વિરાટ-રોહિતની ઐતિહાસિક ભાગીદારી: જયવર્ધને-સંગાકારાનો રેકોર્ડ તૂટ્યો

રાંચીના JSCA ઇન્ટરનેશનલ સ્ટેડિયમ ખાતે ભારત અને દક્ષિણ આફ્રિકા વચ્ચે રમાયેલી પ્રથમ વનડે મેચમાં વિરાટ કોહલી અને રોહિત શર્માએ શાનદાર બેટિંગ પ્રદર્શન કરીને નવો ઇતિહાસ રચ્યો. બંને ભારતીય દિગ્ગજોએ બીજી વિકેટ માટે 136 રનની ભાગીદારી કરી, જે ઇનિંગ્સ માત્ર ટીમ ઈન્ડિયાને મજબૂત સ્થિતિમાં લાવી નથી, પરંતુ કેટલાક મોટા રેકોર્ડ તોડીને નવો માઇલસ્ટોન પણ સ્થાપ્યો છે.

ઘરઆંગણે ODIમાં સૌથી વધુ રન બનાવનાર જોડી

રોહિત અને કોહલીની જોડી અત્યાર સુધીમાં 41 ઇનિંગ્સમાં 2667 રન બનાવી ચૂકી છે, જે ઘરઆંગણે ODI ક્રિકેટમાં સૌથી વધુ રન બનાવનાર ભાગીદારી બની છે. આ સિદ્ધિ સાથે તેમણે શ્રીલંકાના દિગ્ગજ બેટ્સમેન મહેલા જયવર્ધને અને કુમાર સંગાકારાનો લાંબા સમયથી ચાલતો રેકોર્ડ પછાડ્યો છે. જયવર્ધને-સંગાકારાની જોડી પાસે 57 ઇનિંગ્સમાં 2596 રનનો રેકોર્ડ હતો.

આ સૂચિમાં હવે રોહિત-વિરાટ ટોચ પર છે, જ્યારે ત્રીજા સ્થાને ઇંગ્લેન્ડના ઇયોન મોર્ગન અને જો રૂટ છે, જેમણે 38 ઇનિંગ્સમાં 2364 રન બનાવ્યા છે. ભારતના સચિન તેંડુલકર અને વીરેન્દ્ર સેહવાગ ઘરઆંગણે 2310 રન સાથે ચોથા સ્થાને છે.

રાંચીમાં બંને સ્ટારોએ દેખાડ્યો ક્લાસ

મેચની શરૂઆત ભારતીય ટીમ માટે સારી રહી હતી. ઓપનર યશસ્વી જયસ્વાલે 16 બોલમાં 18 રન બનાવીને ઝડપભરી શરૂઆત આપી. ત્યારબાદ રોહિત શર્મા અને વિરાટ કોહલી ક્રિઝ પર આવ્યા અને દક્ષિણ આફ્રિકાના બોલરો પર સખત દબાણ બનાવ્યું.

રોહિત શર્માએ 51 બોલમાં 57 રનની મહત્વપૂર્ણ ઇનિંગ્સ રમી જેમાં 5 ચોગ્ગા અને 3 છગ્ગાનો સમાવેશ હતો. તેની સ્ટ્રાઈક રેટ 111.76 રહ્યો. બીજી તરફ વિરાટ કોહલી પોતાના ક્લાસિક રમતમાં હતા અને સ્ટ્રાઇક રોટેશન સાથે પાર્ટનરશિપ જાળવી રાખી.

રોહિતના આઉટ થયા બાદ મધ્યક્રમમાં રુતુરાજ ગાયકવાડે 8 રન બનાવ્યા અને વોશિંગ્ટન સુંદર 11 રન બનાવીને આઉટ થયો. ભારતની ઇનિંગ્સનો મુખ્ય આધાર વિરાટ-રોહિતની ભાગીદારી જ રહી.

પ્રથમ ODI માટેની બંને ટીમોની પ્લેઇંગ ઇલેવન

ભારત

રોહિત શર્મા, યશસ્વી જયસ્વાલ, વિરાટ કોહલી, રુતુરાજ ગાયકવાડ, વોશિંગ્ટન સુંદર, કે.એલ. રાહુલ (વિકેટકીપર/કેપ્ટન), રવિન્દ્ર જાડેજા, હર્ષિત રાણા, કુલદીપ યાદવ, અર્શદીપ સિંહ, પ્રસિદ્ધ કૃષ્ણ

દક્ષિણ આફ્રિકા

રાયન રિકેલ્ટન, ક્વિન્ટન ડી કોક (વિકેટકીપર), એડન માર્કરામ (કેપ્ટન), મેથ્યુ બ્રીટ્ઝકે, ટોની ડી જોર્ઝી, ડેવાલ્ડ બ્રુઇસ, માર્કો જેન્સેન, કોર્બિન બોશ, પ્રેનેલન સુબ્રાયન, નાન્દ્રે બર્ગર, ઓટનિલ બાર્ટમેન

IND vs SA : ફિલ્ડર સુપરમેન બન્યો! રુતુરાજ ગાયકવાડને ડેવાલ્ડ બ્રેવિસે ઝપાટાની ઝડપે એક હાથથી પકડ્યો, વિરાટ કોહલી પણ રહી ગયા દંગ

IND vs SA પ્રથમ ODI, રાંચી: ભારત અને દક્ષિણ આફ્રિકા વચ્ચેની પહેલી વનડે મેચ દરમિયાન એક એવો ક્ષણ આવ્યો કે સ્ટેડિયમમાં બેઠેલા દરેક દર્શકની આંખો ચકિત થઈ ગઈ. દક્ષિણ આફ્રિકાનો યુવાન ખેલાડી ડેવાલ્ડ બ્રેવિસ ફિલ્ડિંગમાં સુપરમેન બનીને ઉભરાયો અને રુતુરાજ ગાયકવાડનો અદભુત કેચ લઈને સૌને આશ્ચર્યમાં મૂકી દીધા. આ કેચ પછી વિરાટ કોહલી પણ ક્ષણભર માટે વિશ્વાસ ન કરી શક્યા અને આકાશ તરફ જોઈને આશ્ચર્ય વ્યક્ત કર્યો.

બેકવર્ડ પોઈન્ટ પર બ્રેવિસની સુપરમેન જમ્પ

27મી ઓવર ઓટનીએલ બાર્ટમેન દ્વારા ફેંકાઈ રહી હતી. ઓવરનો ત્રીજો બોલ રુતુરાજ ગાયકવાડે રમવાનો પ્રયત્ન કર્યો, પરંતુ બોલ બેટના કિનારે લાગી બેકવર્ડ પોઈન્ટ તરફ ઉડી ગયો. ત્યાં ઉભેલો યુવાન બ્રેવિસ ઝબ્બે ઝડપે ડાઈવ મારીને એક હાથથી કેચ પકડી ગયો. તેની હવામાં કરેલી જમ્પ શાબ્દિક રીતે સુપરમેન લુક જેવી લાગી. સ્ટેડિયમમાં હાજર દર્શકો એક ક્ષણ માટે શાંત થઈ ગયા અને ત્યારબાદ ગર્જના સાથે આનંદ વ્યક્ત કર્યો.

ગાયકવાડનો નિરાશાજનક કમબેક

દક્ષિણ આફ્રિકાની સામે લગભગ બે વર્ષ બાદ ગાયકવાડને પ્લેઇંગ ઇલેવનમાં તક મળી હતી. પરંતુ આ અવસરનો લાભ તેઓ લઈ શક્યા નહીં. ગાયકવાડે 14 બોલમાં માત્ર 8 રન બનાવીને પોતાની ઇનિંગ્સ સમાપ્ત કરી. આઉટ થતા તેઓ સ્પષ્ટપણે નિરાશ નજરે પડ્યા.
રુતુરાજે અત્યાર સુધી 7 ODIમાં કુલ 123 રન જ બનાવ્યા છે, જે તેમની પ્રતિભાને ધ્યાનમાં લેતા ઓછા ગણાય છે. ડિસેમ્બર 2023 બાદ તેમને હવે ફરી તક મળી છે, પરંતુ શરૂઆત તેઓ માટે અનુકૂળ સાબિત થઈ નથી.

Ruturaj out
What a Catch by Dewald Bravis.
Ruturaj is captain of Dewald Bravis for CSK in ipl😂. pic.twitter.com/XEjFOtK6vC

— Garry (@CricGarry) November 30, 2025

ભારતની ઇનિંગ્સમાં કોહલીનો શાનદાર પ્રદર્શન

30 ઓવર બાદ ભારતીય ટીમે 3 વિકેટના નુકસાન પર 198 રન બનાવી લીધા હતા. વિરાટ કોહલી 88 રન સાથે ગજબની ફોર્મમાં બેટિંગ કરી રહ્યા હતા, જ્યારે વોશિંગ્ટન સુંદર 11 રન સાથે તેમની સાથિયા આપી રહ્યા હતા.
કપ્તાન રોહિત શર્માએ પણ 57 રનનું મહત્વપૂર્ણ યોગદાન આપ્યું. શુભમન ગિલની ગેરહાજરીમાં ઓપનિંગ કરનાર યશસ્વી જયસ્વાલ શરૂઆત સારી આપી, પરંતુ ઇનિંગ લાંબી ખેંચી શક્યા નહીં. તેઓ 16 બોલમાં 18 રન કરીને નાન્ડ્રે બર્ગરના શિકાર બન્યા.

બ્રેવિસનો કેચ મેચનો ટર્નિંગ પોઇન્ટ

બ્રેવિસનો કેચ માત્ર એક વિકેટ નહોતો, પરંતુ એવા પ્રકારની ફિલ્ડિંગની ઝલક હતી જે મેચનો મોમેન્ટમ બદલી શકે. ગાયકવાડ જેવી પ્રતિભાશાળી બેટ્સમેનને એક હાથમાં પકડવાનો કારનામો ફિલ્ડિંગની મહત્ત્વતા ફરીથી રજૂ કરે છે.

Rituraj Gaikwad goes for 8 runs in 14 balls.

What a catch by Dewald Bravis. pic.twitter.com/94xpIGSrBL

— Ashu (@AshuKharwa66211) November 30, 2025

આ કેચે મેચની હાઈલાઈટમાં પોતાનું સ્થાન પક્કું કરી દીધું છે અને ફેન્સ હજુ પણ તેને ફરી-ફરીને સોશિયલ મીડિયા પર જોઈ રહ્યા છે.

Virat: વિરાટ કોહલીની ઐતિહાસિક સદી, સચિનનો રેકોર્ડ તૂટ્યો

Virat રાંચીમાં ભારત અને દક્ષિણ આફ્રિકા વચ્ચે રમાયેલ પહેલી વનડે મેચમાં વિરાટ કોહલીએ શાનદાર સદી ફટકારીને ઇતિહાસ રચ્યો. JSCA ઇન્ટરનેશનલ સ્ટેડિયમ ખાતે રમાયેલી આ મેચમાં કોહલીએ પોતાની બેટિંગની ક્લાસિક ઝલક બતાવી. તેની આ સદી સાથે તેણે એક એવો માઇલસ્ટોન હાંસલ કર્યો કે જે આજની તારીખે દુનિયાના કોઈ પણ બેટ્સમેન માટે ગૌરવની વાત છે. વિરાટ હવે આંતરરાષ્ટ્રીય ક્રિકેટના એક જ ફોર્મેટમાં સૌથી વધુ સદી ફટકારનાર બેટ્સમેન બની ગયો છે. આ દિશામાં તેણે લેજન્ડરી સચિન તેંડુલકરને પાછળ છોડી દીધો.

ODIમાં 52મી સદી  ઇતિહાસમાં સોનાના અક્ષરે નામ

વિરાટ કોહલીએ આ મેચમાં 102 બોલમાં પોતાની સદી પૂર્ણ કરી, જેમાં તેની શ્રેષ્ઠ શોટ્સ અને સ્ટ્રાઈક રોટેશનની કલા સ્પષ્ટ દેખાઈ. આ સદી તેની ODI કારકિર્દીની 52મી સદી છે. અગાઉ સચિન તેંડુલકરે ટેસ્ટ ક્રિકેટમાં 51 સદી ફટકારીને એક ફોર્મેટમાં સૌથી વધુ સદીનો રેકોર્ડ બનાવ્યો હતો. પરંતુ આજે કોહલીએ તે રેકોર્ડ તોડી પોતાની અલગ ઓળખ બનાવી છે. કોહલીના સતત પ્રદર્શન અને શ્રેષ્ઠતા દર્શાવે છે કે તે કેમ આધુનિક ક્રિકેટના સૌથી સફળ અને વિશ્વસનીય બેટ્સમેન છે.

ઘરઆંગણે વનડેમાં સૌથી વધુ 50+ સ્કોર

કોહલીએ આ મેચમાં એક બીજો મોટો માઇલસ્ટોન પણ હાંસલ કર્યો. તે હવે વનડે ક્રિકેટમાં ભારતમાં સૌથી વધુ 50+ સ્કોર બનાવનાર પહેલો બેટ્સમેન બની ગયો છે. હવે કોહલી પાસે ભારતની જમીન પર વનડેમાં કુલ 59 વખત 50 અથવા તેથી વધુ રન બનાવવાનો નવો રેકોર્ડ છે.આ યાદીમાં તેણે સચિન તેંડુલકરને પાછળ છોડી દીધો, જેમણે પોતાના કારકિર્દીમાં 58 વખત ઘરઆંગણે 50+ સ્કોર બનાવ્યા હતા. આ સૂચિમાં દક્ષિણ આફ્રિકાના જેક્સ કેલિસ (46) અને ઓસ્ટ્રેલિયાના રિકી પોન્ટિંગ (45) તેના પછી આવે છે.

આ રેકોર્ડ્સ દર્શાવે છે કે કોહલી માત્ર વિદેશમાં જ નહીં, પરંતુ ઘરઆંગણે પણ કેટલો સતત અને પ્રભાવી બેટ્સમેન છે.

રોહિત અને કોહલીની 136 રનની મહત્વપૂર્ણ ભાગીદારી

ભારતની ઇનિંગની શરૂઆત યશસ્વી જયસ્વાલ અને રોહિત શર્માએ કરી હતી. બંનેએ ઝડપી શરૂઆત આપવાની કોશિશ કરી પરંતુ જયસ્વાલ 18 રન બનાવીને આઉટ થયો. ત્યારબાદ ત્રીજા નંબરે કોહલી ક્રિઝ પર આવ્યો અને રોહિત શર્મા સાથે મળીને ભારતીય બેટિંગને મજબૂત આધાર આપ્યો.

રોહિત અને કોહલીની 136 રનની ભાગીદારી ભારત માટે મેચનો ટર્નિંગ પોઈન્ટ સાબિત થઈ. રોહિત શર્માએ 51 બોલમાં 57 રનની ઇનિંગ રમીને પ્રતિસ્પર્ધી ટીમ પર દબાણ બનાવ્યું. બીજી બાજુ કોહલીએ પોતાના શાંત અને શિસ્તબદ્ધ બેટિંગથી ટીમને મજબૂત સ્થાને પહોંચાડ્યો.

આ મેચ માત્ર ભારત માટે જ નહીં, પરંતુ વિરાટ કોહલીના કારકિર્દી માટે પણ ઐતિહાસિક બની. તેના બે મોટા રેકોર્ડ્સ  સૌથી વધુ ODI સદી અને ઘરઆંગણે સૌથી વધુ 50+ સ્કોર – તેને ફરીથી સાબિત કરે છે કે તે પોતાના યુગનો મહાન બેટ્સમેન છે. ભારતની જીતમાં તેની સદી અને રોહિત સાથેની ભાગીદારી મહત્વપૂર્ણ રહી.