IPL 2025 ના ફાઇનલ પર વિવાદ? કોલકાતા ના ફેન્સે કેમ કર્યો વિરોધ પ્રદર્શન?

ઇન્ડિયન પ્રીમિયર લીગ 2025 ફરી શરૂ થાય તે પહેલા કોલકાતામાં ક્રિકેટ ચાહકોએ વિરોધ શરૂ કરી દીધો છે. તેઓ BCCIના એક નિર્ણયથી નારાજ છે. આ પ્રદર્શનનો વીડિયો સોશિયલ મીડિયા પર ઝડપથી વાયરલ થઈ રહ્યો છે.

ભારત અને પાકિસ્તાન વચ્ચે યુદ્ધવિરામ બાદ, આઈપીએલ 2025 શનિવાર એટલે કે 17 મેથી ફરી શરૂ થઈ રહી છે. પહેલી મેચ કોલકાતા નાઈટ રાઈડર્સ અને રોયલ ચેલેન્જર્સ બેંગ્લોર વચ્ચે રમાશે. આ મેચ બેંગલુરુના એમ. ચિન્નાસ્વામી સ્ટેડિયમ ખાતે રમાશે. પ્લેઓફમાં પહોંચવા માટે, ટોચની 7 ટીમોની દરેક મેચ કરો યા મરોની સ્થિતિ છે. બધી ટીમોએ આ માટે તૈયારી કરી લીધી છે, પરંતુ આ દરમિયાન BCCI માટે એક મોટી સમસ્યા ઊભી થઈ છે. કોલકાતાના ક્રિકેટ ચાહકો ભારતીય ક્રિકેટ કંટ્રોલ બોર્ડના એક નિર્ણયથી ખૂબ જ ગુસ્સે છે. શુક્રવારે (૧૬ મે) ઇડન ગાર્ડન્સની બહાર તેઓએ પ્રદર્શન કર્યું.

ચાહકોએ વિરોધ કેમ કર્યો?

IPL 2025 ની ફાઇનલ પહેલા 25 મે ના રોજ કોલકાતાના ઇડન ગાર્ડન્સ ખાતે યોજાવાની હતી, પરંતુ ભારત અને પાકિસ્તાન વચ્ચેના તણાવને કારણે, લીગને એક અઠવાડિયા માટે સ્થગિત કરવામાં આવી હતી. હવે તે શનિવાર (૧૭ મે) થી ફરી શરૂ થઈ રહ્યું છે, પરંતુ હવે એવું અનુમાન લગાવવામાં આવી રહ્યું છે કે ફાઇનલ મેચ કોલકાતામાં નહીં યોજાય. કોલકાતાના ક્રિકેટ ચાહકો આ અંગે ખૂબ ગુસ્સે છે. તેમણે ૧૬ મેના રોજ ઇડન ગાર્ડન્સ સ્ટેડિયમની બહાર જોરદાર વિરોધ પ્રદર્શન કર્યું.

 

View this post on Instagram

 

A post shared by Asian News International (@ani_trending)

તેમણે કહ્યું કે આ સિઝનની ફાઇનલ એ જ જગ્યાએ યોજવી જોઈએ જ્યાં પહેલા નક્કી કરવામાં આવ્યું હતું. વિરોધ કરનારાઓએ BCCI ને પોતાના નિર્ણય પર પુનર્વિચાર કરવાની અપીલ કરી છે. આ પ્રદર્શનનો વીડિયો સોશિયલ મીડિયા પર ઝડપથી વાયરલ થઈ રહ્યો છે.

IPL 2025 ની ફાઇનલ અમદાવાદમાં યોજાઈ શકે છે

IPL 2025 ની ફાઇનલ જે 25 મે ના રોજ યોજાવાની હતી તે હવે 3 જૂને રમાશે. આ ઉપરાંત, ટાઇટલ મેચ હવે કોલકાતાને બદલે અમદાવાદમાં યોજાઈ શકે છે. સૂત્રોના જણાવ્યા અનુસાર, અમદાવાદના નરેન્દ્ર મોદી સ્ટેડિયમને આ સિઝનના ક્વોલિફાયર 2 અને ફાઇનલનું આયોજન કરવા માટે પસંદ કરવામાં આવ્યું છે. આ બંને મેચ ૧ અને ૩ જૂનના રોજ રમાશે.

તમને જણાવી દઈએ કે ઓપરેશન સિંદૂર પછી, ભારત અને પાકિસ્તાન વચ્ચે વધતા લશ્કરી તણાવને કારણે, આ લીગને એક અઠવાડિયા માટે સ્થગિત કરવામાં આવી હતી. આ પછી, 12 મેના રોજ, બંને દેશો વચ્ચે યુદ્ધવિરામ બાદ, BCCI એ IPL 2025 નું નવું શેડ્યૂલ જાહેર કર્યું. આ મુજબ, હવે ફાઇનલ મેચ 3 જૂને રમાશે. જોકે, ફાઇનલ ક્યાં યોજાશે તે અંગે હજુ સુધી કોઈ સ્થળ નક્કી થયું નથી.

Video: મેચ વચ્ચે અચાનક મધમાખીઓનો હુમલો! આ રીતે બચાવ્યા તેમના જીવ, વીડિયો

Video: ઈંગ્લેન્ડમાં રમાઈ રહેલી કાઉન્ટી ચેમ્પિયનશિપ દરમિયાન એક એવી ઘટના બની જેણે બધાને સ્તબ્ધ કરી દીધા. લાઈવ મેચ દરમિયાન મધમાખીઓના હુમલાને કારણે મેચ થોડા સમય માટે રોકવી પડી હતી.

Video: કાઉન્ટી ચેમ્પિયનશિપ ડિવિઝન વનની એક મેચ દરમિયાન એવી ઘટના બની કે મેચ થોડા સમય માટે રોકવી પડી. આનું કારણ વરસાદ નહીં પણ કંઈક બીજું હતું. જેના કારણે મેદાન પર હાજર બધા ખેલાડીઓ અને અમ્પાયરો સૂઈ ગયા. આ બધું વોર્સેસ્ટરશાયર અને એસેક્સ વચ્ચે વોર્સેસ્ટરમાં રમાઈ રહેલી મેચ દરમિયાન બન્યું. આ મેચના પહેલા દિવસે, વોર્સેસ્ટરશાયર શરૂઆતના પરાજયમાંથી બહાર આવ્યું અને દિવસના અંત સુધીમાં 9 વિકેટે 349 રન બનાવ્યા, પરંતુ દિવસની સૌથી ભયાનક ક્ષણ એ હતી જ્યારે મધમાખીઓના હુમલાને કારણે બધા ખેલાડીઓ જમીન પર સૂઈ ગયા. જેના કારણે મેચ થોડા સમય માટે રોકવી પડી હતી.

મધમાખીઓ બન્યાં ખલનાયક

કાઉન્ટી ચેમ્પિયનશિપ ડિવિઝન વનના મુકાબલામાં એસેક્સ ટીમે ટોસ જીતીને પહેલા ફીલ્ડિંગ કરવાનો નિર્ણય લીધો હતો. વોર્સેસ્ટરશાયરની ટીમ પ્રથમ બેટિંગ કરવા ઉતરી હતી. મેચ દરમિયાન એક અનોખો બનાવ થયો. લાઈવ મેચ દરમિયાન મધમાખીઓનો એક મોટો ઝુંડ મેદાન પર આવી ગયો. મધમાખીઓથી બચવા માટે બધા ખેલાડીઓ અને અંપાયર્સ મેદાનમાં જમીન પર સૂઈ ગયા. સલામતીના ભાગરૂપે મેચને થોડી ક્ષણ માટે રોકવી પડી. જ્યારે મધમાખીઓનો ઝુંડ મેદાનમાંથી આગળ વધ્યો, ત્યારબાદ ફરીથી રમત શરૂ કરવામાં આવી. આ સમગ્ર ઘટનાનો વિડિયો કાઉન્ટી ચેમ્પિયનશિપે તેમના ઇન્સ્ટાગ્રામ પેજ પર શેર કર્યો છે.

 

View this post on Instagram

 

A post shared by Rothesay County Championship (@countychampionship)

વોર્સેસ્ટરશાયરએ મેચમાં કરી ધમાકેદાર વાપસી

આ મેચ દરમિયાન એસેક્સના બોલરોએ વોર્સેસ્ટરશાયરને શરૂઆતમાં જ આંચકો આપ્યો હતો. વોર્સેસ્ટરશાયરના આરંભિક 5 વિકેટ માત્ર 123 રનના સ્કોર પર પડી ગયા હતા. જોકે, રોબ જોન્સ (54), મેથ્યુ વેટે (73), કાસિફ અલી (46) અને ટોમ ટેલર (43) ની શાનદાર બેટિંગના સહારે વોર્સેસ્ટરશાયરએ દિવસના અંત સુધીમાં 9 વિકેટના નુકસાન પર 354 રન બનાવ્યા.

મેથ્યુ વેટે અને ટોમ ટેલરએ 8મી વિકેટ માટે ઉપયોગી 95 રનની ભાગીદારી નોંધાવી, જેના કારણે ટીમ 350 રનના નજીક પહોંચી શકી.

દિવસના અંતે બેન એલિસન 34 રન અને યાદવિંદર સિંહ 5 રન સાથે ક્રિઝ પર હાજર હતા. એસેક્સ તરફથી બોલરોએ શાનદાર પ્રદર્શન કર્યું. શેન સ્નેટરે સૌથી વધુ ત્રણ વિકેટ ઝડપી. જયારે નોઆ થાઇન અને મેટ ક્રિચલીએ બે-બે અને જેમી પોર્ટર તથા કસુન રંજીતાએ એક-એક વિકેટ લીધા.

IPL 2025 આજથી ફરી શરૂ, પ્લેઇંગ ઇલેવન અને પિચ રિપોર્ટ સહિત બધું જાણો

RCB vs KKR: IPL 2025 આજથી ફરી શરૂ થશે. આજે બેંગલુરુ અને કોલકાતા વચ્ચે મેચ રમાશે. આ સિઝનની 58મી મેચ હશે. RCB અને KKR વચ્ચેની મેચની બધી વિગતો અહીં જાણો.

IPL 2025: આજથી ફરી ઈન્ડિયન પ્રીમિયર લીગ શરૂ થશે. ભારત-પાકિસ્તાન તણાવને કારણે 8 મેના રોજ લીગ બંધ કરવામાં આવી હતી. આજે એટલે કે શનિવાર, ૧૭ મે, IPL ૨૦૨૫ ફરી એકવાર શરૂ થશે. આજે બેંગલુરુના એમ ચિન્નાસ્વામી સ્ટેડિયમ ખાતે રોયલ ચેલેન્જર્સ બેંગ્લોર (RCB) અને કોલકાતા નાઈટ રાઈડર્સ (KKR) વચ્ચે મેચ રમાશે. RCB અને KKR વચ્ચેની મેચ માટે ટોસ સાંજે 7 વાગ્યે થશે. મેચ સાંજે ૭.૩૦ વાગ્યે શરૂ થશે.

હેડ-ટુ-હેડમાં કોણ આગળ?

આરસીબી અને કેકેઆર વચ્ચેની હેડ-ટુ-હેડ ટક્કરમાં કોલકાતા નાઈટ રાઈડર્સનો પલડો ભારે છે. કોલકાતાએ IPLમાં બેંગલુરુને 20 વખત પરાજય આપ્યો છે, જ્યારે RCBએ કોલકાતા સામે 15 મેચો જીતી છે.

જો આપણે એમ. ચિન્નાસ્વામી સ્ટેડિયમની વાત કરીએ, તો અહીં બંને ટીમો વચ્ચે અત્યાર સુધી 12 મુકાબલાઓ રમાયા છે, જેમાંથી 8 વખત કોલકાતા નાઈટ રાઈડર્સે વિજય મેળવ્યો છે.

એમ. ચિન્નાસ્વામી સ્ટેડિયમની પિચ રિપોર્ટ

બેંગલુરુનું એમ. ચિન્નાસ્વામી સ્ટેડિયમ સામાન્ય રીતે બોલર્સનું કબરસ્તાન ગણાય છે, કારણ કે અહીં બેટ્સમેન માટે સ્વર્ગ સમાન સ્થિતિ હોય છે. આ મેદાન પર ઘણા હાઈ-સ્કોરિંગ મુકાબલાઓ જોવા મળ્યા છે.

ત્યારે આજે થનારી મેચમાં પિચ પરથી બોલર્સને પણ મદદ મળી શકે છે, કારણ કે છેલ્લા કેટલાય દિવસોથી અહીં વરસાદ પડી રહ્યો છે અને પિચ લાંબા સમયથી કવર્સ હેઠળ રહી હોવાનું માનવામાં આવે છે. તેથી ખાસ કરીને ઝડપદાર બોલરો માટે મદદગાર સ્થિતિ ઊભી થઈ શકે છે.

મેચમાં વરસાદ બની શકે છે ખલેલ

બેંગલુરુમાં આજે, એટલે કે 17 મેના રોજ પણ વરસાદની શક્યતા છે. હવામાન વિભાગ મુજબ, 65% વરસાદ પડવાની સંભાવના છે. આખા અઠવાડિયા દરમ્યાન બેંગલુરુમાં સતત વરસાદ જોવા મળ્યો છે. મેચ દરમિયાન પણ વારંવાર વરસાદ ટપકતો રહેવાની શક્યતા છે, અને આકાશમાં કાળા વાદળો છવાયેલા રહેશે.

rrrrrrrrrrrrrrrrr

આરસીબીની સંભાવિત પ્લેઇંગ ઇલેવન:

• વિરાટ કોહલી, ફિલ સોલ્ટ/જેકબ બેથેલ, મયંક અગ્રવાલ, રજત પાટીદાર (કેપ્ટન), જીતેશ શર્મા (વિકેટકીપર), ટિમ ડેવિડ, રોમારીયો શેફર્ડ, કૃણાલ પંડ્યા, ભુવનેશ્વર કુમાર, લુંગી એનગીડી અને યશ દયાલ

  ઇમ્પેક્ટ પ્લેયર- સુયશ શર્મા

કેકેઆરની સંભાવિત પ્લેઇંગ ઇલેવન:

• રહેમાનુલ્લા ગુરબાઝ (વિકેટકીપર), સુનિલ નારાયણ, અજિંક્ય રહાણે (કેપ્ટન), અંગક્રિશ રઘુવંશી, વેંકટેશ ઐયર, આન્દ્રે રસેલ, રિંકુ સિંહ, રમનદીપ સિંહ, અનુકુલ રોય, વૈભવ અરોરા અને વરુણ ચક્રવર્તી

  ઇમ્પેક્ટ પ્લેયર – હર્ષિત રાણા