IPL 2025 Restart: BCCI એ પ્રીતી ઝિંટાની ટીમને આપ્યો ‘ઝટકો’, પંજાબ કિંગ્સને થયું મોટું નુક્સાન

IPL 2025 Punjab Kings: ભારતીય ક્રિકેટ કંટ્રોલ બોર્ડ (BCCI) એ સોમવારે IPL સીઝન ફરી શરૂ થવાની પુષ્ટિ કરી. બોર્ડે નવું સમયપત્રક બહાર પાડ્યું. આ ટુર્નામેન્ટ 17 મેથી છ સ્થળોએ રમાશે. ફાઇનલ મેચ 3 જૂને યોજાશે.

IPL 2025 Restart:ભારતીય ક્રિકેટ કંટ્રોલ બોર્ડ (BCCI) એ સોમવારે IPL સીઝન ફરી શરૂ થવાની પુષ્ટિ કરી. બોર્ડે નવું સમયપત્રક બહાર પાડ્યું. આ ટુર્નામેન્ટ ૧૭ મેથી છ સ્થળોએ રમાશે. ફાઇનલ મેચ ૩ જૂને યોજાશે. ચંદીગઢ નજીક પાકિસ્તાને ભારતીય હવાઈ ક્ષેત્રનું ઉલ્લંઘન કરવાનો પ્રયાસ કર્યા બાદ સુરક્ષા કારણોસર ધર્મશાલા સ્ટેડિયમની ફ્લડલાઇટ્સ બંધ કરી દેવામાં આવી હતી. ત્યારબાદ ખેલાડીઓ, મેચ સંબંધિત સ્ટાફ અને દર્શકોને સુરક્ષિત રીતે બહાર કાઢવામાં આવ્યા.

બીસીસીઆઈએ શું કહ્યું?

પંજાબ કિંગ્સ અને દિલ્હી કેપિટલ્સ વચ્ચેનો મેચ રદ્દ થાને પગલે 8 મેના રોજ ટૂર્નામેન્ટને તાત્કાલિક સ્થગિત કરાઈ હતી. BCCI એ પોતાના નિવેદનમાં જણાવ્યું, “BCCI ને IPL 2025 ફરીથી શરૂ થવાની ઘોષણા કરતાં ખુશી થઈ રહી છે. સરકાર અને સુરક્ષા એજન્સીઓ સાથે વિસ્તૃત ચર્ચા અને તમામ મુખ્ય હિતધારકો સાથેના પરામર્શ બાદ બોર્ડે સીઝનના બાકીના ભાગને આગળ વધારવાનો નિર્ણય લીધો છે.”

આ નિર્ણય બાદ ટૂર્નામેન્ટનું નવું શેડ્યૂલ જાહેર કરવામાં આવ્યું છે અને હવે 17 મે થી શરૂ થનારી મેચો નક્કી કરાઈ છે.

છ સ્થળોએ રમાશે લીગ મેચો

લીગ 17 મેના રોજ બેંગલુરુમાં રોયલ ચેલેન્જર્સ બેંગલુરુ અને ચેન્નાઈ સુપર કિંગ્સ વચ્ચે એક હાઈ-પ્રોફાઇલ મુકાબલાથી ફરી શરૂ થશે. નવા શેડ્યૂલ અનુસાર લીગ મેચો માટે છ સ્થળ નક્કી કરવામાં આવ્યા છે: બેંગલુરુ, જયપુર, દિલ્હી, લખનૌ, અમદાવાદ અને મુંબઈ.

પ્લેઑફ મેચો કયા સ્થળોએ રમાશે તેની જાહેરાત પછી કરવામાં આવશે. रवિવારના રોજ યોજાનારા બે ડબલ હેડર સહિત કુલ 17 મેચો રમાશે.

રદ્દ થયેલા પંજાબ-દિલ્હી મેચનું શું?

ધર્મશાલામાં સુરક્ષા કારણોસર રદ્દ કરાયેલા મેચને BCCI ફરીથી આયોજિત કરશે. આ મુકાબલો 24 મેના રોજ જયપુરમાં રમાશે. જ્યારે ધર્મશાલામાં મેચ રોકવામાં આવ્યો હતો ત્યારે પંજાબ કિંગ્સે 10.1 ઓવરમાં 1 વિકેટે 122 રન બનાવી દીધા હતા.

પ્રભસિમરન સિંહે 28 બોલમાં અણનમ 50 રન બનાવ્યા હતા, જ્યારે શ્રેયસ અય્યરે હજી ખાતું નથી ખોલ્યું હતું. પ્રિયાન્શ આર્યાએ 34 બોલમાં 70 રન ફટકાર્યા હતા જેમાં તેમણે 5 ચોગ્ગા અને 6 છગ્ગા લગાવ્યા હતા.

પ્રીતિ ઝિંટાની ટીમને થયું નુકસાન

શરૂઆતમાં ચર્ચા હતી કે શું મેચ 10.1 ઓવરથી આગળ શરૂ થશે? શું પંજાબના હિતમાં નિર્ણય આવશે? પણ એવું કંઈ થયું નહીં. પંજાબ અને દિલ્હી વચ્ચેનો મુકાબલો હવે શરૂઆતથી રમાશે. પરિણામે, પ્રીતિ ઝિંટાની ટીમને નુકસાન વેઠવું પડ્યું છે. હવે જોવું રહ્યું કે જયપુરમાં પંજાબ અને દિલ્હીના ખેલાડીઓ કેવો દેખાવ કરે છે.

બન્ને ટીમોના ખાતામાં પોઈન્ટ્સ નહીં જોડાયા

પંજાબ માટે આ સિઝનનો 12મો મુકાબલો હતો. મેચ પહેલા પંજાબે 11 મેચોમાં 15 પોઈન્ટ્સ મેળવ્યા હતા. બીજી તરફ, દિલ્હીનો પણ આ 12મો મેચ હતો અને તેના ખાતામાં પહેલેથી જ 13 પોઈન્ટ્સ હતા.

જ્યારે મુકાબલો અટકાવી દેવામાં આવ્યો, ત્યારે ફેન્સે વિચાર્યું કે બન્ને ટીમોને 1-1 પોઈન્ટ મળશે. પરંતુ એવું થયું નહીં. બોર્ડે સ્પષ્ટ કરી દીધું કે આ મેચ ફરીથી શરૂથી રમાશે અને કોઈ પણ ટીમના ખાતામાં આ સમયે પોઈન્ટ્સ નહીં ઉમેરવામાં આવે.

Indian Cricket Team: વિરાટ કોહલી-રોહિત શર્મા પછી કોણ? આ 5 યુવાન બની શકે છે આગામી સુપરસ્ટાર

ભારતીય ક્રિકેટ ટીમ: રોહિત શર્મા અને વિરાટ કોહલી જેવા દિગ્ગજોએ એક અઠવાડિયામાં ટેસ્ટ ક્રિકેટમાંથી નિવૃત્તિ લઈને ચાહકોને નિરાશ કર્યા છે. બંને ખેલાડીઓની જગ્યા ભરવી સરળ નથી. રોહિત અને વિરાટ લાંબા સમયથી ટીમ ઈન્ડિયાના મહત્વપૂર્ણ સભ્યો રહ્યા છે.

Indian Cricket Team: હવે બંને ફક્ત ODI ફોર્મેટમાં જ જોવા મળશે. રોહિત અને વિરાટની નિવૃત્તિ પછી, ઘણા ખેલાડીઓનું નસીબ ચમકી શકે છે. અમે તમને એવા 5 ખેલાડીઓ વિશે જણાવી રહ્યા છીએ જે રોહિત અને વિરાટ પછી સુપરસ્ટાર બનવાના દાવેદાર છે…

આ છે 5 યુવા ખેલાડી જે બની શકે છે આગામી સુપરસ્ટાર

શુભમન ગિલ
રોહિત શર્માની જગ્યાએ ટેસ્ટ ક્રિકેટમાં ભારતના આગામી કેપ્ટન તરીકે શુભમન ગિલનો વિકલ્પ જોવામાં આવી રહ્યો છે. તેમણે અત્યાર સુધી 32 ટેસ્ટ રમ્યા છે, જેમાં 35.05ની સરેરાશથી 1893 રન બનાવ્યા છે અને 5 સદી ફટકારી છે. વિદેશી પિચ પર તેમણે 13 ટેસ્ટમાં 29.50ની સરેરાશથી માત્ર 649 રન બનાવ્યા છે. वनડે અને T20માં ગિલ શ્રેષ્ઠ ફોર્મમાં રહ્યા છે, પરંતુ તેમને હવે ટેસ્ટ ફોર્મેટમાં, ખાસ કરીને વિદેશી મેદાનો પર પોતાને સાબિત કરવાની જરૂર છે. જો તેઓ કેપ્ટન બનશે તો તેમની પર દબાણ પણ વધશે.

ઋતુરાજ ગાયકવાડ
ડોમેસ્ટિક ક્રિકેટ અને IPLના સ્ટાર ઋતુરાજ ગાયકવાડને આંતરરાષ્ટ્રીય સ્તરે હજી સુધી પૂરતા અવસરો મળ્યા નથી. તેમણે એશિયન ગેમ્સમાં ભારતને સુવર્ણ પદક જીતાડ્યું હતું. ઋતુરાજે અત્યાર સુધી 6 વનડે અને 23 T20 મેચ રમ્યા છે. તેઓએ હજી ટેસ્ટ ડેબ્યુ નથી કર્યું. ફર્સ્ટ ક્લાસ ક્રિકેટમાં તેઓએ 38 મેચમાં 41.77ની સરેરાશથી 2632 રન બનાવ્યા છે, જેમાં 7 સદી અને 14 અર્ધસદીનો સમાવેશ થાય છે. તેમની ટેકનિક મજબૂત છે અને યોગ્ય અવસર મળતાં તેઓ ભારતના આગામી સુપરસ્ટાર બની શકે છે.

સાઈ સુદર્શન
IPLમાં દમદાર પરફોર્મન્સ આપનારા સાઈ સુદર્શન ટેકનિકલી પણ મજબૂત છે. તેઓ તીવ્ર ગતિથી રન બનાવતાં હોવા છતાં પારંપરિક શોટ્સથી રન એકત્રિત કરે છે. તેમણે હજુ સુધી માત્ર 3 વનડે અને 1 T20 મેચ રમી છે. ફર્સ્ટ ક્લાસમાં 29 મેચમાં 39.93ની સરેરાશથી 1957 રન બનાવી ચૂક્યા છે, જેમાં 7 સદી અને 5 અર્ધસદી છે. ઘણા ક્રિકેટ વિશેષજ્ઞો એમ માને છે કે તેઓ ભવિષ્યમાં ભારતીય ટીમનો મોટો સ્ટાર બની શકે છે.

સરફરાજ ખાન
ભારત માટે ટેસ્ટ ડેબ્યુ કરી ચૂકેલા સરફરાજ ખાન હજી માત્ર 27 વર્ષના છે અને તેમની પાસે ભવિષ્યમાં લાંબી રમત બાકી છે. તેમણે અત્યાર સુધી 6 ટેસ્ટ મેચમાં 37.10ની સરેરાશથી 371 રન બનાવ્યા છે અને 1 સદી ફટકારી છે. તેઓ ટીમ મેનેજમેન્ટના પ્લાનમાં છે અને આગળ વધુ અવસર મળવાની સંભાવના છે, જેમાં તેઓ પોતાનું સ્થાન મજબૂત બનાવી શકે છે.

યશસ્વી જયસ્વાલ
યશસ્વી જયસ્વાલે પહેલેથી જ ભારત માટે 19 ટેસ્ટ મેચ રમીને પોતાનું સ્થાન બનાવ્યું છે. હવે તેઓ સુપરસ્ટાર બનવાની દિશામાં આગળ વધી રહ્યા છે. તેમણે 52.88ની સરેરાશથી 1798 રન બનાવ્યા છે, જેમાં 4 સદી અને 10 અર્ધસદીનો સમાવેશ થાય છે. તેઓ હવે ભારતના નિયમિત ઓપનર બન્યા છે અને તેમનો ભૂમિકા વધુ જવાબદારીભર્યો બની રહ્યો છે.

Virat Kohli and Anushka Sharma With Premanand Ji Maharaj: ટેસ્ટ ક્રિકેટમાંથી સંન્યાસ લેતાં પ્રેમાનંદ મહારાજની શરણમાં પહોંચ્યા કોહલી- અનુષ્કા

પ્રેમાનંદ જી મહારાજ સાથે વિરાટ કોહલી અને અનુષ્કા શર્માનો વીડિયો: પ્રેમાનંદ મહારાજના આશ્રમમાં બંને સાથે જોવા મળ્યા, બંનેની તસવીર સોશિયલ મીડિયા પર વાયરલ

Virat Kohli and Anushka Sharma With Premanand Ji Maharaj: ટેસ્ટ ક્રિકેટમાંથી નિવૃત્તિ લીધાના એક દિવસ પછી, વિરાટ કોહલીએ તેની પત્ની અનુષ્કા શર્મા સાથે પ્રેમાનંદ મહારાજના ઘરે આશરો લીધો. બંને પ્રેમાનંદ મહારાજના આશ્રમમાં સાથે જોવા મળ્યા હતા, બંનેની તસવીર સોશિયલ મીડિયા પર વાયરલ થઈ રહી છે. તમને જણાવી દઈએ કે થોડા દિવસો પહેલા જ્યારે કોહલી સારા ફોર્મમાં ન હતો, ત્યારે તે પ્રેમાનંદ મહારાજના આશ્રમની મુલાકાતે ગયો હતો અને ત્યાંથી આશીર્વાદ લીધા પછી, કોહલીએ ચેમ્પિયન્સ ટ્રોફીમાં શાનદાર બેટિંગ કરીને ભારતને ચેમ્પિયન બનાવ્યું હતું. કોહલીએ ચેમ્પિયન્સ ટ્રોફીમાં પાકિસ્તાન સામેની મેચમાં સદી ફટકારી હતી. હવે ફરી એકવાર કોહલી આશ્રમ પહોંચી ગયો છે. આ વખતે, ટેસ્ટ ક્રિકેટમાંથી નિવૃત્તિ લીધા પછી, કોહલી પ્રેમાનંદ મહારાજને મળ્યો અને તેમના આશીર્વાદ લીધા.

Virat Kohli & Anushka Sharma से पूज्य महाराज जी की क्या वार्तालाप हुई ? Bhajan Marg pic.twitter.com/7IWWjIfJHB

— Bhajan Marg (@RadhaKeliKunj) May 13, 2025

જાણાવી દઈએ કે જ્યારે વિરાટ કોહલી પ્રેમાનંદ મહારાજથી મળ્યા, ત્યારે મહારાજજીએ તેમને પ્રશ્ન કર્યો, “તમે ખુશ છો?” તો કિંગ કોહલીએ હા માં જવાબ આપ્યો. સાથે જ, મહારાજે કોહલી અને અનુષ્કાથી ઘણો સમય વાત કરી. કોહલી એક ટક જોઈને મહારાજજીની વાતોને ધ્યાનપૂર્વક સાંભળી રહ્યા હતા. પ્રેમાનંદ મહારાજને મળીને, કોહલી અને અનુષ્કા ઘણી ખુશ નઝર આવી રહ્યા હતા. બંનેના ચહેરા પર સંતોષના ભાવ સ્પષ્ટ રીતે દેખાઈ રહ્યા હતા.