IPL Prize Money: RCB અને પંજાબ કિંગ્સ… IPLમાંથી થશે છાપરફાડ કમાણી

IPL પ્રાઇઝ મની: IPL 2025નો ઉત્સાહ હવે તેના અંતિમ તબક્કામાં પહોંચી ગયો છે. ટુર્નામેન્ટમાં બે ફાઇનલિસ્ટ ટીમો છે. 3 જૂને, અમદાવાદના નરેન્દ્ર મોદી સ્ટેડિયમમાં રોયલ ચેલેન્જર્સ બેંગ્લોર અને પંજાબ કિંગ્સ વચ્ચે શાનદાર મેચ રમાશે.

IPL Prize Money: IPL 2025નો રોમાંચ હવે તેના અંતિમ તબક્કામાં પહોંચી ગયો છે. ટુર્નામેન્ટમાં બે ફાઇનલિસ્ટ ટીમો છે. 3 જૂને અમદાવાદના નરેન્દ્ર મોદી સ્ટેડિયમમાં રોયલ ચેલેન્જર્સ બેંગ્લોર અને પંજાબ કિંગ્સ વચ્ચે શાનદાર મેચ થશે. RCBએ ક્વોલિફાયર-1માં પંજાબ કિંગ્સને હરાવીને ફાઇનલમાં પોતાનું સ્થાન નિશ્ચિત કર્યું હતું. આ પછી, એલિમિનેટરમાં ગુજરાત ટાઇટન્સને હરાવીને ક્વોલિફાયર-2માં પહોંચેલી મુંબઈ ઇન્ડિયન્સને હારનો સામનો કરવો પડ્યો. પંજાબે તેમને હરાવ્યા. હવે RCB અને પંજાબ બંને પહેલીવાર ટાઇટલ જીતવા માટે નજર રાખી રહ્યા છે.

વિજેતા ટીમને કેટલા રૂપિયા મળશે?

ક્વોલિફાયર-1માં પંજાબને આરસીબીએ હરાવીને સીધા ફાઈનલમાં સ્થાન પકકું કર્યું હતું. હવે શ્રેયસ અય્યરની નજર બદલો લેવા પર રહેશે. સાથે જ પંજાબની નજર 20 કરોડ રૂપિયાની ઇનામ રકમ પર રહેશે.

હા, જો પંજાબ ફાઈનલ જીતી જાય તો તેમને ઇનામ રૂપે 20 કરોડ રૂપિયા મળશે.
આઇપીએલના નિયમો મુજબ, ફાઈનલ જીતનારી ટીમને 20 કરોડ રૂપિયા અને ઉપવિજેતાને 13 કરોડ રૂપિયા મળતા હોય છે.

પર્પલ અને ઓરેન્જ કેપ વિજેતાને પણ મળશે રકમ

આવતીકાલે અલગ-અલગ વ્યક્તિગત પુરસ્કારો પણ આપવામાં આવે છે. સીઝનમાં સૌથી વધુ રન બનાવનાર ખેલાડીને ઓરેન્જ કેપ આપવામાં આવે છે. સાથે તેને 10 લાખ રૂપિયા પણ આપવામાં આવે છે.

સૌથી વધુ વિકેટ મેળવનારા બોલરને પર્પલ કેપથી સન્માનિત કરવામાં આવે છે. આ બોલરને પણ 10 લાખ રૂપિયા મળે છે.

આ બે પુરસ્કારો સિવાય અન્ય ઘણા ઇનામો પણ આપવામાં આવે છે.

IPL 2025: વ્યક્તિગત પુરસ્કાર અને રકમ

• ઓરેન્જ કેપ – 10 લાખ રૂપિયા

• પર્પલ કેપ – 10 લાખ રૂપિયા

• ઈમર્જિંગ પ્લેયર ઓફ ધ સીઝન – 20 લાખ રૂપિયા

• મોસ્ટ વેલ્યુએબલ પ્લેયર ઓફ ધ સીઝન – 10 લાખ રૂપિયા

• સુપર સ્ટ્રાઇકર ઓફ ધ સીઝન – 10 લાખ રૂપિયા

• પાવર પ્લેયર ઓફ ધ સીઝન – 10 લાખ રૂપિયા

• સીઝનમાં સૌથી વધુ સિક્સ – 10 લાખ રૂપિયા

• ગેમ ચેન્જર ઓફ ધ સીઝન – 10 લાખ રૂપિયા

આ રીતે IPL પ્રાઈઝ મનીમાં થયું પરિવર્તન

• 2008-2009: શરૂઆતમાં વિજેતાને ₹4.8 કરોડ અને રનર-અપને ₹2.4 કરોડ મળતા હતા. તે સમયે આ મોટી રકમ હતી.
• 2010-2013: આ સમયમાં ઇનામમાં નોંધપાત્ર વધારો થયો. વિજેતા ટીમને ₹10 કરોડ અને ઉપવિઝેતા ટીમને ₹5 કરોડ મળવા લાગ્યા.
• 2014-2015: BCCIએ વિજેતાના ઇનામને ₹15 કરોડ સુધી વધાર્યું અને રનર-અપને ₹10 કરોડ મળવા લાગ્યા. આ IPL માટે એક મોટું પગલું બન્યું.
• 2016: ઇનામમાં ફરી વધારો થયો. વિજેતાને ₹16 કરોડ અને રનર-અપને ₹10 કરોડ મળ્યા.
• 2017: પ્રથમ વખત ઇનામમાં ઘટાડો આવ્યો. વિજેતાને ₹15 કરોડ અને રનર-અપને ₹10 કરોડ જ મળ્યા.
• 2018-2019: મોટો વધારો થયો. વિજેતા ટીમને ₹20 કરોડ અને રનર-અપને ₹12.6 કરોડ મળવા લાગ્યા. આ IPLના ઇતિહાસમાં મહત્વપૂર્ણ સિદ્ધી હતી.
• 2020: COVID-19 મહામારી અને આર્થિક અસરને કારણે ઇનામમાં ઘટાડો કર્યો. વિજેતાને ₹10 કરોડ અને રનર-અપને ₹6.25 કરોડ મળ્યા.
• 2021: મહામારી બાદ ફરીથી ઇનામ પ્રારંભિક સ્તરે લાવવામાં આવ્યું. વિજેતા ટીમને ₹20 કરોડ અને રનર-અપને ₹12.2 કરોડ મળ્યા.
• 2022-2025: વિજેતા ટીમને ₹20 કરોડ અને રનર-અપને ₹13 કરોડ આપવામાં આવે છે. આ સમય દરમિયાન લીગમાં સ્થિરતા આવી છે અને નવી ટીમો – ગુજરાત ટાઇટન્સ અને લખનૌ સુપર જાઈન્ટ્સ – સામેલ થઈ.

IPL Winners List: કઈ ટીમ કઈ સિઝનમાં ચેમ્પિયન બની; કોણ રનર-અપ રહ્યું

IPL Winners List: પંજાબ કિંગ્સ અને રોયલ ચેલેન્જર્સ બેંગ્લોર, બંને 3 જૂને તેમના પ્રથમ IPL ટાઇટલ માટે ફાઇનલ રમશે. જાણો 2008 થી અત્યાર સુધી કઈ ટીમે કઈ સિઝનમાં ટાઇટલ જીત્યું છે.

IPL Winners List: આ વખતે આપણને નવી IPL ચેમ્પિયન ટીમ મળશે તે ચોક્કસ છે, કારણ કે 2008 થી રમી રહેલી પંજાબ કિંગ્સ અને રોયલ ચેલેન્જર્સ બેંગ્લોર હજુ સુધી કોઈ IPL ટાઇટલ જીતી શક્યા નથી. બંને ટીમો 3 જૂન, મંગળવારના રોજ નરેન્દ્ર મોદી ક્રિકેટ સ્ટેડિયમ ખાતે ફાઇનલ રમશે. અહીં તમને 2008 થી અત્યાર સુધી દરેક સિઝનમાં કઈ ટીમ ચેમ્પિયન બની છે, કોણ રનર-અપ રહ્યું છે તેની માહિતી આપવામાં આવી છે.

મુંબઈ ઇન્ડિયન્સ અને ચેન્નાઈ સુપર કિંગ્સ સંયુક્ત રીતે IPLમાં સૌથી વધુ ટ્રોફી જીતનાર ટીમો છે. બંનેએ ૫-૫ ટ્રોફી જીતી છે, પરંતુ IPL ૨૦૨૫ ના ફાઇનલમાં સ્થાન મેળવ્યું નથી. ચેન્નાઈ સુપર કિંગ્સ પોઈન્ટ ટેબલમાં સૌથી નીચે હતું અને પ્લેઓફ રેસમાંથી બહાર થનારી પ્રથમ ટીમ બની હતી. જ્યારે મુંબઈ ઈન્ડિયન્સે ચોથા સ્થાને રહીને પ્લેઓફમાં સ્થાન મેળવ્યું હતું અને એલિમિનેટરમાં ગુજરાત ટાઇટન્સને હરાવ્યું હતું. જોકે, ક્વોલિફાયર-૨ માં તેઓ પંજાબ કિંગ્સ સામે હારી ગયા હતા.

IPL વિજેતાઓની યાદી

• IPL 2008 વિજેતા: રાજસ્થાન રોયલ્સ

• IPL 2009 વિજેતા: ડેક્કન ચાર્ચર્સ

• IPL 2010 વિજેતા: ચેન્નાઈ સુપર કિંગ્સ

• IPL 2011 વિજેતા: ચેન્નાઈ સુપર કિંગ્સ

• IPL 2012 વિજેતા: કોલકાતા નાઈટ રાઈડર્સ

• IPL 2013 વિજેતા: મુંબઈ ઇન્ડિયન્સ

• IPL 2014 વિજેતા: કોલકાતા નાઈટ રાઈડર્સ

• IPL 2015 વિજેતા: મુંબઈ ઇન્ડિયન્સ

• IPL 2016 વિજેતા: સનરાઇઝર્સ હૈદરાબાદ

• IPL 2017 વિજેતા: મુંબઈ ઇન્ડિયન્સ

• IPL 2018 વિજેતા: ચેન્નાઈ સુપર કિંગ્સ

• IPL 2019 વિજેતા: મુંબઈ ઇન્ડિયન્સ

• IPL 2020 વિજેતા: મુંબઈ ઇન્ડિયન્સ

• IPL 2021 વિજેતા: ચેન્નાઈ સુપર કિંગ્સ

• IPL 2022 વિજેતા: ગુજરાત ટાઇટન્સ

• IPL 2023 વિજેતા: ચેન્નાઈ સુપર કિંગ્સ

• IPL 2024 વિજેતા: કોલકાતા નાઈટ રાઈડર્સ

IPL માં દરેક સીઝનની રનર-અપ ટીમ

• 2008: ચેન્નાઈ સુપર કિંગ્સ

• 2009: રોયલ ચેલેન્જર્સ બેંગ્લુરુ

• 2010: મુંબઈ ઇન્ડિયન્સ

• 2011: રોયલ ચેલેન્જર્સ બેંગ્લુરુ

• 2012: ચેન્નાઈ સુપર કિંગ્સ

• 2013: ચેન્નાઈ સુપર કિંગ્સ

• 2014: પંજાબ કિંગ્સ

• 2015: ચેન્નાઈ સુપર કિંગ્સ

• 2016: રોયલ ચેલેન્જર્સ બેંગ્લુરુ

• 2017: રાઈઝિંગ પુણે સુપરજાયન્ટ્સ

• 2018: સનરાઇઝર્સ હૈદરાબાદ

• 2019: ચેન્નાઈ સુપર કિંગ્સ

• 2020: દિલ્હી કેપિટલ્સ

• 2021: કોલકાતા નાઈટ રાઈડર્સ

• 2022: રાજસ્થાન રોયલ્સ

• 2023: ગુજરાત ટાઇટન્સ

• 2024: સનરાઇઝર્સ હૈદરાબાદ

IPL માં સૌથી વધુ પ્લેયર ઑફ ધ ટૂર્નામેન્ટ કોણ છે?

IPL માં સૌથી વધુ પ્લેયર ઑફ ધ ટૂર્નામેન્ટનો રેકોર્ડ સુનીલ નરેનેના નામે છે. તેણે કુલ 3 વાર (2012, 2014 અને 2018) આ એવોર્ડ જીતી છે.

સૌથી વધુ IPL ફાઇનલ રમતી ટીમ કઈ છે?

ચેન્નાઈ સુપર કિંગ્સ સૌથી વધુ IPL ફાઇનલ રમતી ટીમ છે. તેમણે કુલ 10 ફાઇનલ રમ્યા છે, જેમાંથી 5 જીતી છે અને 5 હારી છે. જ્યારે મુંબઈ ઇન્ડિયન્સ 6 વાર IPL ફાઇનલમાં પહોંચી છે, જેમાંથી ફક્ત 1 વાર હારી છે.

રોયલ ચેલેન્જર્સ બેંગ્લુરુ કેટલાં વાર IPL ફાઇનલમાં પહોંચી છે?

IPL 2025 સુધીમાં, RCB કુલ 3 વાર IPL ફાઇનલમાં પહોંચી છે, પરંતુ ક્યારેય ટ્રોફી જીતી નથી. RCB 2009, 2011 અને 2016 માં ફાઇનલ સુધી પહોંચી હતી.

પંજાબ કિંગ્સ કેટલાં વાર IPL ફાઇનલમાં પહોંચી છે?

IPL 2025 પહેલા પંજાબ કિંગ્સ માત્ર 1 વાર IPL ફાઇનલમાં પહોંચી હતી. 2014 માં તેમને ફાઇનલમાં કોલકાતા નાઈટ રાઇડર્સ (KKR)એ હરાવ્યો હતો. આ વખતે પહેલીવાર છે કે પંજાબ કિંગ્સ ફરીથી ફાઇનલ રમશે.

Glenn Maxwell Retire: આ બેટ્સમેન 2027નો વર્લ્ડ કપ નહીં રમે, અચાનક ODIમાંથી નિવૃત્તિ લઈને બધાને આશ્ચર્યચકિત કરી દીધા

Glenn Maxwell Retire: પંજાબ કિંગ્સ અને ઓસ્ટ્રેલિયાના દિગ્ગજ ઓલરાઉન્ડર ગ્લેન મેક્સવેલે IPL 2025 દરમિયાન ODI ક્રિકેટમાંથી નિવૃત્તિ લઈ લીધી છે. તેણે બે ODI વર્લ્ડ કપમાં ઓસ્ટ્રેલિયાની જીતમાં મહત્વપૂર્ણ ભૂમિકા ભજવી હતી.

Glenn Maxwell Retire: પંજાબ કિંગ્સ અને ઓસ્ટ્રેલિયાના દિગ્ગજ ઓલરાઉન્ડર ગ્લેન મેક્સવેલે IPL 2025 દરમિયાન ODI ક્રિકેટમાંથી નિવૃત્તિ લીધી છે. તેમણે બે ODI વર્લ્ડ કપમાં ઓસ્ટ્રેલિયાની જીતમાં મહત્વપૂર્ણ ભૂમિકા ભજવી હતી. મેક્સવેલ 2015 અને 2023માં આ ટુર્નામેન્ટ જીતનારી કાંગારૂ ટીમનો સભ્ય હતો. અનુભવી ખેલાડીએ કહ્યું છે કે તે T20 આંતરરાષ્ટ્રીય મેચો માટે ઉપલબ્ધ રહેશે અને ફ્રેન્ચાઇઝ T20 કારકિર્દીને અલવિદા કહ્યું નથી.

2012માં કર્યો હતો ડેબ્યૂ

મૅક્સવેલે ઓસ્ટ્રેલિયા માટે 149 વનડે મેચોમાં કુલ 3990 રન બનાવ્યા છે. 25 ઓગસ્ટ 2012ના રોજ શારજાહમાં તેમણે પોતાના વનડે કરિયરની શરૂઆત (ડેબ્યૂ) કરી હતી. તેમણે વનડે વર્લ્ડ કપ 2023 દરમિયાન અફઘાનિસ્તાન સામે યાદગાર ડબલ સেঞ্চ્યુરી ફટકારી હતી, જેને વર્લ્ડ કપના ઇતિહાસની શ્રેષ્ઠ ઇનિંગ્સમાં ગણવામાં આવે છે.

મૅક્સવેલે એડમ કોલિન્સ સાથે ‘The Final Word’ પોડકાસ્ટમાં પોતાના નિવૃત્તિ અંગે વાત કરી હતી. તેમણે કહ્યું કે, “હવે મને પોતાને પૂર્વ ખેલાડી કહેવડાવું થોડીક અજીબ લાગણી થાય છે.”

After a truly memorable ODI career, Glenn Maxwell has called time on that format: https://t.co/ktWUdnmoVM pic.twitter.com/hn5zCZdE5V

— cricket.com.au (@cricketcomau) June 2, 2025

મૅક્સવેલ 2027 વર્લ્ડ કપમાં નહીં રમે

મૅક્સવેલે કહ્યું, “ઓસ્ટ્રેલિયા માટે થોડા મેચ રમવામાં મને ખૂબ ગૌરવ અનુભવાયો. યુએઈમાં પાકિસ્તાન સામે સિરીઝ જીતનારી ટીમનો હિસ્સો બનવું પણ ગૌરવભર્યું હતું. એ મારી પહેલી સિરીઝ હતી અને એ એક ખાસ ક્ષણ હતી. હું જીવનમાં ઘણાં ઊતાર-ચઢાવમાંથી પસાર થયો છું. કેટલાક વર્લ્ડ કપ રમ્યા છે અને કેટલીક મહાન ટીમોનો હિસ્સો રહ્યો છું.”

મૅક્સવેલે જણાવ્યું કે નિર્ણય લેવાની પ્રક્રિયા આ વર્ષની ચેમ્પિયન્સ ટ્રોફીની શરૂઆતમાં શરૂ થઈ હતી, જ્યાં તેમના શરીરે સાથ આપવો બંધ કર્યો હતો. તે 2027ના વનડે વર્લ્ડ કપમાં ભાગ લઈ શકશે નહીં.

મૅક્સવેલનો વનડે કરિયર

મૅક્સવેલે ઓસ્ટ્રેલિયા માટે કુલ 149 વનડે મેચો રમ્યા હતા. આ દરમિયાન તેમણે 33.81ની સરેરાશ સાથે 3990 રન બનાવ્યા. તેમનો સ્ટ્રાઇક રેટ 126.70 રહ્યો. તેમના બેટમાંથી 4 સદી અને 23 અડધી સદી આવી છે. તેમણે કુલ 382 ચોગ્ગા અને 155 છગ્ગા ફટકાર્યા છે. વનડે ક્રિકેટમાં મૅક્સવેલે બોલિંગ દ્વારા પણ યોગદાન આપ્યું છે અને 77 વિકેટ લીધી છે.

મૅક્સવેલે પોતાનો છેલ્લો વનડે મેચ 4 માર્ચ 2025ના રોજ દુબઈમાં ભારત સામે રમ્યો હતો. એ ચેમ્પિયન્સ ટ્રોફીનો સેમીફાઇનલ મેચ હતો, જેમાં ઓસ્ટ્રેલિયાને હારનો સામનો કરવો પડ્યો હતો. પછી ભારતે ન્યૂઝીલેન્ડને હરાવીને ટૂર્નામેન્ટ જીતી હતી.

આઈપીએલ 2025માં નિષ્ફળ રહ્યાં મૅક્સવેલ

મૅક્સવેલ આઈપીએલમાં પંજાબ કિંગ્સની ટીમનો હિસ્સો છે. તેઓ ઇજાના કારણે હાલના સીઝન દરમ્યાન મધ્યે જ બહાર થઈ ગયા હતા. ફ્રેંચાઈઝીએ તેમને ₹3.2 કરોડમાં ખરીદ્યા હતા, પણ તેઓ બેટ અને બોલ બંનેમાં સારું પ્રદર્શન ન આપી શક્યા.

મૅક્સવેલે આ સીઝનમાં 7 મેચ રમ્યા અને માત્ર 8ની સરેરાશ સાથે કુલ 48 રન બનાવ્યા. તેમનો સ્ટ્રાઇક રેટ 97.96 રહ્યો. બોલિંગમાં પણ તેઓ માત્ર 4 વિકેટ જ લઇ શક્યા.

જો સમગ્ર આઈપીએલ કરિયરની વાત કરીએ તો મૅક્સવેલે અત્યાર સુધી 141 મેચોમાં 23.89ની સરેરાશ અને 155.15ના સ્ટ્રાઇક રેટથી 2819 રન બનાવ્યા છે. બેટિંગ સિવાય તેઓએ કુલ 41 વિકેટ પણ મેળવ્યા છે.