Video: મેચ વચ્ચે અચાનક મધમાખીઓનો હુમલો! આ રીતે બચાવ્યા તેમના જીવ, વીડિયો

Video: ઈંગ્લેન્ડમાં રમાઈ રહેલી કાઉન્ટી ચેમ્પિયનશિપ દરમિયાન એક એવી ઘટના બની જેણે બધાને સ્તબ્ધ કરી દીધા. લાઈવ મેચ દરમિયાન મધમાખીઓના હુમલાને કારણે મેચ થોડા સમય માટે રોકવી પડી હતી.

Video: કાઉન્ટી ચેમ્પિયનશિપ ડિવિઝન વનની એક મેચ દરમિયાન એવી ઘટના બની કે મેચ થોડા સમય માટે રોકવી પડી. આનું કારણ વરસાદ નહીં પણ કંઈક બીજું હતું. જેના કારણે મેદાન પર હાજર બધા ખેલાડીઓ અને અમ્પાયરો સૂઈ ગયા. આ બધું વોર્સેસ્ટરશાયર અને એસેક્સ વચ્ચે વોર્સેસ્ટરમાં રમાઈ રહેલી મેચ દરમિયાન બન્યું. આ મેચના પહેલા દિવસે, વોર્સેસ્ટરશાયર શરૂઆતના પરાજયમાંથી બહાર આવ્યું અને દિવસના અંત સુધીમાં 9 વિકેટે 349 રન બનાવ્યા, પરંતુ દિવસની સૌથી ભયાનક ક્ષણ એ હતી જ્યારે મધમાખીઓના હુમલાને કારણે બધા ખેલાડીઓ જમીન પર સૂઈ ગયા. જેના કારણે મેચ થોડા સમય માટે રોકવી પડી હતી.

મધમાખીઓ બન્યાં ખલનાયક

કાઉન્ટી ચેમ્પિયનશિપ ડિવિઝન વનના મુકાબલામાં એસેક્સ ટીમે ટોસ જીતીને પહેલા ફીલ્ડિંગ કરવાનો નિર્ણય લીધો હતો. વોર્સેસ્ટરશાયરની ટીમ પ્રથમ બેટિંગ કરવા ઉતરી હતી. મેચ દરમિયાન એક અનોખો બનાવ થયો. લાઈવ મેચ દરમિયાન મધમાખીઓનો એક મોટો ઝુંડ મેદાન પર આવી ગયો. મધમાખીઓથી બચવા માટે બધા ખેલાડીઓ અને અંપાયર્સ મેદાનમાં જમીન પર સૂઈ ગયા. સલામતીના ભાગરૂપે મેચને થોડી ક્ષણ માટે રોકવી પડી. જ્યારે મધમાખીઓનો ઝુંડ મેદાનમાંથી આગળ વધ્યો, ત્યારબાદ ફરીથી રમત શરૂ કરવામાં આવી. આ સમગ્ર ઘટનાનો વિડિયો કાઉન્ટી ચેમ્પિયનશિપે તેમના ઇન્સ્ટાગ્રામ પેજ પર શેર કર્યો છે.

 

View this post on Instagram

 

A post shared by Rothesay County Championship (@countychampionship)

વોર્સેસ્ટરશાયરએ મેચમાં કરી ધમાકેદાર વાપસી

આ મેચ દરમિયાન એસેક્સના બોલરોએ વોર્સેસ્ટરશાયરને શરૂઆતમાં જ આંચકો આપ્યો હતો. વોર્સેસ્ટરશાયરના આરંભિક 5 વિકેટ માત્ર 123 રનના સ્કોર પર પડી ગયા હતા. જોકે, રોબ જોન્સ (54), મેથ્યુ વેટે (73), કાસિફ અલી (46) અને ટોમ ટેલર (43) ની શાનદાર બેટિંગના સહારે વોર્સેસ્ટરશાયરએ દિવસના અંત સુધીમાં 9 વિકેટના નુકસાન પર 354 રન બનાવ્યા.

મેથ્યુ વેટે અને ટોમ ટેલરએ 8મી વિકેટ માટે ઉપયોગી 95 રનની ભાગીદારી નોંધાવી, જેના કારણે ટીમ 350 રનના નજીક પહોંચી શકી.

દિવસના અંતે બેન એલિસન 34 રન અને યાદવિંદર સિંહ 5 રન સાથે ક્રિઝ પર હાજર હતા. એસેક્સ તરફથી બોલરોએ શાનદાર પ્રદર્શન કર્યું. શેન સ્નેટરે સૌથી વધુ ત્રણ વિકેટ ઝડપી. જયારે નોઆ થાઇન અને મેટ ક્રિચલીએ બે-બે અને જેમી પોર્ટર તથા કસુન રંજીતાએ એક-એક વિકેટ લીધા.

IPL 2025 આજથી ફરી શરૂ, પ્લેઇંગ ઇલેવન અને પિચ રિપોર્ટ સહિત બધું જાણો

RCB vs KKR: IPL 2025 આજથી ફરી શરૂ થશે. આજે બેંગલુરુ અને કોલકાતા વચ્ચે મેચ રમાશે. આ સિઝનની 58મી મેચ હશે. RCB અને KKR વચ્ચેની મેચની બધી વિગતો અહીં જાણો.

IPL 2025: આજથી ફરી ઈન્ડિયન પ્રીમિયર લીગ શરૂ થશે. ભારત-પાકિસ્તાન તણાવને કારણે 8 મેના રોજ લીગ બંધ કરવામાં આવી હતી. આજે એટલે કે શનિવાર, ૧૭ મે, IPL ૨૦૨૫ ફરી એકવાર શરૂ થશે. આજે બેંગલુરુના એમ ચિન્નાસ્વામી સ્ટેડિયમ ખાતે રોયલ ચેલેન્જર્સ બેંગ્લોર (RCB) અને કોલકાતા નાઈટ રાઈડર્સ (KKR) વચ્ચે મેચ રમાશે. RCB અને KKR વચ્ચેની મેચ માટે ટોસ સાંજે 7 વાગ્યે થશે. મેચ સાંજે ૭.૩૦ વાગ્યે શરૂ થશે.

હેડ-ટુ-હેડમાં કોણ આગળ?

આરસીબી અને કેકેઆર વચ્ચેની હેડ-ટુ-હેડ ટક્કરમાં કોલકાતા નાઈટ રાઈડર્સનો પલડો ભારે છે. કોલકાતાએ IPLમાં બેંગલુરુને 20 વખત પરાજય આપ્યો છે, જ્યારે RCBએ કોલકાતા સામે 15 મેચો જીતી છે.

જો આપણે એમ. ચિન્નાસ્વામી સ્ટેડિયમની વાત કરીએ, તો અહીં બંને ટીમો વચ્ચે અત્યાર સુધી 12 મુકાબલાઓ રમાયા છે, જેમાંથી 8 વખત કોલકાતા નાઈટ રાઈડર્સે વિજય મેળવ્યો છે.

એમ. ચિન્નાસ્વામી સ્ટેડિયમની પિચ રિપોર્ટ

બેંગલુરુનું એમ. ચિન્નાસ્વામી સ્ટેડિયમ સામાન્ય રીતે બોલર્સનું કબરસ્તાન ગણાય છે, કારણ કે અહીં બેટ્સમેન માટે સ્વર્ગ સમાન સ્થિતિ હોય છે. આ મેદાન પર ઘણા હાઈ-સ્કોરિંગ મુકાબલાઓ જોવા મળ્યા છે.

ત્યારે આજે થનારી મેચમાં પિચ પરથી બોલર્સને પણ મદદ મળી શકે છે, કારણ કે છેલ્લા કેટલાય દિવસોથી અહીં વરસાદ પડી રહ્યો છે અને પિચ લાંબા સમયથી કવર્સ હેઠળ રહી હોવાનું માનવામાં આવે છે. તેથી ખાસ કરીને ઝડપદાર બોલરો માટે મદદગાર સ્થિતિ ઊભી થઈ શકે છે.

મેચમાં વરસાદ બની શકે છે ખલેલ

બેંગલુરુમાં આજે, એટલે કે 17 મેના રોજ પણ વરસાદની શક્યતા છે. હવામાન વિભાગ મુજબ, 65% વરસાદ પડવાની સંભાવના છે. આખા અઠવાડિયા દરમ્યાન બેંગલુરુમાં સતત વરસાદ જોવા મળ્યો છે. મેચ દરમિયાન પણ વારંવાર વરસાદ ટપકતો રહેવાની શક્યતા છે, અને આકાશમાં કાળા વાદળો છવાયેલા રહેશે.

rrrrrrrrrrrrrrrrr

આરસીબીની સંભાવિત પ્લેઇંગ ઇલેવન:

• વિરાટ કોહલી, ફિલ સોલ્ટ/જેકબ બેથેલ, મયંક અગ્રવાલ, રજત પાટીદાર (કેપ્ટન), જીતેશ શર્મા (વિકેટકીપર), ટિમ ડેવિડ, રોમારીયો શેફર્ડ, કૃણાલ પંડ્યા, ભુવનેશ્વર કુમાર, લુંગી એનગીડી અને યશ દયાલ

  ઇમ્પેક્ટ પ્લેયર- સુયશ શર્મા

કેકેઆરની સંભાવિત પ્લેઇંગ ઇલેવન:

• રહેમાનુલ્લા ગુરબાઝ (વિકેટકીપર), સુનિલ નારાયણ, અજિંક્ય રહાણે (કેપ્ટન), અંગક્રિશ રઘુવંશી, વેંકટેશ ઐયર, આન્દ્રે રસેલ, રિંકુ સિંહ, રમનદીપ સિંહ, અનુકુલ રોય, વૈભવ અરોરા અને વરુણ ચક્રવર્તી

  ઇમ્પેક્ટ પ્લેયર – હર્ષિત રાણા

Virender Sehwag Big Statement: જ્યાં સચિન-દ્રવિડ-ગાંગુલી પણ શાંત થઈ જાય, એ કપ્તાનનો કિસ્સો કહી રહ્યા છે સહવાગ

Virender Sehwag Big Statement: ક્રિકેટમાંથી નિવૃત્તિ લીધા પછી, વીરેન્દ્ર સેહવાગ કોમેન્ટ્રીની દુનિયામાં પોતાની ઓળખ બનાવી રહ્યા છે. વીરેન્દ્ર સેહવાગે તાજેતરમાં ખુલાસો કર્યો છે કે તેના રમતના દિવસોમાં એક કેપ્ટન હતો જે સચિન તેંડુલકર, રાહુલ દ્રવિડ અને સૌરવ ગાંગુલીને પણ ઠપકો આપતો હતો.

Virender Sehwag Big Statement: ટીમ ઈન્ડિયાના ભૂતપૂર્વ વિસ્ફોટક ઓપનર વીરેન્દ્ર સેહવાગને વિશ્વના શ્રેષ્ઠ બોલરોને હરાવવાની અને તેમની લાઇન અને લેન્થ બગાડવાની આદત હતી. ભારતીય ક્રિકેટના ઇતિહાસમાં ઘણા મહાન બેટ્સમેન આવ્યા અને ગયા, પરંતુ વીરુ જેવો બેટ્સમેન શોધવો મુશ્કેલ છે. ક્રિકેટમાંથી નિવૃત્તિ લીધા પછી, વીરેન્દ્ર સેહવાગ કોમેન્ટ્રીની દુનિયામાં પોતાની ઓળખ બનાવી રહ્યા છે. વીરેન્દ્ર સેહવાગે તાજેતરમાં ખુલાસો કર્યો છે કે તેના રમતના દિવસોમાં એક કેપ્ટન હતો જે સચિન તેંડુલકર, રાહુલ દ્રવિડ અને સૌરવ ગાંગુલીને પણ ઠપકો આપતો હતો.

ભારતના સૌથી દબંગ કપ્તાન

વીરેન્દ્ર સહવાગે એક ઈન્ટરવ્યૂ દરમિયાન ખુલાસો કર્યો કે એવા એક કપ્તાન હતા, જેમની સામે સચિન તેંડુલકર, રાહુલ દ્રવિડ અને સૌરવ ગાંગુલી જેવા દિગ્ગજ ખેલાડીઓ પણ કંઇ બોલી શકતા નથી.

સહવાગે કહ્યું:
“મારા સમયગાળામાં અનિલ કુંબલે એવા કપ્તાન હતા, જેમને મેં રાહુલ દ્રવિડ, સચિન તેંડુલકર અને સૌરવ ગાંગુલી ઉપર ગુસ્સો કરતા જોયા છે. જોકે, કોઈ પણ તેમને પલટીને જવાબ આપતો નહોતો. બધા શાંતિથી માથું નીચે કરી નીચે ઉતરી જતા. ટીમ ઈન્ડિયામાં અનિલ કુંબલેને એટલી વધુ ઇજ્જત હતી.”

આ કપ્તાન ન હોત તો સહવાગનો ટેસ્ટ કરિયર ડૂબી ગયો હોત

વિરેન્દ્ર સહવાગે ખુલાસો કર્યો હતો કે વર્ષ 2008માં અનિલ કુંબલેની કહેલી વાતથી તેમનું ટેસ્ટ કરિયર બચી ગયું. સહવાગે જણાવ્યું હતું કે એક વખત એમને અચાનક ખબર પડી કે તેઓ ભારતીય ટેસ્ટ ટીમમાં નથી રહ્યા. વર્ષ 2007માં એમને જાણ કરાવવામાં આવી કે તેઓને ટેસ્ટ ટીમમાંથી ડ્રોપ કરી દેવામાં આવ્યા છે. સહવાગ માને છે કે જો એક વર્ષ માટે તેમને ટીમમાંથી બહાર ન કાઢવામાં આવ્યા હોત, તો તેઓ 10,000 ટેસ્ટ રન પૂરા કરી લેતાં.

આ માણસે આપ્યો મોકો અને બદલી ગઈ કિસ્મત

વિરેન્દ્ર સહવાગે સ્વીકાર્યું હતું કે 2007માં ટીમ ઈન્ડિયાના કપ્તાન અનિલ કુંબલે એ તેમના ડૂબતા ટેસ્ટ કરિયરને બચાવ્યું. 2007-08ના ઑસ્ટ્રેલિયા પ્રવાસ દરમિયાન ત્રીજું ટેસ્ટ મેચ પર્થમાં રમાનું હતું. એ પહેલાં ટીમ કૅનબેરા ગઈ હતી, જ્યાં એક પ્રેક્ટિસ મેચ થવાની હતી.

પ્રેક્ટિસ મેચમાં જ શતક

સહવાગે કહ્યું હતું કે તે પ્રેક્ટિસ મેચ પહેલા અનિલ કુંબલે એ કહ્યું હતું કે “તમે અડધું શતક બનાવો, તો પર્થ ટેસ્ટ માટે પસંદ કરવામાં આવીશ.” સહવાગે તો લંચ પહેલા જ શતક ઠોકી દીધું! અને પછી તેમને પર્થ ટેસ્ટ માટે ટીમમાં લેવામાં આવ્યા. સહવાગે કહ્યું કે, “એ પ્રવાસ પછી અનિલ ભાઈએ મને વચન આપ્યું હતું કે, જયાં સુધી હું ટેસ્ટ કપ્તાન છું, તું ટીમથી બહાર નહીં જશો.”

પર્થ ટેસ્ટમાં રમ્યા અને બચાવ્યો વિશ્વાસ

સહવાગને પર્થ ટેસ્ટની પ્લેઈંગ ઇલેવનમાં સામેલ કરવામાં આવ્યા હતા. તેમણે તે મેચમાં 63 રનની મહત્ત્વપૂર્ણ ઇનિંગ રમી હતી. સહવાગે કહ્યું, “એ 60 રન મારા જીવનના સૌથી મુશ્કેલ રન હતા. હું અનિલ ભાઈના મને આપેલા વિશ્વાસને સાચું સાબિત કરવા રમી રહ્યો હતો. હું નહી ઈચ્છતો હતો કે લોકો તેમને મારા ઓસ્ટ્રેલિયા પ્રવાસ માટે જવાબદાર ઠેરવે.”

વિરેન્દ્ર સહવાગના અદભૂત રેકોર્ડ્સ

• ટેસ્ટ મેચો: 104

  • રન: 8586

  • સરેરાશ: 49.34

  • શતકો/અડધા શતકો: 23 / 32

  • સર્વોત્તમ સ્કોર: 319

• વનડે મેચો: 251

  • રન: 8273

  • શતકો/અડધા શતકો: 15 / 38

  • સર્વોત્તમ સ્કોર: 219

• T20 મેચો: 19

  • રન: 394

  • બેસ્ટ સ્કોર: 68