PAK vs SA: પાકિસ્તાને ટોસ જીતીને પહેલું બોલિંગ કરવાનો નિર્ણય લીધો

PAK vs SA પાકિસ્તાન અને દક્ષિણ આફ્રિકા વચ્ચેની ત્રણ મેચોની T20 આંતરરાષ્ટ્રીય શ્રેણીની પહેલી મેચ રાવલપિંડી ક્રિકેટ સ્ટેડિયમમાં રમાઈ રહી છે. પાકિસ્તાનના કેપ્ટન સલમાન અલી આગાએ ટોસ જીતીને પહેલા બોલિંગ કરવાનો નિર્ણય લીધો છે. બંને ટીમો માટે આ શ્રેણી મહત્વપૂર્ણ છે કારણ કે તેઓ આગામી વર્ષના T20 વર્લ્ડ કપ 2026ની તૈયારીઓમાં વ્યસ્ત છે.

પાકિસ્તાનનો નવો કોંબિનેશન

આ મેચમાં પાકિસ્તાન નવી તાજગી સાથે મેદાનમાં ઉતર્યું છે. ટીમના નિયમિત કેપ્ટન બાબર આઝમને આરામ આપવામાં આવ્યો છે, જ્યારે સલમાન આગાને ટીમનું નેતૃત્વ સોંપવામાં આવ્યું છે. ટીમમાં અનેક યુવા ખેલાડીઓને તક આપવામાં આવી છે, જેમાં સામ અયુબ, સાહિબઝાદા ફરહાન, અને હસન નવાઝ જેવા નામો ખાસ ધ્યાન ખેંચી રહ્યા છે.

બોલિંગ વિભાગમાં શાહીન આફ્રિદી અને નસીમ શાહ પર મોટી જવાબદારી છે. તેમની સાથે અબરાર અહમદ અને ફહીમ અશરફ સ્પિન અને ઓલરાઉન્ડ સપોર્ટ પૂરો પાડશે. પાકિસ્તાની ટીમ પોતાના ઘરેલુ દર્શકો સામે મજબૂત શરૂઆત કરવા આતુર છે.

દક્ષિણ આફ્રિકાનો યુવા સ્ક્વાડ

બીજી તરફ, દક્ષિણ આફ્રિકાની ટીમનું નેતૃત્વ ડોનોવન ફેરેરા કરી રહ્યા છે. આ યુવા દળમાં અનુભવી ખેલાડીઓ સાથે નવી પ્રતિભાઓને તક આપવામાં આવી છે. ટોચના ક્રમમાં ક્વિન્ટન ડી કોક, રીઝા હેન્ડ્રિક્સ અને ડેવાલ્ડ બ્રેવિસ ટીમને મજબૂત શરૂઆત અપાવવાનો પ્રયાસ કરશે.

બોલિંગ લાઇનઅપમાં લુંગી ન્ગીડી, લિઝાદ વિલિયમ્સ અને નાન્ડ્રે બર્ગર મહત્વપૂર્ણ ભૂમિકા ભજવશે. સ્પિન માટે જ્યોર્જ લિન્ડે પર નજર રહેશે. દક્ષિણ આફ્રિકાની ટીમ છેલ્લા કેટલાક સમયથી ટૂંકી ફોર્મેટમાં સારા ફોર્મમાં છે અને તેઓ શ્રેણી જીતવા માટે આત્મવિશ્વાસથી ભરપૂર છે.

પાકિસ્તાન ટીમ:
સામ અયુબ, સાહિબઝાદા ફરહાન (વિકેટકીપર), બાબર આઝમ, હસન નવાઝ, સલમાન આગા (કેપ્ટન), મોહમ્મદ નવાઝ, ફહીમ અશરફ, શાહીન આફ્રિદી, નસીમ શાહ, મોહમ્મદ વસીમ જુનિયર, અબરાર અહમદ, સલમાન મિર્ઝા, ઉસ્માન ખાન, ઉસ્માન તારિક, અબ્દુલ સમદ.

દક્ષિણ આફ્રિકા ટીમ:

ક્વિન્ટન ડી કોક (વિકેટકીપર), રીઝા હેન્ડ્રિક્સ, લુઆન-ડ્રે પ્રિટોરિયસ, ડેવાલ્ડ બ્રેવિસ, ડોનોવન ફેરેરા (કેપ્ટન), જ્યોર્જ લિન્ડે, કોર્બિન બોશ, નકાબાયોમેઝી પીટરસન, લુંગી ન્ગીડી, નાન્ડ્રે બર્ગર, લિઝાદ વિલિયમ્સ, ટોની ડી જોર્ઝી, મેથ્યુ બ્રિત્ઝકે, ઓથનીલ બાર્ટમેન, એન્ડીલ સિમેલેન.

બંને ટીમો યુવા ખેલાડીઓ પર ભરોસો રાખી રહી છે. પાકિસ્તાન પોતાના ઘરેલુ મેદાન પર ફાયદો લેવા માગશે, જ્યારે દક્ષિણ આફ્રિકા વિદેશી પરિસ્થિતિમાં જીતનો રિધમ મેળવવા ઉત્સુક છે. પ્રથમ મેચમાં ટોસ જીત્યા બાદ પાકિસ્તાને બોલિંગનો નિર્ણય લીધો છે, જેથી તેઓ શરૂઆતમાં જ દક્ષિણ આફ્રિકાના બેટિંગ લાઇનઅપ પર દબાણ બનાવી શકે.

IND vs AUS: શ્રેયસ ઐયરના સ્વાસ્થ્ય અંગે મોટી અપડેટ, સ્થિતિ હવે સ્થિર

ટીમ ઈન્ડિયાના ઉપ-કેપ્ટન શ્રેયસ ઐયર ત્રીજી ODI દરમિયાન કેચ લેતી વખતે ગંભીર રીતે ઘાયલ થયા હતા. 25 ઓક્ટોબરના રોજ ઓસ્ટ્રેલિયા સામે સિડની ક્રિકેટ ગ્રાઉન્ડ પર રમી ગયેલી મેચમાં, હર્ષિત રાણાની બોલિંગ પર એલેક્સ કેરીનો કેચ લેતા ઐયર ઈજાગ્રસ્ત થયા. તેમને તરત સિડનીની હોસ્પિટલમાં દાખલ કરવામાં આવ્યા અને પાંસળીઓમાં લોહી નિકળતા જોવા મળ્યા પછી તેમને ICUમાં દાખલ કરવું પડ્યું.

BCCI એ હવે ઐયરના સ્વાસ્થ્ય અંગે બીજું મેડિકલ અપડેટ જાહેર કર્યું છે. નિવેદનમાં જણાવાયું છે કે તેમની હાલત હવે સ્થિર છે અને તેઓ સતત નિરીક્ષણ હેઠળ છે. 28 ઓક્ટોબરના રોજ કરેલા બીજા સ્કેનમાં નોંધપાત્ર સુધારો જોવા મળ્યો છે. BCCIની મેડિકલ ટીમ સિડની અને ભારતના નિષ્ણાતો સાથે સંલગ્ન રહી, ઐયરની રિકવરી પર નજીકથી નજર રાખી રહી છે. તેમનું અનુમાન છે કે આગામી અઠવાડિયામાં તેઓ હોસ્પિટલમાંથી રજા મેળવી શકે છે.

ક્રિકબઝના અહેવાલ અનુસાર, સિડનીમાં શ્રેયસ ઐયરની બરોળની ઈજાના કારણે સફળ સર્જરી કરવામાં આવી હતી, જે અત્યંત જરૂરી હતી. હવે તેઓ ICUમાંથી બહાર આવ્યા છે અને નજીકના મિત્રના ઘરમાં રાખવામાં આવ્યા છે. તેઓ દૈનિક પ્રવૃત્તિઓ જાતે કરી રહ્યા છે અને પોતાની પસંદની ભોજન મેળવી રહ્યા છે. BCCI એ તેમના માટે ડૉ. રિઝવાન ખાનની નિમણૂક કરી છે, જે સતત તેમની હાલત પર નજર રાખી રહ્યા છે. સાથે જ, BCCI શ્રેયસના પરિવારને સિડની મોકલવાની તૈયારી પણ કરી રહ્યું છે.

ટીમ ઈન્ડિયાના T20 કેપ્ટન સૂર્યકુમાર યાદવે પણ ઐયરના સ્વાસ્થ્ય અંગે પ્રેસ કોન્ફરન્સમાં જણાવ્યું, “અમે ડૉક્ટર નથી, પણ જ્યારે શ્રેયસે કેચ પકડ્યો, ત્યારે તે સામાન્ય લાગતો હતો. પછી અમે તેની સાથે વાત કરી, અને તે સામાન્ય રીતે વાત કરી રહ્યો હતો. ભગવાન તેની સાથે છે, અને તે ઝડપથી સ્વસ્થ થઈ રહ્યો છે. ટૂંક સમયમાં તેઓ અમારો સાથે ઘરે આવી જશે.”

આ ઘટના ભારતીય ક્રિકેટ ફેન્સ માટે ચિંતાજનક રહી, પરંતુ BCCI અને મેડિકલ ટીમના નિયમિત અપડેટ્સથી આશા છે કે શ્રેયસ ઐયર સંપૂર્ણ રીતે સ્વસ્થ થઈને ટીમમાં ફરી જોડાશે. તેમની સ્થિતિમાં સુધારો હોવાને કારણે ટીમ અને ફેન્સને આ ન્યૂઝથી રાહત મળી છે.

IND vs AUS: મિશેલ માર્શના નિવેદનથી અભિષેક શર્માનો ડર ઓસ્ટ્રેલિયન ટીમમાં સ્પષ્ટ

IND vs AUS ભારત અને ઓસ્ટ્રેલિયા વચ્ચેની પાંચ મેચોની T20 શ્રેણી 29 ઓક્ટોબરથી કેનબેરાના મનુકા ઓવલ સ્ટેડિયમમાં શરૂ થવાની છે. શ્રેણી શરૂ થાય તે પહેલાં જ ભારતીય યુવા ઓપનર અભિષેક શર્માને લઈને ઓસ્ટ્રેલિયન કેમ્પમાં એક પ્રકારની ચિંતા અને સાવચેતી જોવા મળી રહી છે. આ વાત ઓસ્ટ્રેલિયન કેપ્ટન મિશેલ માર્શના નિવેદનથી સ્પષ્ટ થઈ છે.

અભિષેક શર્મા ટીમ ઈન્ડિયાનો ઉદયમાન તારો

T20 આંતરરાષ્ટ્રીય ક્રિકેટમાં ડેબ્યૂ કર્યા પછી અભિષેક શર્માએ પોતાની આક્રમક અને આત્મવિશ્વાસભરી બેટિંગથી સૌનું ધ્યાન ખેંચ્યું છે. તે સતત ટીમ માટે મજબૂત શરૂઆત આપતો રહ્યો છે.

એશિયા કપ 2025 દરમિયાન તેણે શાનદાર પ્રદર્શન કર્યું હતું અને 300થી વધુ રન બનાવીને ભારતની જીતમાં મહત્વપૂર્ણ ભૂમિકા ભજવી હતી. હવે, તેના માટે આ શ્રેણી ખાસ છે કારણ કે તે પહેલી વાર ઓસ્ટ્રેલિયન પિચ પર આંતરરાષ્ટ્રીય સ્તરે રમશે. ભારતીય ચાહકોને તેની બેટિંગથી ભારે આશા છે, જ્યારે ઓસ્ટ્રેલિયન બોલરો માટે તે પહેલેથી જ મોટો ખતરો બની ગયો છે.

 મિશેલ માર્શે આપી અભિષેકને પ્રશંસા અને પડકાર

શ્રેણી શરૂ થવાના એક દિવસ પહેલાં યોજાયેલી પ્રેસ કોન્ફરન્સમાં ઓસ્ટ્રેલિયન કેપ્ટન મિશેલ માર્શને જ્યારે અભિષેક શર્મા વિશે પૂછવામાં આવ્યું, ત્યારે તેમણે સ્પષ્ટ શબ્દોમાં કહ્યું

“અભિષેક આપણા માટે એક ખરેખર પડકારરૂપ ખેલાડી છે.
તે અદ્ભુત પ્રતિભા ધરાવે છે અને ઓપનર તરીકે ટીમ ઈન્ડિયાને મજબૂત શરૂઆત આપતો રહ્યો છે.
સૌએ જોયું છે કે તેણે IPLમાં સનરાઇઝર્સ હૈદરાબાદ માટે શું પ્રદર્શન કર્યું છે.
તે અમારા માટે એક વાસ્તવિક પડકાર બનશે, પરંતુ અમે એવા જ ખેલાડીઓ સામે રમવા ઈચ્છીએ છીએ જેથી પોતાના સ્તરને માપી શકીએ.”

માર્શના આ નિવેદનથી સ્પષ્ટ થાય છે કે ઓસ્ટ્રેલિયન ટીમ અભિષેક શર્માની બેટિંગ ક્ષમતાને ગંભીરતાથી લઈ રહી છે.

T20 વર્લ્ડ કપ 2026 માટે તૈયારીઓનો ભાગ

આ શ્રેણી ઓસ્ટ્રેલિયન ટીમ માટે માત્ર ભારત સામેની મુકાબલા નથી, પરંતુ T20 વર્લ્ડ કપ 2026 માટેની મહત્વપૂર્ણ તૈયારી પણ છે.

મિશેલ માર્શે આ અંગે કહ્યું

“અમે છેલ્લા બે વર્લ્ડ કપમાં અપેક્ષા મુજબ સારું પ્રદર્શન કરી શક્યા નથી.
હવે અમે વધુ આક્રમક અભિગમ અપનાવીશું.
છેલ્લા કેટલાક વર્ષોમાં એવી ઘણી ટીમોએ સફળતા મેળવી છે જેઓ આ રીતે રમી છે.
જો આપણે આગામી વર્લ્ડ કપમાં સારું રમવું હોય, તો આ જ રસ્તો અપનાવવો પડશે, ભલે અમને વચ્ચે કેટલીક નિષ્ફળતાઓ મળે.”