T20 World Cup: ભારત-પાક મેચમાં આજે ઈતિહાસ રચી શકે, હરમનપ્રીત અને શેફાલી

6 ઓક્ટોબર, રવિવારે Dubai International Cricket Stadium માં ભારત અને પાકિસ્તાન વચ્ચે 100મી T20 મેચ રમાશે. આ સાથે ભારતીય કેપ્ટન હરમનપ્રીત કૌર અને ઓપનિંગ બેટ્સમેન શેફાલી વર્મા પાસે પણ આ મેચમાં ઈતિહાસ રચવાની તક છે.

Women’s T20 World Cup માં ભારત અને પાકિસ્તાનની ક્રિકેટ ટીમો આમને-સામને થશે. ન્યુઝીલેન્ડ સામે હાર્યા બાદ ભારત માટે આ મેચ ઘણી મહત્વની બની રહી છે. આ મેચ રવિવારે દુબઈના ઈન્ટરનેશનલ ક્રિકેટ સ્ટેડિયમમાં રમાશે. ભારત-પાકિસ્તાન વચ્ચેની આ મેચ દુબઈ ઈન્ટરનેશનલ ક્રિકેટ સ્ટેડિયમના ઈતિહાસનો એક ભાગ બનવા જઈ રહી છે. આ સ્ટેડિયમમાં રમાનારી આ 100મી T20 મેચ હશે. આ સ્ટેડિયમમાં પુરુષોની ક્રિકેટ ટીમોની 92 અને મહિલા ટીમોની 7 મેચ રમાઈ છે. આ સાથે ભારતીય કેપ્ટન હરમનપ્રીત કૌર અને ઓપનિંગ બેટ્સમેન શેફાલી વર્મા પાસે પણ આ મેચમાં ઈતિહાસ રચવાની તક છે.

અત્યાર સુધી Dubai International Cricket Stadium માં

Dubai International Cricket Stadium માં અત્યાર સુધીમાં 7 મહિલા T20 ઈન્ટરનેશનલ મેચ રમાઈ છે, જેમાં પ્રથમ બેટિંગ કરનાર ટીમે 3 વખત જીત મેળવી છે અને બીજી બેટિંગ કરનાર ટીમે 4 વખત મેચ જીતી છે. અહીં એક પણ મેચ ટાઈ થઈ નથી.

પિચ સ્થિતિ

અહીંની પિચ પરના સર્વોચ્ચ સ્કોર વિશે વાત કરીએ તો, ન્યૂઝીલેન્ડે ભારતીય મહિલા ક્રિકેટ ટીમ સામે 4 વિકેટના નુકસાન પર 160 રન બનાવ્યા હતા. આ T20 વર્લ્ડ કપમાં આ મેચ થઈ અને ભારત હારી ગયું. ટીમ ઈન્ડિયા આ મેચમાં માત્ર 102 રન સુધી જ સિમિત રહી હતી. આ મેદાન પર સૌથી સફળ ચેઝ દક્ષિણ આફ્રિકાની મહિલા ટીમ દ્વારા કરવામાં આવ્યો છે, જેણે વેસ્ટ ઈન્ડિઝ સામે કોઈ વિકેટ ગુમાવ્યા વિના 119 રન બનાવ્યા હતા.

શ્રેષ્ઠ ઇનિંગ્સનો રેકોર્ડ Yasmin Khan ના નામે છે

આ મેદાન પર સૌથી ઓછો મહિલા T20 આંતરરાષ્ટ્રીય સ્કોર UAE દ્વારા 2023માં નામિબિયા સામે બનાવવામાં આવ્યો હતો. અહીં સૌથી વધુ વ્યક્તિગત સ્કોર વિશે વાત કરીએ તો, નામીબિયા મહિલા ક્રિકેટ ટીમની યાસ્મીન ખાને વર્ષ 2023માં UAE સામે અણનમ 62 રન બનાવ્યા હતા. શ્રેષ્ઠ બોલિંગની વાત કરીએ તો ન્યૂઝીલેન્ડની રોઝમેરી મેરે ભારત સામે 19 રનમાં 4 વિકેટ ઝડપી હતી. વર્તમાન વર્લ્ડ કપમાં ભારત અને ન્યુઝીલેન્ડ વચ્ચેની આ છેલ્લી મેચ હતી.

Harmanpreet Kaur 59 રન બનાવતાની સાથે જ આ સિદ્ધિ મેળવી લેશે.

ખેલાડી દ્વારા બનેલા સંભવિત રેકોર્ડની વાત કરીએ તો, જો કેપ્ટન હરમનપ્રીત કૌર આ મેચમાં 59 રન બનાવશે તો તે મહિલા T20 ઈન્ટરનેશનલમાં સૌથી વધુ રન બનાવનાર ટોપ-3 બેટ્સમેનોની યાદીમાં આવી જશે. તે આવું કરનાર બીજી ભારતીય પણ બની જશે. નંબર વન પર સ્મૃતિ મંધાના છે, જેના નામે 3505 રન છે.

Shefali 2000 રનની ક્લબમાં સામેલ થઈ શકે છે

ભારતની ઓપનિંગ બેટ્સમેન શેફાલી વર્મા પાસે પણ આજે પાકિસ્તાન સામેની મેચમાં પોતાના નામે રેકોર્ડ નોંધાવવાની તક છે. જો આ મેચમાં શેફાલી વર્મા 50 રન બનાવશે તો તે 2000 રનની ક્લબમાં સામેલ થઈ જશે.