાઇટન્સે આવતા IPL 2026 મીની-ઓક્શન પહેલા તેમના રિટેન અને રિલીઝ થયેલા ખેલાડીઓની યાદી જાહેર કરી છે. 2022માં ડેબ્યૂ સીઝનમાં જ ટાઇટલ જીતેલા ગુજરાતે આ વખતે પણ કોર ગ્રુપને યથાવત રાખીને ટીમમાં સ્થિરતા જાળવવાનો પ્રયાસ કર્યો છે. ગયા કેટલાક સીઝનમાં ટીમ સતત મજબૂત દેખાઈ છે અને તેથી મુખ્ય ખેલાડીઓને જાળવી રાખવાનો નિર્ણય લેવાયો છે.

મુખ્ય ખેલાડીઓ પર ફ્રેન્ચાઇઝનો વિશ્વાસ

ગુજરાતે શુભમન ગિલને કેપ્ટન તરીકે ફરી પસંદ કર્યો છે અને તેમની સાથે રાશિદ ખાન, સાઈ સુદર્શન અને જોસ બટલર જેવા મેચ-વિનર્સને પણ યથાવત રાખ્યા છે. બોલિંગ ડિપાર્ટમેન્ટમાં કાગીસો રબાડા, મોહમ્મદ સિરાજ અને પ્રસિદ્ધ કૃષ્ણા જેવા અનુભવી પેસર્સ ટીમને મજબૂતી આપે છે. ઓલરાઉન્ડર્સમાં રાહુલ તેવતિયા, ગ્લેન ફિલિપ્સ અને વોશિંગ્ટન સુંદર મહત્વની ભૂમિકા નિભાવી શકે છે. આ ખેલાડીઓ પર વિશ્વાસ રાખીને ફ્રેન્ચાઇઝ ઇચ્છે છે કે ટીમનું કોર કોમ્બિનેશન તૂટે નહીં અને નવી સીઝનમાં વધુ અસરકારક પ્રદર્શન મળે.

છ ખેલાડીઓને રિલીઝ કરવાનો નિર્ણય

કેટલાક ખેલાડીઓને પૂરતી તક ન મળતા ફ્રેન્ચાઇઝે આ વખતે઼ છ ખેલાડીઓને રિલીઝ કર્યા છે. જેમાં મહિપાલ લોમરોર, કરીમ જનાત, દાસુન શનાકા, ગેરાલ્ડ કોટઝી અને કુલવંત ખેજરોલિયા સામેલ છે. આમાંથી કેટલાંક ખેલાડીઓ બેન્ચ પર વધુ સમય વિતાવતા હતા અને ટીમ કોમ્બિનેશનમાં તેમની ભૂમિકા મર્યાદિત હતી. ઉપરાંત, શેરફેન રધરફોર્ડને ટ્રેડ દ્વારા મુંબઈ ઇન્ડિયન્સને મોકલવામાં આવ્યો છે.

વોશિંગ્ટન સુંદરને રાખીને ટીમનો નિર્ણય સ્પષ્ટ

તાજેતરમાં અહેવાલો હતા કે ગુજરાત વોશિંગ્ટન સુંદરને ટ્રેડ કરવા માંગે છે અને ચેન્નાઈ સુપર કિંગ્સ રસ દાખવી રહી હતી. પરંતુ અંતમાં ફ્રેન્ચાઇઝે તેમને રિટેન કરવાનો નિર્ણય કર્યો છે, જે દર્શાવે છે કે ટીમ તેમને મહત્વપૂર્ણ ઓલરાઉન્ડ વિકલ્પ તરીકે જોતી રહી છે.

Powered by thunder, charged up with lightning for yet another season! ⚡#AavaDe | #TATAIPL2026 | #TATAIPLRetention pic.twitter.com/FRcX24sAVu

— Gujarat Titans (@gujarat_titans) November 15, 2025

IPL 2026 ઓક્શન માટે પર્સ ઉપલબ્ધ

ગયા સીઝન બાદ સ્ક્વોડ સ્ટ્રક્ચરમાં ફેરફાર થતાં ગુજરાત ટાઇટન્સ પાસે હવે મીની ઓક્શન માટે કુલ ₹12.9 કરોડનું પર્સ ઉપલબ્ધ છે. આ રકમનો ઉપયોગ ફ્રેન્ચાઇઝે સ્ક્વોડની ખામી પૂરી કરવા અને બે-ત્રણ સ્ટ્રેટેજિક ખેલાડીઓ ઉમેરવા માટે કરી શકે છે.

રિલીઝ થયેલા ખેલાડીઓ:

શેરફેન રધરફોર્ડ, મહિપાલ લોમરોર, કરીમ જનાત, દાસુન શનાકા, ગેરાલ્ડ કોટઝી, કુલવંત ખેજરોલિયા

રિટેન કરાયેલા ખેલાડીઓ:

શુભમન ગિલ (કેપ્ટન), રાશિદ ખાન, સાઈ સુદર્શન, રાહુલ તેવતિયા, શાહરૂખ ખાન, કાગીસો રબાડા, જોસ બટલર, મોહમ્મદ સિરાજ, પ્રસિદ્ધ કૃષ્ણ, નિશાંત સિંધુ, કુમાર કુશાગ્ર, અનુજ રાવત, માનવ સુથાર, વોશિંગ્ટન સુંદર, અરશદ ખાન, ગુરનુર બ્રાર, સાઈ કિશોર, ઇશાંત શર્મા, જયંત યાદવ, ગ્લેન ફિલિપ્સ