VIDEO: મેનચેસ્ટર ટેસ્ટમાં ફેન્સની અનિર્ધારિત હરકતો

VIDEO: મેનચેસ્ટર ખાતે ભારત અને ઇંગ્લેન્ડ વચ્ચે રમાયેલ છેલ્લો ટેસ્ટ મેચ જ્યાં બંને ટીમો વચ્ચે રોમાંચક મુકાબલો ચાલી રહ્યો હતો, ત્યાં સ્ટેન્ડમાં એક પાકિસ્તાની ફેન્સના કારણે અલગ જ હલચલ મચી ગઈ હતી. આનો વીડિયો હવે વાયરલ થઇ ગયો છે.

VIDEO: ભારત અને ઇંગ્લેન્ડ વચ્ચે મેનચેસ્ટર ખાતે યોજાયેલ ચોથી ટેસ્ટ મેચ રોમાંચક રીતે ડ્રો પર સમાપ્ત થઈ ગઈ. ટીમ ઈન્ડિયાએ આ મેચમાં હાર ટાળીને યાદગાર વાપસી કરી અને ઇંગ્લેન્ડને ડ્રો માટે મજબૂર કરી દીધું. પરંતુ મેચના અંતિમ દિવસે એક પાકિસ્તાની ફેન્સના કારણે ઓલ્ડ ટ્રાફર્ડ સ્ટેડિયમમાં વિવાદ સર્જાયો, જેનો વીડિયો વાયરલ થઈ ગયો છે. ભારત-ઇંગ્લેન્ડનો મેચ જોવા આવેલા આ વ્યક્તિએ પાકિસ્તાની ટીમની જર્સી પહેરી હતી, જેના કારણે વિવાદ ઊઠી ગયો.

એન્ડરસન-તેંડુલકર ટ્રોફીની ચોથી ટેસ્ટ મેચ સમાપ્ત થયાના એક દિવસ પછી આ વીડિયો પાકિસ્તાની મીડિયામાં વાયરલ થઈ રહ્યો છે. એવો દાવો કરવામાં આવ્યો છે કે ઓલ્ડ ટ્રેફોર્ડ સ્ટેડિયમમાં પાકિસ્તાની મૂળના ક્રિકેટ ચાહક ફારૂક નઝર પણ હાજર હતા. મેચના છેલ્લા દિવસે નાટક ચાલી રહ્યું હતું અને આ દરમિયાન સ્ટેડિયમમાં હાજર એક સુરક્ષા કર્મચારી આ પાકિસ્તાની ચાહક પાસે પહોંચ્યો.

પાકિસ્તાની જર્સી પહેરવા પર મચ્યો હંગામો

ખરેખર, મેચ ભારત અને ઇંગ્લેન્ડ વચ્ચે ચાલી રહી હતી, પરંતુ આ ફેન્સએ પાકિસ્તાન ક્રિકેટ ટીમની લીલી જર્સી પહેરી હતી. આ ફેન્સનો દાવો છે કે સુરક્ષાકર્મીએ તેને પાકિસ્તાની ટીમની જર્સી બદલવા માટે કહ્યું હતું. આ ફેન્સએ ઘટનાનો વીડિયો બનાવ્યો છે, જેમાં તે બતાવે છે કે સુરક્ષાકર્મી તેના પાસે આવીને જર્સી ઉલટી પહેરવા માટે કહી રહ્યા છે. આ કારણે સ્ટેડિયમમાં જ્યાં તે ફેન્સ બેઠો હતો ત્યાં હલચલ મચી ગઈ અને ઘણા લોકો ઘટના નો વીડિયો બનાવવાનું શરૂ કરી દીધું.

Security without complaint and without giving any reason Pakistani cricket fan Farooq Nazar was asked to cover his Pakistani shirt during the Test match between India and England at Old Trafford, Manchester – Umeed News #umeednews pic.twitter.com/tShvTGMlXM

— Umeed News (@UmeedNews) July 28, 2025

લેન્કાશાયરએ કહ્યું તપાસ થશે

વીડિયોમાં જોવા મળી રહ્યું છે કે સુરક્ષા કર્મચારીઓએ ફેન્સને સમજાવવાનો ખૂબ પ્રયાસ કર્યો પરંતુ તેણે સાંભળ્યું નહીં અને તેમની પાસેથી લેખિત કારણ માંગવાનું શરૂ કર્યું. પાકિસ્તાની મીડિયા રિપોર્ટ્સમાં દાવો કરવામાં આવ્યો છે કે ફેન્સ પોતાની જર્સી બદલવાનો ઇનકાર કર્યો હતો અને સ્ટેડિયમની બહાર નીકળી ગયો હતો. આ ઘટના પ્રકાશમાં આવ્યા પછી, લેન્કેશાયર કાઉન્ટીએ એક નિવેદન બહાર પાડીને કહ્યું કે તેઓ આ ઘટનાની તપાસ કરશે.