Rohit Sharma Love Story: જ્યાંથી રોહિતે ક્રિકેટની શરૂઆત કરી હતી, ત્યાં જ કર્યો પ્રેમનો ઇઝહાર

Rohit Sharma Love Story: રોહિત શર્માની પ્રેમકથા ખૂબ જ રસપ્રદ છે. હિટમેન હરભજન સિંહ અને ગીતા બસરાના શો ‘હૂ ઈઝ ધ બોસ’ માં જણાવ્યું છે કે તેણે રિતિકાને આઈસ્ક્રીમ ખવડાવવાનું ખોટું બહાનું બનાવીને તેને પોતાની બનાવી. અને તેણે સ્ટેડિયમમાં ઘૂંટણિયે પડીને તેને પ્રપોઝ કર્યું.

Rohit Sharma Love Story: રોહિત શર્મા આજકાલ ક્રિકેટથી દૂર છે. તાજેતરમાં તે તેની પત્ની રિતિકા સજદેહ સાથે હરભજન સિંહ અને ગીતા બસરાના શો ‘હૂ ઈઝ ધ બોસ’ માં આવ્યો હતો. જ્યાં તેણે કહ્યું કે તેણે રિતિકાને કેવી રીતે પ્રપોઝ કર્યું. હિટમેનની પ્રેમકથા ફિલ્મો જેટલી જ રસપ્રદ છે.

રોહિતે જણાવ્યું કે તેણે રિતિકાને પ્રપોઝ કરવા માટે કેવી રીતે જૂઠું બોલ્યો. ભારતીય વનડે ટીમના કેપ્ટન રોહિતે રિતિકાને આઈસ્ક્રીમ ખવડાવવાનું બહાનું બનાવ્યું. પછી તે રિતિકાને તેની કારમાં બેસાડીને ખૂબ દૂર લઈ ગયો. તે પછી, તેણે સ્ટેડિયમમાં પીચ પર ઘૂંટણિયે પડીને રિતિકાને પ્રપોઝ કર્યું અને રિતિકાએ પણ તેનો પ્રપોઝલ સ્વીકારી લીધો.

જમણા હાથના બેટ્સમેન રોહિત શર્માએ જણાવ્યું કે તેમણે રિતિકા સજ્દેહને તે ગ્રાઉન્ડ પર પ્રપોઝ કર્યું હતું જ્યાંથી તેઓએ ક્રિકેટ રમવાનું શરૂ કર્યું હતું. આ શોમાં રોહિતે કહ્યું, “મેં રિતિકા ને કહ્યું કે ચાલો આઇસક્રીમ ખાવા ચાલીએ. અમે મરીન ડ્રાઈવ પરથી નીકળ્યા અને હાજી અલીથી વર્લી અને બંદ્રા પસાર કર્યા.

Rohit Sharma telling the story of how he proposed to Ritika Bhabhi 🤣🤭. pic.twitter.com/vZzABHKTSD

— 𝐉𝐨𝐝 𝐈𝐧𝐬𝐚𝐧𝐞 (@jod_insane) June 21, 2025

રિતિકા ને ત્યાંની વધુ જાણકારી નહોતી. મેં રિતિકા ને કહ્યું કે બોરીવલીમાં એક સારી દુકાન છે, ત્યાં જઈએ. મેં ત્યાં મારા એક મિત્રને ગ્રાઉન્ડ પર પહેલા થી બોલાવી દીધું હતું. મેં તેને કહ્યું હતું કે આ ખાસ ક્ષણને કેમેરામાં કેદ કરવી. મારી વાત પ્રમાણે મારો મિત્ર ત્યાં પહેલેથી હાજર હતો.”

પિચના વચ્ચે ઘૂંટણ પર બેસીને રિતિકા ને પ્રપોઝ કર્યો

હાલમાં ટેસ્ટ ક્રિકેટમાંથી નિવૃત્ત થયેલા રોહિત શર્માએ તે ખાસ દિવસને યાદ કરતા જણાવ્યું કે જ્યારે અમે ગ્રાઉન્ડ પર પહોંચ્યા ત્યારે ત્યાં ખુબજ અંધારું હતું. રિતિકા ને ત્યાં પહોંચ્યા પછી પણ ખબર નહોતી પડી કે આ ક્રિકેટ ગ્રાઉન્ડ છે. મેં કાર પાર્ક કર્યા બાદ પિચના મધ્યમાં જઈને ઘૂંટણ પર બેસીને રિતિકા ને પ્રપોઝ કર્યું.

રોહિત અને રિતિકા 13 ડિસેમ્બર 2015 ના રોજ લગ્ન કર્યા હતા. તેમના બે બાળકો છે. પુત્રીનું નામ સમાયરા છે અને પુત્રનું નામ અહાન છે. સમાયરાનો જન્મ 30 ડિસેમ્બર 2018 ને થયો હતો જ્યારે પુત્ર અહાનનો જન્મ 15 નવેમ્બર 2024 ને થયો હતો.

રોહિત હવે ટેસ્ટ અને ટી20 ઇન્ટરનેશનલમાંથી નિવૃત્ત થઈ ચુક્યા છે અને હવે ફક્ત વનડે મેચ રમશે.

રોહિત અને રિતિકા ની પ્રથમ મુલાકાત 2008 માં થઈ હતી

રોહિત શર્માએ જણાવ્યું કે વર્ષ 2008 માં તેઓ પ્રથમવાર રિતિકા સજદેહ સાથે મળ્યા હતા. ત્યારબાદ બંનેના મિત્રતાનો સંબંધ બન્યો. રોહિતએ જણાવ્યું કે રિતિકા મને ખોરાક લાવતી હતી કેમકે મને હોટલનું ખોરાક પસંદ નહોતું. વર્ષ 2013 માં તેમની મિત્રતા પ્રેમમાં બદલાઈ ગઈ. રોહિતએ જણાવ્યું કે અમારા મિત્રો પણ સમજતા હતા કે અમારામાં કંઈક ખાસ છે, પણ શરૂઆતમાં તે એવું ન હતું.

રોહિત શર્માના રેકોર્ડ

IND vs ENG ટેસ્ટ દરમિયાન એક દુઃખદ સમાચાર આવ્યા

IND vs ENG: ભારત અને ઇંગ્લેન્ડ વચ્ચે રમાઈ રહેલી લીડ્સ ટેસ્ટ દરમિયાન એક દુઃખદ સમાચાર આવ્યા છે. ઇંગ્લેન્ડના એક દિગ્ગજ ખેલાડીનું અવસાન થયું છે. ઇજાઓને કારણે આ ખેલાડીની આંતરરાષ્ટ્રીય કારકિર્દી ટૂંકી રહી હતી, પરંતુ તેણે પોતાના માટે એક ખાસ ઓળખ બનાવી હતી.

IND vs ENG: ભારતીય ક્રિકેટ ટીમ હાલમાં ઇંગ્લેન્ડના પ્રવાસે છે. બંને ટીમો વચ્ચે 5 મેચની ટેસ્ટ શ્રેણી રમાઈ રહી છે. શ્રેણીની પહેલી મેચ લીડ્સ ગ્રાઉન્ડ પર રમાઈ રહી છે. આ મેચ દરમિયાન ઇંગ્લેન્ડથી એક દુઃખદ સમાચાર આવ્યા છે. ઇંગ્લેન્ડના એક દિગ્ગજ ખેલાડીનું અવસાન થયું છે. આ ખેલાડીની આંતરરાષ્ટ્રીય કારકિર્દી ટૂંકી હતી, પરંતુ આ ખેલાડીએ ઘરેલુ ક્રિકેટમાં ખૂબ જ સારું પ્રદર્શન કર્યું હતું.

ઇંગ્લેન્ડના દિગ્ગજ ખેલાડીનું અવસાન

ગ્લોસ્ટરશાયર અને ઇંગ્લેન્ડના પૂર્વ ઝડપી બોલર ડેવિડ લોરેન્સનું 61 વર્ષની ઉંમરે અવસાન થયું છે. ક્રિકેટ જગત માટે આ એક દુઃખદ સમાચાર છે, કારણ કે લોરેન્સએ પોતાના નાના છતાં પ્રભાવશાળી કારકિર્દીમાં પોતાની ગતિ અને જુસ્સાથી સૌનું ધ્યાન ખેંચ્યું હતું. લોરેન્સે 1980 અને 1990 ના દાયકામાં ગ્લોસ્ટરશાયર માટે ફર્સ્ટ ક્લાસ ક્રિકેટ રમ્યો અને પોતાની ઝડપી બોલિંગથી બેટ્સમેનને ઘણી તકલીફ આપી હતી.

તેમણે ઇંગ્લેન્ડ માટે પાંચ ટેસ્ટ મેચ અને એક વનડે આંતરરાષ્ટ્રીય મેચ રમી હતી. તેમનું આંતરરાષ્ટ્રીય કરિયર ઈજાઓની કારણે ઓછું રહ્યું, પરંતુ તેમની પ્રતિભા અને ઊર્જાએ તેમને ફેન્સ અને સાથી ખેલાડીઓમાં ખાસ બનાવ્યું હતું.

ડેવિડ લોરેન્સનો જન્મ ગ્લોસ્ટરશાયરમાં થયો હતો. મેદાન પર તેમની આક્રમક શૈલી અને મેદાનની બહાર તેમની મૈત્રીપૂર્ણ કુદરત તેમને સૌનો પ્રિય બનાવતી હતી. લોરેન્સના પરિવારે જારી કરેલા નિવેદનમાં જણાવ્યું હતું, ‘આપણી ખૂબ જ દુઃખ સાથે જાણ કરવી પડે છે કે મોટર ન્યુરોન રોગ સામે બહાદુરીથી લડી રહ્યા ડેવ લોરેન્સ MBEનું અવસાન થયું છે. સિડ ક્રિકેટ મેદાનની અંદર અને બહાર તેઓ પ્રેરણાદાયક વ્યક્તિ હતા, અને સૌથી વધુ તેમના પરિવાર માટે, જે તેમના અંતિમ ક્ષણોમાં તેમના સાથે હતા.

ડેવિડ લોરેન્સનો ક્રિકેટ કરિયર

ડેવિડ લોરેન્સે ઇંગ્લેન્ડ માટે વર્ષ 1988માં ડેબ્યુ કર્યું હતું અને છેલ્લો મેચ વર્ષ 1992માં રમ્યો હતો. આ સમયગાળામાં તેમણે 5 ટેસ્ટ મેચોમાં 18 વિકેટ્સ લીધાં હતા અને વનડેમાં તેમના નામે 4 વિકેટ્સ છે. તેની સાથે જ ફર્સ્ટ ક્લાસ ક્રિકેટમાં તેમણે કુલ 515 વિકેટ્સ લીધાં હતાં. તેમજ લિસ્ટ એમાં પણ તેમણે 155 વિકેટ્સ પ્રાપ્ત કર્યા હતા. એટલું જ નહીં, વર્ષ 2022માં તેમને તેમના કાઉન્ટીના પ્રમુખ તરીકે પણ પસંદ કરવામાં આવ્યા હતા.

Rishabh Pant: રવિ શાસ્ત્રીએ પંત વિશે પોતાનું નિવેદન આપ્યું

Rishabh Pant: ઋષભ પંત પાસે પોતાનું કોમ્પ્યુટર છે, જેને ફક્ત તે જ ચલાવી શકે છે. ભારતીય ક્રિકેટ સાથે સંકળાયેલા એક વ્યક્તિએ આ અંગે મોટો ખુલાસો કર્યો છે. તેણે લીડ્સ ટેસ્ટમાં તેની ઈનિંગ જોયા પછી આ વાતનો ઉલ્લેખ કર્યો છે.

Rishabh Pant : શું તમે પહેલા ક્યારેય ઋષભ પંતના કોમ્પ્યુટર વિશે સાંભળ્યું છે? ટીમ ઈન્ડિયાના દિગ્ગજ કોચ રવિ શાસ્ત્રીએ આ વાતનો ખુલાસો કર્યો છે. ભારતના ભૂતપૂર્વ મુખ્ય કોચે કહ્યું કે પંત પાસે પોતાનું કોમ્પ્યુટર છે જે ફક્ત તે જ ચલાવી શકે છે. તો શું ઋષભ પંત પાસે ખરેખર પોતાનું કોમ્પ્યુટર છે? જવાબ ના છે. તો પછી શાસ્ત્રીએ આવું કેમ કહ્યું? તેમનો કહેવાનો મતલબ પંતની રમત, તેમની માનસિક સમજણ સાથે સંબંધિત છે. તેમણે લીડ્સ ટેસ્ટની પહેલી ઈનિંગમાં તેમની રમત જોયા પછી પંત વિશે પોતાનું નિવેદન આપ્યું હતું.

પંતે હેડિંગ્લી ના ફેન્સને બનાવી દીધા દીવાના

લીડ્સ ટેસ્ટના બીજા દિવસે પંતે પોતાના ઓળખાતા અંદાજમાં બેટિંગ કરી અને હેડિંગ્લી સ્ટેડિયમના દર્શકોને ખુશ કરી દીધા. તેમણે માત્ર 178 બોલમાં 12 ચોગ્ગા અને 6 છગ્ગાની મદદથી 134 રનની શાનદાર ઇનિંગ રમી. પંતની યાદગાર ઇનિંગમાં કલાત્મકતા અને પાગલપંતી બંને જ જોવા મળ્યા. તેમણે ફક્ત બેટથી નહીં, પણ પોતાના હાવભાવથી પણ દર્શકોના રોમાંચમાં વધારો કર્યો.

પંતનો પોતાનો કમ્પ્યુટર – રવિ શાસ્ત્રી

રવિ શાસ્ત્રીએ સ્કાય સ્પોર્ટ્સ સાથે વાત કરતી વખતે કહ્યું કે પંત આંકડાઓના રમતમાં ખુબસૂરતીથી રમે છે. તે પોતાના રીતે રમે છે અને ઝડપથી પોતાના રમતમાં ફેરફાર લાવવાની ક્ષમતા ધરાવે છે. તેઓએ આગળ કહ્યું કે તેના પાસે પોતાનું એક કમ્પ્યુટર છે – અને માત્ર પંતને જ ખબર છે કે એ કેમ કામ કરે છે. શાસ્ત્રીના મતે, એ જ પંતની બેટિંગની ખાસિયત (USP) છે. એથી બોલરો દબાણમાં આવે છે અને પછી પંત તેમ પર હાવી થઈ જાય છે. ત્યારબાદ દુનિયાને જોવા મળે છે એક મનોરંજક અને મેચ વિજયી ઋષભ પંત.