VIDEO: ટીમ ઈન્ડિયાના પ્રેક્ટિસ સેશનમાં WWE, આ 2 ખેલાડીઓ કોચ સાથે ઝઘડ્યા

VIDEO: ભારત અને ઈંગ્લેન્ડ વચ્ચે બીજી ટેસ્ટ મેચ બર્મિંગહામના એજબેસ્ટન ક્રિકેટ ગ્રાઉન્ડ પર રમાશે. આ મેચ પહેલા, ટીમ ઈન્ડિયાના પ્રેક્ટિસ સેશનનો એક વીડિયો સોશિયલ મીડિયા પર ખૂબ વાયરલ થઈ રહ્યો છે. આ વીડિયોમાં, ટીમના 2 ખેલાડીઓ કોચ સાથે ઝઘડતા જોવા મળ્યા.

VIDEO: ભારત અને ઇંગ્લેન્ડ વચ્ચે બીજી ટેસ્ટ મેચ માટે તૈયારી પૂરજોશમાં ચાલી રહી છે. આ રોમાંચક મુકાબલો 2થી 6 જુલાઈ દરમિયાન બર્મિંગહામના એજબેસ્ટન ક્રિકેટ ગ્રાઉન્ડ પર રમાશે. પ્રથમ ટેસ્ટ મેચમાં હાર મળ્યા બાદ ટીમ ઈન્ડિયા હવે વિજય માટે પુરી શક્તિથી મેદાનમાં ઉતરવાની તૈયારી કરી રહી છે.

આ તૈયારી દરમિયાન એક મજેદાર અને હળવી ઘટના જોવા મળી. ટીમના બે ખેલાડીઓ પ્રેક્ટિસ દરમિયાન પોતાના જ કોચ સાથે મજાકમસ્તીમાં રેસલિંગ કરતા નજરે પડ્યા. આ દ્રશ્યો એ બધાનું ધ્યાન ખેંચ્યું અને સૌના ચહેરા પર સ્મિત લાવ્યું.

ટીમ ઈન્ડિયાના પ્રેક્ટિસ સેશનમાં WWE સ્ટાઇલ મજા, અર્શદીપ અને આકાશદીપે કોચ સાથે રેસલિંગ કર્યું!

ટીમ ઈન્ડિયા હાલમાં ઇંગ્લેન્ડની સામેની મોટી ચેલેન્જ માટે સંપૂર્ણ રીતે તૈયાર થઈ રહી છે. પ્રેક્ટિસ સેશનમાં બેટ્સમેનોએ પોતાની ટેક્નિક પર કામ કર્યું અને બોલરો તેમની લાઇન અને લenth સુધારવા માટે મહેનત કરી. કેપ્ટન અને કોચિંગ સ્ટાફ પણ ખેલાડીઓના પ્રદર્શન પર નજર રાખી રહ્યાં છે.

આ તાજેતરના પ્રેક્ટિસ સેશન દરમિયાન એક અનોખો દ્રશ્ય સામે આવ્યો. જ્યારે ઝડપી બોલર અર્શદીપ સિંહ અને આકાશદીપે ટીમ ઈન્ડિયા ના બોલિંગ કોચ મોર્ન મોર્કલ સાથે મજાકભર્યું રેસલિંગ કર્યું. આ કોઇ ગંભીર મુકાબલો નહોતો, પરંતુ ખેલાડીઓ અને કોચ વચ્ચેની મિત્રતા અને મસ્તીનો એક મીઠો પળ હતો.

આ પ્રકારની ઘટનાઓ ટીમના વાતાવરણને હળવું અને સકારાત્મક બનાવવામાં મદદરૂપ થાય છે.

મોજમસ્તીમાં બોલિંગ કોચને પછાડી દીધો! અર્શદીપ અને આકાશદીપની શરારત કેમેરામાં કેદ

ત્રણેયે હસતા-રમતાં આ પળને ખુબજ એન્જોય કર્યો અને તેમની આ શરારત કેમેરામાં કેદ થઈ ગઈ. આ વીડિયો હાલ સોશિયલ મીડિયા પર ઝડપથી વાયરલ થઈ રહ્યો છે અને ફેન્સ તેને ખુબજ પસંદ કરી રહ્યાં છે.

A fun WWE fight by Morkel & Arshdeep 😂🔥 [Ankan Kar] pic.twitter.com/bYmDPXUR3w

— Johns. (@CricCrazyJohns) June 28, 2025

વિડીયોClipમાં મોર્ને મોર્કલ શરૂઆતમાં અર્શદીપ સિંહ સાથે મસ્તી કરતા દેખાય છે, પણ પછી અર્શદીપે આકાશદીપ સાથે મળીને મોર્ને મોર્કલને જમીન પર પાડી દીધા. ત્યારબાદ મોર્કલ ફરી અર્શદીપ સાથે ‘મજબૂત પકડ’ સાથે રમૂજયુક્ત લડાઈ કરતા નજરે પડે છે.

આ સમગ્ર દ્રશ્ય સાબિત કરે છે કે ટીમ ઈન્ડિયાનો માહોલ તંગ હોવા છતાં પણ ખુશમિજાજ અને એકતાપૂર્વકના પળોથી ભરેલો છે.

ટીમ ઈન્ડિયાને વાપસી માટે ઇતિહાસ બદલવો પડશે

ટીમ ઈન્ડિયા માટે એજબેસ્ટન ટેસ્ટમાં વાપસી કરવી સહેલી વાત નથી. કારણ કે આ મેદાન પર ભારતનો રેકોર્ડ ખૂબ નબળો રહ્યો છે. અત્યાર સુધી ટીમ ઈન્ડિયાએ એજબેસ્ટનમાં કુલ 8 ટેસ્ટ મેચ રમેલી છે.

આમાંથી 7 મેચમાં ભારતને પરાજય મળ્યો છે, જ્યારે એકમાત્ર મેચ ડ્રો રહી છે. એટલે કે, ટીમ ઈન્ડિયાને સિરીઝમાં વાપસી કરવી હોય તો એજબેસ્ટનના ઇતિહાસને બદલવો પડશે, જે મુશ્કેલ તો છે, પણ અશક્ય નથી.