આર્યના સબાલેન્કાની યુએસ ઓપન 2025 વિજય અને ગ્લેમરવાળી ઉજવણી

બેલારુસની આર્યના સબાલેન્કાએ યુએસ ઓપન 2025માં સતત બીજી વખત ટાઇટલ જીતીને ટેનિસ દિગ્ગજોની યાદીમાં પોતાનું સ્થાન વધુ મજબૂત બનાવ્યું છે. ફાઈનલમાં તેણે અમેરિકાની અમાન્ડા અનિસિમોવાને 6-3, 7-6(3)થી હરાવીને યુએસ ઓપન મહિલા સિંગલ્સનું ટાઈટલ જાળવી રાખ્યું. આ સાથે, સબાલેન્કા 2014માં સેરેના વિલિયમ્સ પછી યૂએસ ઓપનમાં સતત બે વખત ટાઇટલ જીતનાર પ્રથમ મહિલા બની.

ફાઈનલ દરમિયાન પ્રથમ સેટમાં સબાલેન્કાએ ત્રણ વખત અનિસિમોવાની સર્વિસ તોડી અને 5-3ની લીડ મેળવી. અંતે, અનિસિમોવાનો એક ફોરહેન્ડ શોટ બહાર જતાં સબાલેન્કાએ 6-3થી સેટ જીતી લીધો. બીજી ગેમ તંગ હરીફાઈવાળી રહી અને ટાઈબ્રેક સુધી પહોંચી, જ્યાં સબાલેન્કાએ શાંતીપૂર્વક રમત ચાલુ રાખી અને ટાઈબ્રેક 7-3થી જીતીને ટાઇટલ પોતાને નામે કર્યું.

વિજય પછી, સબાલેન્કાએ ફેશન અને આત્મવિશ્વાસભરેલી ઉજવણી કરી. ટ્રોફી સેરેમોનીમાં તેણે મેટાલિક સિલ્વર જેકેટ પહેરી હતી, જે સોશિયલ મીડિયા પર ખૂબ વાયરલ થઈ. શેમ્પેઈન સાથે ઉજવણી કરતી તસવીરો અને વીડિયો ઇન્ટરનેટ પર ધૂમ મચાવી રહ્યા છે. તેની ઇન્સ્ટાગ્રામ પર 3.5 મિલિયનથી વધુ ફોલોઅર્સ છે અને તેની ઘણી પોસ્ટ્સને કરોડો વ્યૂઝ મળ્યા છે.

સબાલેન્કાને તેના સ્ટાઇલ અને આત્મવિશ્વાસ માટે પણ ઓળખવામાં આવે છે. તેને “ધ ટાઈગર” તરીકે ઓળખવામાં આવે છે, તેના ડાબા હાથ પર આવેલા વાઘના ટેટૂને કારણે. તેની આ દ્રઢતા તેના રમતગમતના અભિગમમાં પણ જોવા મળે છે. તે છ વર્ષની વયથી ટેનિસ રમી રહી છે અને તેના પિતા સેર્ગેઈ, ભૂતપૂર્વ આઇસ હોકી ખેલાડી, તેનો પ્રેરણાસ્ત્રોત હતા. તેમનું અવસાન 2019માં થયું હતું.

સબાલેન્કા Nike અને Wilson જેવી દિગ્ગજ બ્રાન્ડ્સ સાથે એન્ડોર્સમેન્ટ કરાર ધરાવે છે. તે નેટફ્લિક્સની દસ્તાવેજી શ્રેણી “બ્રેક પોઈન્ટ” માં પણ દેખાઈ ચૂકી છે.

ટેનિસ વિશ્વમાં જેમ કે સેરેના વિલિયમ્સ, મારિયા શારાપોવા, સાનિયા મિર્ઝા અને અન્ના કુર્નિકોવા જેવા સ્ટાર્સે રમત અને ગ્લેમરની સાથે પ્રશંસા પામી છે, તેવી જ રીતે સબાલેન્કા પણ આજના સમયમાં સૌથી ચમકતા ટેનિસ સ્ટાર્સમાં ગણાય છે.

 

View this post on Instagram

 

A post shared by Aryna Sabalenka (@arynasabalenka)

તેની જીત માત્ર એક રમતગમતની સફળતા નથી, પરંતુ આત્મવિશ્વાસ, શિસ્ત અને વ્યકિતત્વનો ઉત્સવ છે.

ભારતને મળી રહી છે નવી સાનિયા મિર્ઝા?

ભારતની ટેનિસ જગતમાં સાનિયા મિર્ઝા એક એવું નામ છે જે હંમેશા યાદ રહેશે. મહિલા ડબલ્સમાં વિશ્વ નંબર 1 બનવાની સિદ્ધિ મેળવ્યા પછી તેમણે સમગ્ર વિશ્વમાં ભારતનો ધ્વજ ફરકાવ્યો હતો. સિંગલ્સમાં પણ સાનિયાએ શ્રેષ્ઠ રેન્કિંગ 27 મેળવી હતી. તેમ છતાં, તેમની નિવૃત્તિ પછી દેશને એવો ચહેરો હજુ સુધી મળ્યો નહોતો જેને ટેનિસમાં નવી ઓળખ આપી શકે. હવે એવું લાગે છે કે ભારતને ફરી એક વાર મોટી આશા મળી છે.

માયા રાજેશ્વરન રેવતીનું ઉદય

માત્ર 16 વર્ષની ઉંમરે ભારતની યુવા ટેનિસ ખેલાડી માયા રાજેશ્વરન રેવતી દેશ માટે નવા સપનાં લઈને આગળ વધી રહી છે. વર્ષ 2024માં તેમનું આંતરરાષ્ટ્રીય ટેનિસ ફેડરેશન (ITF) જુનિયર રેન્કિંગ 92 હતું, પરંતુ સપ્ટેમ્બર 2025 સુધીમાં તેમણે પોતાનો દરજ્જો સુધારીને 55મું સ્થાન મેળવી લીધું છે. ઓગસ્ટ 2025માં તેઓએ 54મું સ્થાન પ્રાપ્ત કરીને અત્યાર સુધીની કારકિર્દીનો શ્રેષ્ઠ મુકામ હાંસલ કર્યો હતો. આ ઝડપથી વધતી પ્રગતિ દર્શાવે છે કે માયા ભવિષ્યમાં આંતરરાષ્ટ્રીય સ્તરે ભારતનું પ્રતિનિધિત્વ કરવાની સક્ષમતા ધરાવે છે.

સાનિયા મિર્ઝાનો વિશ્વાસ

પ્રખ્યાત ખેલાડી સાનિયા મિર્ઝાએ તાજેતરમાં પીટીઆઈ સાથેની વાતચીતમાં ભારતના ટેનિસના ભવિષ્ય વિશે મહત્વપૂર્ણ નિવેદન આપ્યું. તેમણે બે ઉભરતા નામો લીધા – શ્રીવલ્લી રશ્મિકા ભામિદીપતી અને માયા રાજેશ્વરન રેવતી. સાનિયાના મતે શ્રીવલ્લી ઉંમરે મોટી છે, પરંતુ માયામાં વધારે ક્ષમતા દેખાઈ રહી છે. તેમણે કહ્યું કે લાંબા સમય પછી એવો પ્રશ્ન ઉભો થયો છે કે “મારા પછી કોણ?” અને હવે એક 15-16 વર્ષની છોકરીમાં એ શક્તિ દેખાઈ રહી છે.

યોગ્ય દિશામાં વિકાસ જરૂરી

સાનિયાએ ખાસ કરીને ભાર મૂક્યો કે માયાને તેના વય જૂથમાં જ રમાડવું જોઈએ. ઘણી વાર પ્રતિભાશાળી ખેલાડીઓને વહેલી વયે વધુ કઠિન જૂથમાં મોકલવામાં આવે છે, જેના કારણે તેમના વિકાસ પર અસર થાય છે. તેઓએ ઉદાહરણ આપ્યું કે બિલી જીન કિંગ કપ જેવી સ્પર્ધાઓમાં ભારતની છોકરીઓએ જુસ્સાથી રમ્યું હતું અને માયા સહિત દરેક ખેલાડીએ પોતાની ક્ષમતા સાબિત કરી હતી.

VIDEO | Dubai: Former Indian tennis star Sania Mirza, on India’s rising tennis talent Maaya Rajeshwaran Revathi, says, “Although Shrivalli Rashmikaa Bhamidipaty is a bit older than Maaya, she has shown immense potential. It’s been a long-standing question of who will emerge next… pic.twitter.com/rTjRirZBzp

— Press Trust of India (@PTI_News) September 15, 2025

ભારતની નવી આશા

ભારતમાં ટેનિસ હજી પણ ક્રિકેટ જેટલું લોકપ્રિય નથી, પરંતુ સાનિયા મિર્ઝા પછી જે ખાલીપો અનુભવાતો હતો તે માયા ધીમે ધીમે પૂરો કરી રહી છે. 16 વર્ષની ઉંમરે આંતરરાષ્ટ્રીય સ્તરે ટોચના 60માં સ્થાન મેળવવું એ મોટું સિદ્ધિ છે. જો માયા પોતાની રમત અને ફિટનેસ પર ધ્યાન રાખીને સતત પ્રગતિ કરે, તો નજીકના ભવિષ્યમાં ભારતને બીજી સાનિયા મિર્ઝા નહીં, પરંતુ એક નવી માયા રાજેશ્વરન રેવતી મળશે.

લક્ષ્ય સેનોનો ભવિષ્ય અજવાળે છે: હોંગકોંગ ઓપન 2025ની ફાઇનલમાં દમદાર એન્ટ્રી

ભારતના યુવા બેડમિન્ટન ખેલાડી લક્ષ્ય સેને હોંગકોંગ ઓપન 2025ની ફાઇનલમાં જગ્યા બનાવી છે અને તેની સાથે 2 વર્ષથી ચાલી રહેલી રાહનો અંત આવ્યો છે. વિશ્વના નંબર-3 ખેલાડી તાઇવાનના ચૌ ટિએન ચેનને સેમિફાઇનલમાં 23-21, 22-20થી હરાવી, લક્ષ્યે સુપર 500 ટૂર્નામેન્ટની ફાઇનલમાં સ્થાન મેળવ્યું છે.

આ જીત લક્ષ્ય માટે ખાસ છે કારણ કે છેલ્લે તે 2023ના કેનેડા ઓપનમાં ફાઇનલમાં પહોંચ્યો હતો. બે વર્ષ બાદ ફરી ફાઇનલમાં પહોંચવું એ તેની મહેનત અને સતત મહાવરાની સાબિતી છે. લક્ષ્ય સેને મુશ્કેલ લડાઈ બાદ જીત મેળવી અને પોતાના કરિયર માટે એક વધુ મહત્વપૂર્ણ માઈલસ્ટોન હાંસલ કર્યો છે.

હવે લક્ષ્ય સેને ફાઇનલમાં 14 સપ્ટેમ્બરે ચીનના વિશ્વ નંબર-4 ખેલાડી લી શી ફેંગ સામે મુકાબલો કરવો છે. ફેંગે પોતાના સેમિફાઇનલમાં ફ્રાન્સના ક્રિસ્ટો પોપોવને 21-18, 21-19થી હરાવ્યો હતો. બંને ખેલાડીઓ વચ્ચે કડક ટક્કર જોવા મળવાની શક્યતા છે.

આ ઉપરાંત, ભારત માટે વધુ એક ખુશીની ખબર એ છે કે વર્લ્ડ ચેમ્પિયનશિપમાં બ્રોન્ઝ મેડલ જીતનાર ભારતીય ડબલ્સ ખેલાડી ચિરાગ શેટ્ટી અને સાત્વિક સાઈરાજ રંકિરેડ્ડીની જોડીએ પણ હોંગકોંગ ઓપનની ફાઇનલમાં પ્રવેશ કર્યો છે. તેમણે સેમિફાઇનલમાં તાઇવાનના બી લિન અને સી કે ચેનને હરાવ્યા હતા.

ભારતીય બેડમિન્ટન માટે આ ટૂર્નામેન્ટ ખૂબ જ સફળ રહ્યો છે. એક તરફ સિંગલ્સમાં લક્ષ્ય સેનો એન્ટ્રી અને બીજી તરફ ડબલ્સમાં ચિરાગ-સાત્વિકની જીતે દર્શાવ્યું કે ભારતીય બેડમિન્ટન હવે ફરીથી આંતરરાષ્ટ્રીય સ્તરે દમદાર બની રહ્યું છે.

ભારતીય દર્શકો હવે આશા રાખી રહ્યાં છે કે લક્ષ્ય અને ચિરાગ-સાત્વિકની જોડીએ ટૂર્નામેન્ટમાં તિરંગો લહેરાવશે અને ટાઇટલ ઘેર લાવશે.