Ranji Trophy: “યશસ્વી જયસ્વાલને ચેમ્પિયન્સ ટ્રોફી સ્ક્વાડમાંથી હટાવાયો, રણજીમાં મુંબઇ માટે રમવાની શક્યતા”.

Yashasvi Jaiswal જે અગાઉ Champions Trophy 2025 માટે ભારતીય ટીમની જાહેરાત થયેલી સ્ક્વાડનો હિસ્સો હતા, તેમની જગ્યાએ Varun Chakravarthy ને સમાવવાનો નિર્ણય લેવામાં આવ્યો છે. જયસ્વાલને ટ્રાવેલિંગ રિઝર્વ પ્લેયર તરીકે રાખવામાં આવ્યા છે.

ચેમ્પિયન્સ ટ્રોફી માટે તૈયાર.

ભારતીય ટીમે ઇંગ્લેન્ડ સામે 3 મેચની વનડે સિરીઝમાં ક્લીન સ્વીપ કર્યા પછી હવે 19 ફેબ્રુઆરીથી શરૂ થતી ચેમ્પિયન્સ ટ્રોફીમાં ભાગ લેવા દુબઈ રવાના થવાનીછે. આ મહત્વપૂર્ણ ટુર્નામેન્ટ માટે 12 ફેબ્રુઆરીએ બે મોટા ફેરફારો કરવામાં આવ્યા, જેમાં જસપ્રીત બુમરાહની જગ્યાએ હર્ષિત રાણા અને યશસ્વી જયસ્વાલની જગ્યાએ વરુણ ચક્રવર્તી મુખ્ય ટીમમાં સામેલ થયા.

જયસ્વાલની હટાવવાની જાહેરાત ચાહકો માટે આશ્ચર્યજનક હતી. જોકે, તેમને ટ્રાવેલિંગ રિઝર્વ પ્લેયર્સની યાદીમાં સ્થાન મળ્યું છે, એટલે હવે તેઓ ઘરેલૂ ક્રિકેટમાં મુંબઇ માટે રણજી ટ્રોફીનું સેમી-ફાઇનલ રમી શકે છે.

મુંબઈ 17 ફેબ્રુઆરીથી Ranji Trophy સેમિફાઈનલ રમશે

બીસીસીઆઈએ ચેમ્પિયન્સ ટ્રોફી 2025 માટે ટીમ ઇન્ડિયાની ફેરફાર થયેલી સ્ક્વાડની જાહેરાત કરતી વખતે સ્પષ્ટ કર્યું કે ટ્રાવેલિંગ રિઝર્વમાં સામેલ ખેલાડીઓ માત્ર જરૂરીયાત મુજબ દુબઈ મોકલવામાં આવશે.

આ કારણે, યશસ્વી જયસ્વાલ હવે રણજી ટ્રોફી 2024-25માં મુંબઇ માટે સેમિફાઈનલ રમી શકે છે. મુંબઈની ટીમે ક્વાર્ટર ફાઈનલમાં હરિયાણાને 152 રનથી હરાવી સેમિફાઇનલમાં સ્થાન મેળવ્યું છે.

મુંબઇ હવે 17 થી 21 ફેબ્રુઆરી દરમિયાન નાગપુરમાં વિદર્ભ સામે સેમિફાઇનલ રમશે.

બીજા સેમિફાઇનલમાં Gujarat-Kerala નો મુકાબલો

Ranji Trophy 2024-25ના પ્રથમ સેમિફાઈનલમાં મુંબઇ વિ. વિદર્ભ હશે, જ્યારે બીજું સેમિફાઇનલ ગુજરાત અને કેરળ વચ્ચે 17 થી 21 ફેબ્રુઆરી સુધી અમદાવાદના નરેન્દ્ર મોદી સ્ટેડિયમમાં રમાશે.

આ સિઝનનો ફાઈનલ મેચ 26 ફેબ્રુઆરીથી 2 માર્ચ સુધી યોજાશે. અત્યાર સુધી મુંબઇની ટીમે રણજી ટ્રોફીમાં શાનદાર પ્રદર્શન કર્યું છે.