ટેસ્ટમાં મર્યાદિત સફળતા, પરંતુ કોઈ અફસોસ નહીં
33 ટેસ્ટમાં ઘણી સારી ઇનિંગ્સ રમવા છતાં ધવનનો ટેસ્ટ કરિયર લાંબો નહીં રહ્યો. વર્ષ 2018ની ઇંગ્લેન્ડ સિરીઝ પછી તેમને ટેસ્ટ ટીમમાંથી બહાર કરી દેવામાં આવ્યા. મીડિયાને આપેલા એક ખાસ ઈન્ટરવ્યૂમાં તેઓ કહે છે:
“મેં કોશિશ કરી, પણ કદાચ મારી શ્રેષ્ઠ પ્રદર્શન પૂરતું નહોતું. હવે જ્યારે હું પાછળ વળીને જોઉં છું, તો મને ખુશી થાય છે કે મેં જે મેળવ્યું, તે કોઈ સપનાથી ઓછું નહોતું.”

T20 થી વિદાયનો અંદાજ પહેલેથી હતો
શિખર ધવનને T20 વર્લ્ડ કપ 2021 માટે ટીમમાં સ્થાન મળ્યું નહોતું, પરંતુ તેમને પહેલેથી જ સમજ આવી ગઈ હતી કે હવે બદલાવ નિશ્ચિત છે. આ વિશે ધવન કહે છે:
“મેં કોઈને ફોન પણ નહોતો કર્યો, કારણ કે મને ખબર હતી કે દરેકની પોતાની વિચારો હોય છે અને વાદ વિવાદથી કઈ બદલાતું નથી.”

ODIથી વિદાય : સૌથી મોટો ઝટકો

2013ની ચેમ્પિયન્સ ટ્રોફીથી લઈને 2022 સુધી, શિખર ધવને વનડે ક્રિકેટમાં જે યોગદાન આપ્યું છે, તે ખરેખર અનમોલ છે. 2015 વર્લ્ડ કપ હોય કે 2017ની ચેમ્પિયન્સ ટ્રોફી — દરેક મોટા મંચ પર તેમણે ભારત માટે સૌથી વધુ રન બનાવ્યા.
રોહિત શર્મા સાથે તેમની ઓપનિંગ જોડીએ સૌરવ ગાંગુલી અને સહવાગની જોડી પછી ભારતની સૌથી સફળ જોડીઓમાં સ્થાન મેળવ્યું.

પણ દુર્ભાગ્યે, તેમને 2023ના વર્લ્ડ કપ માટે પસંદ કરવામાં આવ્યા નહીં. આ વિષયમાં તેઓ કહે છે:
“શુભમન ગિલનો પ્રદર્શન અદભૂત હતું. હું ફક્ત ODI જ રમી રહ્યો હતો, જ્યારે તે ત્રણેય ફોર્મેટમાં પ્રભાવશાળી રહ્યો હતો. આવામાં હું ક્યાં ઊભો રહ્યો હોત?”

ઇશારો મળી ગયો હતો – ‘હવે અંત આવી શકે છે’

2022ના બાંગ્લાદેશ પ્રવાસ દરમિયાન, જયારે ઈશાન કિશને ડબલ સેન્ટુરી ફટકારી હતી, ત્યારે ધવનને અંદાજ આવી ગયો હતો કે કદાચ આ તેમની છેલ્લી ઈન્ટરનેશનલ ઇનિંગ બની શકે છે.
તેમ છતાં તેમણે આશા છોડીને પોતાને તોડી નાંખ્યા નહીં.
“મારે અંદરથી લાગ્યું કે કદાચ આ મારી છેલ્લી મેચ છે,” તેઓ કહે છે. “પણ હું તૂટ્યો નહીં. મિત્રો સાથે હસી મજાક કરી, અને જીવનને એવા જ સ્વીકાર્યું જેમ કે પિચ પર બોલને હસતાં હસતાં સ્વીકારતો હતો.”