IND vs AUS: ODI શુભમન ગિલ પાસે વિરાટ કોહલી જેવી ઐતિહાસિક સિદ્ધિ ફરી હાંસલ કરવાની તક

IND vs AUS ભારત અને ઓસ્ટ્રેલિયા વચ્ચેની આગામી ODI શ્રેણી માટે યુવા ઓપનર શુભમન ગિલને કેપ્ટન તરીકે પસંદ કરાયો છે. ODI ફોર્મેટમાં આ તેમનું પ્રથમ નેતૃત્વ હશે, અને આવી સ્થિતિમાં ગિલ પાસે એક ઐતિહાસિક સિદ્ધિની બરાબરી કરવાનો મોકો છે જે અત્યાર સુધી માત્ર વિરાટ કોહલી જ હાંસલ કરી શક્યા છે.

કોહલી જે હાંસલ કર્યું, તે હવે ગિલની સામે પડકાર

ભારતીય ક્રિકેટના ઇતિહાસમાં આજે સુધી માત્ર એક જ કેપ્ટન એ ઓસ્ટ્રેલિયાની ધરતી પર ODI શ્રેણી જીતવાની સિદ્ધિ હાંસલ કરી છે અને તે છે વિરાટ કોહલી. 2019માં કોહલીની કેપ્ટનશિપ હેઠળ ભારતે ત્રણ મેચની શ્રેણી 2-1થી જીતી હતી. એ શ્રેણીની પ્રથમ મેચ ઓસ્ટ્રેલિયાએ જીતી હતી, પરંતુ ત્યારબાદ ભારતીય ટીમે ત્રણેય ડિપાર્ટમેન્ટમાં શાનદાર દેખાવ સાથે બે મેચ જીતીને શ્રેણી પોતાના નામે કરી હતી.

ODI કેપ્ટન તરીકે ગિલનો પહેલો પડકાર

શુભમન ગિલ અગાઉ T20 અને ટેસ્ટ ફોર્મેટમાં ક્યારેક કાયમી તો ક્યારેક અસ્થાયી કેપ્ટન તરીકે ટીમનું નેતૃત્વ કરી ચૂક્યા છે. હવે ODI ફોર્મેટમાં પણ તેમને સુકાન મળ્યું છે. જો તેઓ આ શ્રેણી જીતી લે છે, તો તે કોહલીના રેકોર્ડની બરાબરી કરવાની સાથે ODI કેપ્ટન તરીકે એક ભવિષ્યદ્રષ્ટિ લીડર તરીકે સ્થાપિત થવાની દિશામાં પહેલ હશે.

ઓસ્ટ્રેલિયાની ધરતી પર ભારતનો રેકોર્ડ

ભારત અને ઓસ્ટ્રેલિયા વચ્ચે ODI શ્રેણીનો ઈતિહાસ નોંધનીય રહ્યો છે. 1980થી શરૂ થયેલી આ સ્પર્ધામાં ઓસ્ટ્રેલિયાની ધરતી પર ભારતનો રેકોર્ડ ખાસ્સો મજબૂત રહ્યો નથી. અત્યાર સુધી ભારત માત્ર એક જ વાર ઓસ્ટ્રેલિયામાં ODI શ્રેણી જીત્યું છે 2019માં. આવું બનવાનું મોટું કારણ ઓસ્ટ્રેલિયાની ઝડપી પિચો અને માહેર હોમ ટીમ રહી છે.

ગિલ માટે તક પણ છે અને ચિંતાઓ પણ

આ ODI શ્રેણીમાં ગિલને ટીમના યુવા ખેલાડીઓને સાથે લઈને ઓસ્ટ્રેલિયાની મજબૂત ટીમ સામે રણનીતિ ઘડીને ઉતરવું પડશે. જો તેઓ શ્રેણી જીતી જાય છે, તો માત્ર જીત નહીં પણ ભારતના ભાવિ કેપ્ટન તરીકે તેમનું સ્થાન પણ વધુ મજબૂત થશે.

આ રીતે, શુભમન ગિલ માટે આ શ્રેણી માત્ર એક લીડરશીપની શરૂઆત નહીં, પણ પોતાના ક્રિકિટિંગ કેરિયર માટે એક ટર્નિંગ પોઈન્ટ સાબિત થઈ શકે છે.

Gavin Larson: ન્યુઝીલેન્ડ ક્રિકેટનો મોટો નિર્ણય પૂર્વ ઓલરાઉન્ડર ગેવિન લાર્સન ફરી પસંદગી મેનેજર બન્યા

Gavin Larson ન્યૂઝીલેન્ડ ક્રિકેટ બોર્ડે પોતાના ભૂતપૂર્વ ખેલાડી ગેવિન લાર્સનને મહત્વપૂર્ણ જવાબદારી સોંપી છે. લાર્સનને ફરીથી ન્યૂઝીલેન્ડ ટીમના પસંદગી મેનેજર તરીકે નિમવામાં આવ્યા છે. તેમણે સેમ વેલ્સનું સ્થાન લીધું છે અને હવે તેઓ ન્યૂઝીલેન્ડની સિનિયર ટીમ, ન્યૂઝીલેન્ડ એ અને ન્યૂઝીલેન્ડ XI સહિત તમામ મહત્વની ટીમોની પસંદગી માટે જવાબદાર રહેશે. લાર્સનનો cricketing અનુભવ અને અનુભવી દૃષ્ટિકોણ ટીમની રચનામાં મોટું યોગદાન આપી શકે છે.

પસંદગીમાં પાછા ફર્યા લાર્સન

ગેવિન લાર્સન અગાઉ પણ આ ભૂમિકા નિભાવી ચૂક્યા છે. તેમણે 2015 થી 2023 સુધી ન્યૂઝીલેન્ડના મુખ્ય પસંદગીકાર તરીકે કાર્ય કર્યું હતું. હવે બીજીવાર આ જવાબદારી મળતાં તેમણે ખુશી વ્યક્ત કરતાં કહ્યું:

“ન્યૂઝીલેન્ડ ટીમ સાથે ફરી જોડાવું એ મારા માટે ગૌરવની વાત છે. હું દેશ માટે Cricket માટે ઉત્સાહી છું અને આ ભૂમિકામાંથી ફરી એકવાર યોગદાન આપી શકીશ એ હું લકી માનું છું.”

Welcome back, Gav!

Gavin Larsen has been appointed BLACKCAPS selection manager, filling the role left by the departing Sam Wells.https://t.co/s1aE5MT1vJ

— BLACKCAPS (@BLACKCAPS) October 16, 2025

લાર્સનનો પુર્વ અનુભવ તેમને આ ભૂમિકા માટે યોગ્ય પસંદગી બનાવે છે. તેઓ ક્રિકેટ ઓપરેશન્સ મેનેજર તરીકે 2015ના વર્લ્ડ કપ દરમિયાન પણ જવાબદાર રહ્યા હતા. સાથે સાથે તેઓ વેલિંગ્ટન cricket એસોસિએશનના CEO પણ રહી ચૂક્યા છે.

રમતગમતના મેદાનમાં પણ ઉમદા કારકિર્દી

ખેલાડી તરીકે લાર્સને ન્યૂઝીલેન્ડ માટે 121 વનડે મેચ રમ્યા છે, જેમાં તેમણે 113 વિકેટ ઝડપી હતી અને 629 રન બનાવ્યા હતા. તેઓ મુખ્યત્વે એક મજબૂત મિડીયમ પેસ બોલર હતા, જેમણે અનેક વખત ટીમને મુશ્કેલ સ્થિતિમા જીત અપાવી છે. ટેસ્ટ ક્રિકેટમાં પણ લાર્સને 8 મેચમાં 24 વિકેટ હાંસલ કરી હતી. તેમણે 1990થી 1999 સુધી આંતરરાષ્ટ્રીય ક્રિકેટ રમ્યું હતું.

ન્યૂઝીલેન્ડ માટે આ ઉંચકાવાળો નિર્ણય

લાર્સનની નિમણૂંક અંગે ન્યૂઝીલેન્ડના હાઈ-પરફોર્મન્સ કોચ ડેરિલ ગિબ્સને જણાવ્યું હતું કે, “ગેવિન લાર્સન અને મુખ્ય કોચ રોબ વોલ્ટર્સ વચ્ચે મજવોલ્ટર્સ સાથે લાર્સનની કામકાજની મજબૂત સમજણ અને સહયોગ છે.જે ટીમના વિકાસ માટે મહત્વપૂર્ણ છે.” લાર્સનને ટીમ બિલ્ડિંગ, ટેલેન્ટ ઓળખ અને સ્ટ્રેટેજિક પસંદગીઓમાં પારંગત ગણવામાં આવે છે.

આ નિર્ણયથી સ્પષ્ટ છે કે ન્યૂઝીલેન્ડ ક્રિકેટ બોર્ડ આગામી સિઝન અને ટુર્નામેન્ટ્સ માટે ટીમની પસંદગીમાં અનુભવ અને દૃઢ દ્રષ્ટિ લાવવાનો પ્રયાસ કરી રહ્યો છે. લાર્સનની વાપસી સાથે, ન્યૂઝીલેન્ડ ટીમ વધુ મજબૂત અને સંતુલિત બની શકે છે.

ICC Player Of The Month: એશિયા કપના હીરો અભિષેકને ICC સન્માન મળ્યું

એશિયા કપ 2025 માં શાનદાર પ્રદર્શન કરનાર અભિષેક શર્માને હવે આંતરરાષ્ટ્રીય સ્તરે માન્યતા મળી છે. ICC એ સપ્ટેમ્બર માટે પ્લેયર ઓફ ધ મંથની જાહેરાત કરી, જેમાં ભારતીય ખેલાડીઓએ પુરુષ અને મહિલા બંને કેટેગરીમાં જીત મેળવી. અભિષેક શર્માએ પુરુષ કેટેગરીમાં આ સન્માન જીત્યું, જ્યારે સ્મૃતિ મંધાનાને મહિલા કેટેગરીમાં આ એવોર્ડ એનાયત કરવામાં આવ્યો.

અભિષેક શર્માનું શાનદાર પ્રદર્શન

એશિયા કપ 2025 માં, અભિષેક શર્માએ સાત મેચમાં 200 ના સ્ટ્રાઇક રેટથી 314 રન બનાવ્યા. તે ટુર્નામેન્ટનો સૌથી વધુ રન બનાવનાર ખેલાડી હતો અને તેને પ્લેયર ઓફ ધ ટુર્નામેન્ટ પણ જાહેર કરવામાં આવ્યો. જોકે તે ફાઇનલમાં મોટી ઇનિંગ્સ ફટકારવામાં નિષ્ફળ ગયો, ભારતે ટાઇટલ જીત્યું.

અભિષેક શર્મા હાલમાં ICC T20 બેટિંગ રેન્કિંગમાં ટોચનું સ્થાન ધરાવે છે. તેણે આ ફોર્મેટમાં સૌથી વધુ રેટિંગ પોઈન્ટ એકઠા કરીને ઝિમ્બાબ્વેના બ્રાયન બેનેટ અને ભારતના કુલદીપ યાદવને પાછળ છોડી દીધા.

એવોર્ડ પ્રાપ્ત કર્યા પછી, તેણીએ કહ્યું, “મહત્વપૂર્ણ મેચોમાં ટીમ માટે યોગદાન આપવું હંમેશા ખાસ હોય છે. મને એવી ટીમનો ભાગ બનવાનો ગર્વ છે જે મુશ્કેલ પરિસ્થિતિઓમાં પણ જીતવાનું જાણે છે.”

સ્મૃતિ મંધાનાનું મહિલા વર્ગમાં સન્માન

સ્ત્રીઓ શ્રેણીમાં સપ્ટેમ્બર 2025 માટે ICC પ્લેયર ઓફ ધ મંથ તરીકે સ્મૃતિ મંધાનાને પસંદ કરવામાં આવી હતી. તેણીએ ઓસ્ટ્રેલિયા સામેની ઘરઆંગણે ODI શ્રેણીમાં શાનદાર બેટિંગ કરી હતી. સ્મૃતિએ ત્રણમાંથી બે મેચમાં સદી ફટકારી હતી. તેણીએ પહેલી મેચમાં 58 રન, બીજીમાં 117 રન અને ત્રીજી મેચમાં 125 રન બનાવ્યા હતા. ઓસ્ટ્રેલિયાએ શ્રેણી 2-1થી જીતી હોવા છતાં, મંધાનાએ ચાર મેચમાં 77 ની સરેરાશ અને 135.68 ના સ્ટ્રાઇક રેટથી સ્કોર કરીને બધાને પ્રભાવિત કર્યા હતા.